¹ nganji gwangae boto ono aasunja la aasegama la lilo ge bo looso. ² atshowe liogi la atshilembe ogimage,atshiletshiye mungu,la atshemale gopelo Iongia-ongia yande. ³ Bagolo gwete yande bengae baito ba bwela bo oguluma; basambisi bande bengae mbwa yi galo mogee ge liolo,bapatshie gea kino goege nongo. ⁴ Basaoli bande bengae baito ba ko,baito obajange goimiliya;yakanga yande besegesande mbeo yi loongene basegesa bobeko. ⁵ mungu goete yande engae la boyengebene ge,eotongite obe.nongo la nongo aenisa gosambisa longene lwande;mo gepangeli ge bokolo la bokolo apajange,lambo boto bobe atshimoluba goowa soni. ⁶ "yapinga basego,bapango yabo la opia yaumase yaasegesa ndole yabo ogalo atshia boto ayoendelamo,toula twabo twaenegela bwasi,lotshomba boto,lo tshomba bongali bose. ⁷ yaabea gombo,loongene etosendei,eyambande ohamela boai la galo gengaelo geande gepalongane,gelenge gemoa ogalo asilemi golaka ge mbeo yitshubu yande lambo beumogende la nongo mpo yolesia bagwa babo batshubu obe. ⁸ La galo mungu abea mombo,gumbemi,poa ye bo bo bwina yemalande ogeanga la boto agaenelo. poayembo bokano boami boende bosonga nya basego mombo ilese bekondi gesee gemoa,mombo ibele kanda yami goangale bo,la boto botubu mo ligege liami;mo litina limbo boto mo kanda yami iuye bokili bombimba bo fiesemo. ⁹ La galo,yekalambesande baogi ba baito tee go liogi lilongene,mombo bo batubu lina li Iongia-ongia la mbio batongelege la botema bomoa. ¹⁰ ototoga gombale ye baye baye boi bo etiopia,baito abangale mosembolemi,la age bona ogali ga baito bami aba aba panjame lo,la belesindi boeba boami. ¹¹ mo buina boaho, bofao esame soni poa ye mombo gee gengo totongemi ye longene. ¹² kasi emi ye taande moete yago baito aba tobamelo la aba foele lo;bo beletelande lina li mungu. ¹³ bee abatiale go isalaele;bafa tonge obe,ba fa selenge ata;moete bonya boabo,logame bo bende la,la bende fonya mo nele,ata omoa afa bangese bo. ¹⁴ oba begele age bona ogali ga siona!kanga age isalaele!unela la oagelemo go liofi liago litubu,age bona ogali ga yelusalema. ¹⁵ Mungu atotolage olesamase boago,ata gose banguna bago batubu.bokondi bo isalaele,ge mungu engale moeteago,bafabange ale obe. ¹⁶ mobuina boaho,moselenga melande yelusalema mombo;age liolo buingobanga.siya mombo baago batholema. ¹⁷ Ngene mungu yago engale moete yago,ge gelombe ge ofia,euhesande;ge esepelande moete gehoi.la eunelande lago la bogele. ¹⁸ ye songa nyandebo be obangale mowa ngandi,poa ye osonganya,be abago.osundja boandi,poa ye osongama,be abago.osundja boande bongale la olito gotsheyabo. ¹⁹ leta,moge geaho emi yemaelande abangale monyokolage batubu;yeuhesandendai ono angale la gelemo,emi yesonganyande soni yabo mombo bagbe begele la lokuku moete gehuma getubu. ²⁰ Mogegeaho,yegotshe ndenu,moge geaho yesonganyende la osimolalama moete basego batubu ba gehuma.la galo emi yekalambesande obundemo boaino gofelo baiso baino.Iongia-ongia abea galo