¹ Paulo,Botongeli bo yesu kilisito, oga tamelo imbo angai boto ga tomo, Etame gongonga mbo abe mbo lidjeelo dji Iongia-ongia, ² Mboli ai sangese Iongia-ongia esangesesu a ndole ye Babei ba mbeo odja ngodja goete basiginyi basatu, ³ La odjingae monge bona gande (oga neeneemo goete gelo ge Dawiti, Mondole ye bindo, ⁴ La mobeamee mbo engae Bona ga Iongia-ongia a opia botubu, A gelenge ge Boenda bongae a boelu, Goete ofufuga bwande goete beligo). Yesu kilisito Ngeene iso, ⁵ Mondole djande twaudja lipea la lotomo lo olaisa, Mpo ye oigesa a lina liande Bapakano batubu a botosi goete aimilia. ⁶ Enu ambwale bo ngai mosise djabo, Enu aba taame a Yesu Kilisito- ⁷ Goa ngae batubu, Aa bangae go Roma, Aa bangae Baembami ba Iongia-ongia, Aa bataame mboo bangae Basatu: Sidjei mbo lipea la gehoi ge paamelenu goangae Iongia-ongia Ise la Ngeene Iso Yesu Kilisito. ⁸ Yengae mpo mo paa lipea goa ngae Iongia-ongia djai gondole ye Yesu Kilisito, Mompoo djino batubu, Mpo ye oimilia bwaino bwa lubana goete gehuma getubu. ⁹ Iongia-ongia, Obangae mi motongela ligwa goete boenda bwai bo liogi lilo libona gande, Emoluba mpo djaimbo yemolegia lotsha osidja mpo djino. ¹⁰ Yemolengela lotsha osidja opatola bwai ambo apeei kamo mbo iowe gelemo ge odjaa gwangaenu. ¹¹ Mpo yembo ye ngae akamo mboo ienenu, Mpo yembo ibegisenu twao Bakobo ba Boenda, A gelenge mbo bongai ba piee, ¹² Toombo, Tongae apiko isee imoa goete djino mpo ye oimilia obo begise bebegisesu, Enu laa emi. ¹³ Itimoemba mbo bo bosalei, Baelo bai, Mbo bileko bitubu yengae molonganya gelenge ge owa goo letenu, Ambo iudje twao tuma mosise djino, Ambo mosise bei beasina; Kasi ye ngae mobeisama tee ogiogi. ¹⁴ Yengae a bolima gongae Ba Geeleki la gongae oba selenga-selengalo, Gongae baito ba bweli la gongae baito batsha bweli. ¹⁵ Agalo yengae a kamo emoa ndeene ye obengisenu mboli djilo dji Iongia-ongia, A enu obangae go Rooma. ¹⁶ Mpo yembo iti asoni momboli djilo: Mongae opia bo Iongia-ongia ougesa boto botubu ogaango imilia, Bayuda go pelo, Gombis Bageleki, ¹⁷ Mpo yembo goa ngaebo nde aenesame loongeene lo Iongia-ongia goete oimilia, ¹⁸ Ligeege li Iongia-ongia lisuluga nde go loola gotie baito abangae molefola la gotie mbeo itubu oiti iloome ibaito abangae moindja loomene gotie otonga mbeo ibee. ¹⁹ Mpo yembo mbeo aigelanesu oluba i Iongia-ongia ingae moenegela goete yaabo, Mpo yembo Iongia-ongia engae moenesabo mbeo djaho. ²⁰ Mbeo djilene dji Iongia-ongia, Opia Bwande bo longoa longo la Bondjambe bwande, enengela ambo liso, Opanga ageleko ge ongweamee gehuma, Betongamee agelenge getigelane agea. ²¹ Ata galo alube mbo Iongia-ongia, Batipeege luma ambo Iongia-ongia, La boti tendegeli laa djeike; Kasi belimegende goete bagelegi babo, La betema beabo betsha boeli beumendese goete lima. ²² Bememie nde bindo mbo bengae a boeli, Bangaa bato ba beale bebotema. ²³ bakikodja kembo ye Iongia-ongia odja tiambo engae a kanyaka a gelimi ogengae moenesa boto ga kanyaka, La Noli, La Naama ibaolo banei, La Naama oba eenda la bouma mo neele. ²⁴ Momo atie Iongia-ongia etiabo goete kamo mbee ibetema beabo, goete lilo, A gelenge mboo bobangene beowa nde bindo biabo soni; ²⁵ Bobakikodja loomeene lo Iongia-ongia a boela, La Bamemia la batongela ligwa geleko oge ongiame loo go Isee yi Iongia-ongia, Ogangae a luuma longo a longo. Amen! ²⁶ Momo atie Iongia-ongia etiabo goete kamo iliolo: Mpo yembo bagali babo bakikodja bongaeli obogelane abogali, Abongaeli bobe obotigelane abogali goete gehuma. ²⁷ La gelenge gemoa Bolomee babo basidja bogaeli bo obota a Bogali, Bagologisa kamo djabo goete bobangene. Bolome bangaa mopota a bolome mbeo ililo, Beudjande bobangene lifuti ligelane a besala beabo be olimega. ²⁸ Galo atiambo mbo bo a kamo ye oluba Iongia-ongia, Iongia-ongia esidje nde bo goete bagelegi ba bwasi ambo batonge mbeo aitigelane. ²⁹ Badjala abilenge bitubu bimbeo djibe, La oili,La kamo mbe, La oseno; badjala loogootoo, Kamo djo oloa baito, La opulanya, La boela, La boeli boobe; ³⁰ Bati ba mboli, Oitaa Iongia-ongia, Bogeta, oselenga bue, Boto agenda obe, Aemba opaa mboli ibee, Boeli boobe, Abatia betosa baisee a bainango, Batia boeli. ^{31 32} La mongae galo mbwaluba mbo bikateli bi Iongia-ongia, Obi bea mbo abatonga bio bilenge bi mbeo begalane a osinga. Kasi bengae mo memia a boto nga mbeo djaho.