¹ Mbano inandi angae a Bayuda,to otama gelembo engae a litomba inandi. ² Engae bolene a bilenge bitubu,la po yembo gopelo be pende bo baogi balo ba IONGIAONGIA. ³ Agalo! Gea inandi ge gelane obea ambo ba moa bati imidje,opea oimidja bwabo bo gelane otonga mbo oboto bo IONGIAONGIA bo djange opia. ⁴ Soko moke te! Sedjambo IONGIAONGIA alubane mbo agabea lomene,kasi boto botubu emobea boela, ogalo a gilitshe bombo: Poyembo baogi bago geleko age go samba ge. ⁵ Monga ambo mbo ozanga lomene bwaiso bo pa ambo oimilia bo IONGIAONGIA,Giigeango besu?IONGIONGIA engae a bwela go geleko ogengae ge monyenya ligege liande?(yengae mo bea a gelenge ge baito). ⁶ Soko mokete!Abobeeli bwasina,Gelenge inandi gea ngo sambesa IONGIAONGIA gehuma? ⁷ Lambo abwela bwami,lomene lo IONGIAONGIA loenegele ambo baale po ye kembo yande,Mogii a ngaeemi la mene mo sambisama ambo boto gatonga basumu? ⁸ La Mogii atia mbo totonga obe poyembo holo boye, ambo botogasina,galo angae ge mo bea a esu, mbo tongae mobea galo? Bo baito beudja nde bitumbu lomene. ⁹ Tobe gani! Esutongae baito balo ata?Motigalo.Poyembo tolube pelombo Bayuda laa bageleki bengae ge se boombo ba basumu, ¹⁰ Ogaloagilitshame mo mbo;motia boto ga lomene,eti laa omoa bwasi. ¹⁰ ambo galo akomame mo: moti ata la omoo agangale la bosembo , moti ata omoo. ¹¹ Boto laa omoa ati la bweli,boto laa omoa atimosila IONGIAONGIA;bobatubu balimega,bo betubu ba igamoti la omoa. ¹² Moti laa omoa agotoga holo,moti la omoa," ¹³ " Liogi liabo lingae baili ba baale;bengae mo sungama a bonya bwabo mpo ye oita,goete benya beabo bengae a sumu ambo yendjo, ¹⁴ Benya beabo bedjale la bilakeli bibe la baogi ba libe." ¹⁵ " Baolo babo bengae bapetu mpo ye obela lila se. ¹⁶ Osegisa la gandi bengae mo ndole yabo. ¹⁷ Bati moluba ndole ye gehoi, ¹⁸ Bogasa bo IONGIAONGIA otigo pelo baiso babo. ¹⁹ Indje, Tolubembo mbeo itubu aibe boendi,ye beame gotie abangae go se beendi. Agelenge mbo bonya botubu bo indjame,la ambo bai gehuma betubu balube mbo bengae bakpee go pelo IONGIAONGIA. ²⁰ ------------------------- ²¹ kasi Ogiogi, galo atiambo boendi bongae mo,lomene lo IONGIAONGIA loa enegelabaale,olonga boendilaa basakoli mobea. ²² Holo bo IONGIAONGIA gotie oimiyela Yesu kilisito gwangae batubu abangae moimilia.Mongae gelenge gemoa. ²³ Poyembo bobatubu betongende basumu bo bapaudje kembo ye IONGIAONGIA. ²⁴ La mongae mbo ba udja likabo libwasi liotongama bana ba IONGIAONGIA,go ndole ye logo lo Yesu kilisito. ²⁵ Ge ogabine IONGIAONGIA mbo,po ye liila liande,asinge mbo baito batubu abangae mo imidjela IONGIAONGIA bauhe,Poyembo atimbe mopaa bitumbu abaitoabambe mo tonga basumu mo bileko obiiaeta,mogeleko ge mbege abotema bosa,ya bea. ²⁶ Poyembo a enesa loomene lwande mogeleko ge bwaina, a gelenge ge ongaa boto ga lomene ata mogeleko agengae ge mota boto ga ngae moimidjela yesu mbo engae boto ga loomene. ²⁷ Goni angaegese ge omemia bindo?getimo.Goete boendi inandi?Goete boendi bo besala?te,kasi goete boendi bo oimilia. ²⁸ Po yembo to lube mbo boto elubanande mbo engae boto bolo goete oimilia,kasi atigoete besala bebee nde. ²⁹ To bembo IONGIAONGIA engae o Iongiaongia bo bayuda? ati ambwale bo bapakano?hee,engae ambwale bo pakakano, ³⁰ Po yembo mongae a IONGIAONGIA emoa,agango ta baito abangae a gelembo baito bo oimilia,la goete oimilia baito abatia bengae a gelembo. ³¹ To otole boendi gwete oimilia bwaiso? Atigalo!mogesee geaho opee gene boendi opia.