¹ liogi li mungu lidje nde gongale sefania, bona golome ga kusi, bona golome ga gedulia, bona golome ga amalia, bona golome ga hijikia mo gee ge yosiya, bona ga amona bokondi bo yuda. ² yesegesa nde biya bitubu obingale mo nele, galo ndabe ngene. ³ yesegesa nde baito laa nama, yesegesa nde noli dji liolo la swe go badje, biima biya obipa lomoto laa baito baili, yesiya nde baito opanga go liolo tee goni se, galo nde abee ngene. ⁴ yenanola nde djogo djami gotie yuda; la gongale baito batubu obangaa go yelusaleme; yesidja nde moete geo gesee obatshiale go bala, la baina ba bokondi beabo la besali be mungu beabo, ⁵ obangale motumela se gotie botondo gopelo basola ba goliolo, obangale motulamase molapisama la mungu la olapisama gongale bokondi bwabo, malakama. ⁶ obate boongo gwangae mungu, la bee obati mosila mungu, bati motundja ge. ⁷ gehoi gengale gopelo ngene, iongiaongia! po dje mbo bwina bo mungu boangala bagu, po dje mbo mungu elonganye nde boaba, la apaa luuma gongale obalembe ge. ⁸ mo bokolo bo boeba bo mungu, bagolo la bana ba bolome ba bokondi la baito batubu obangale mo bata tulu dji bogenda. ⁹ moete bokolo bwaho djepa nde getumbo gongale baito batubu obahumboga go liolo li gegotelo; obadjalisa golengoga la bwiba go mbele dje ngene abo. ¹⁰ mungu abea galo gombo: moete bokolo bo, liogi lienena nde mo bonywa bo pwe, bileli ototoga go boi bo bele, losele lolene la okba kba se ototoga gotie ngolo. ¹¹ lelei, enu bangali base ba makatese, po dje mbo ba kanana bati ale go, bolome batubu obambe la bioto basila. ¹² moete gie gee djesila sila nde goete yelusaleme la biinda, yepaa nde baito bitumbo obangale mongala se la lilo lyabo, obangale mo bea goete betema beabo gombo: mungu ati moto olo la ati motonga obe. ¹³ biya biabo bipandolama nde, mbele djabo djisegesama nde, ata bepwesa nde mbele, bapangae se ho; ata beloga nde bilanga bi miwiti, bapamwe bagana ba mo. ¹⁴ bokolo bolene bo mungu bwaiga bagu; bwaiga bagu pendja; liogi li bokolo bo mungu lingae la libee, gelombe engale molela ho. ¹⁵ bokolo boaho bongale bokolo bo ligege, bokolo bo looso la bekakatano; bokolo bo lomoto la osegesama, bokolo bo liima la gijanga goena se; bokolo bo bapata goenegela se la liima pui; ¹⁶ bokolo bowanga la bwina bohamoga po ye gimo, oemaela boi la opia la bisee bisa bisabeatama opia. ¹⁷ yelesia nde looso goliolo li baito gombo baende ambo baito obasila gongba baiso, po dje mbo batongela mungu obe, baila babo bebelega nde se ambo buta bo djimbe la bonugu bwabo ambo tobi. ¹⁸ bioto byabo bi palata la wolo bwabo mopalonge gouhesa bo mo bokolo bo ligege li mungu; la djiimbe dji looso yande la ligege goete gehuma getubu ge petshama nde. po dje mbo esukisa nde, ee, eigisa nde go liyo bo longene baito nbatubu obangale mongala se goete gehuma.