¹ andanei la bongali gesee gemoa, lisego oliti la soni. ² inde bobeko boneni te, bokolo boatotoga ambo bunge; inde ligege lilene li mungu liodjeli tenu, inde bokolo bo ligege li mungu liodjelitenu. ³ silei mungu, enu boabeli bindo bino bitubu goete gehuma, obayotongela balao bande, silei ndole ye loongene, silei goyelama se, imbai mbo boisami ndi mo bokolo bo ligege li mungu. ⁴ po ye mbo gaja esiyama nde la asekelone etiala nde bwasi; baito ba asedode bebitshama nde moete loha lo mili la ekelone ebusiama nde. ⁵ ngandi po djaino bangali ba se ba libongo li badje ba bonana, enu lisego li kelete. liogi li mungu lingale mwemaelenu, ee kanana, gehuma ge bafilisitia, yesegesa nde age kino bongali bose laa omoa apatiale. ⁶ laage, ee libongo li loye,bongala nde libanga li bingi, bingaelo bi bakumi, bilalelo bi belongo. ⁷ libongo li loye lingala nde motole po dje litika li mbele ye yuda, bolesia nde belongo bio go mbele ye asekelone belela nde la liolo. po dje mbo mungu iongiaongia ya bo egelegia nde bo, ekokoya nde obundama bwabo. ⁸ yaoa obona bo moabala baogi babe ba bana ba amona; oyabonise bo baito baami la mo la beselenge nde la ilehe po ye bolelo bwabo. ⁹ lagalo gai angalemi la luuho, mungu ye gehuma abea galo, ge iongiaongia yi yisalaele, yoaba engaande ambo sodomo la bana ba amona ambo gomola; gehuma geyale la bingi bibe la basiya ba bonana, gesee geasegama loongo la loongo. litika li baito baami lipandola nde bo bauhinama la baito baami. ¹⁰ mwe mongala nde gongale bo mo gesee ge obata bolo bwabo po dje mbo bebone nde la beselenge nde la igeta goemaela baito ba mungu ye gehuma. ¹¹ mungu epa nde bogasa bolene gongale bo, ee, ekondisa nde toongiaongia toke totubu to gehuma. beubamela nde ge, omoa la omoa moete gesee geande, bei betubu be basego. ¹² enu ambwale ba etipia, bolowami ndi la lihamba liami; ¹³ elipola nde yogo djande gombale ye liolo la esegesa nde asulia; esela nde niniwe mo gesee ge bwasi, gesee ogegase lo ambo gesobe. ¹⁴ bolongo bo nama bolala nde aose goete yande, ba nama yitubu yi basego; noli djilene la giyoo ge nama pe ngaa nde se go betshwe be bisigo byande baogi babo betshwatshwa nde begele mo baninisa ba mbele osegesama bongala nde mo bigotelo, po ye mbo ligwa liyande go eleje, lingaisama nde bopona. ¹⁵ mwe mongale boi bolo, oyangaese moete gehoi! ogabee ande geangene gombo, emi djengale la gasina ati ho! aiga gesee ge bwasi gani?; gelalelo ge nama go gato. boto la boto ogayoeta ge ebona nde la epepela nde yogo yande.