¹ Mokanda mwe mokomama la basekele dji Iongia ongia mwenesamande la Yesu kilsito,po djembo alubise baetani bande mbeo djee mokokende odjaa gombise bekolo.laa omeenegesage,otoma la mwanjelu mwande,la moetani mwande Yoani, ² Momo djende lubise enu maogi melubisi Iongia ongia elubisenu la Yesu kilisito ambo sema. ³ Osagela la moto ono aowalo mbeo dji bosaoli,la ogabatela masigi mo.Po mbo mbeo djaiga magu. ⁴ Yoani go manginda sambo mengae go Azia:sidjambo ngolu laa gehoï gepamelenu,oidjoga gongae ongaeho,ogambeho,la ogadjalo,la podje moenda mwelu ogangae se mokiti djande, ⁵ La podje Yesu kilisito,temo ndo,mona ga pelo djoongba,la mona ga bakondji batshubu ba nele! Po djo ga embesu,ogauhise su momasumu maiso, ⁶ La ogatongesu libota libota limoa libakondji,ba kanga ilene po dje ise gandé,kembo elelege mbisa laohia,podje loongo la loongo!Ogalo! ⁷ Letei, engaé modjaà go Lola,la Liso litubu liene ndege,aga baito oba Pwege;la Basago bo batshubu ba Nele bébéa grande a loóso mpwoyande,Ee,Ogalo! ⁸ Yengae Alifa la Omega,Ngene Mungu abeá galo,ogangaé,engaende pelo,la ogango dja,Mene la Opia botshubu. ⁹ Emi yoani,go lisanga li Yesu,esu batshubu tondeena looso,twaisosa bokondji,la tongaee mobunda metemagelenge gemoa.Bebundende la boo batomemi go gesanga Patimos,pombo djengaandé oteya liogi li Iongia ongia lidjela Yesu abaito. ¹⁰ La losigo lo Iongiaongia,molimo mogotelende emi,ogalo djwoende gombise djai biima bingae ambo kelelo,moabea: ¹¹ Mbeo djaenage,sigina mo la tomamo go mangomba sambo:Efeze,simirne,Pergame,Tiatire,,sardeFiladelefi la laodisé ¹² Djeletende mbisa po iene liogi oliambe oselengisei.Labgombisa emi oleta mbisa,emi oho aena ba mwinda sambo me wolo, ¹³ La goeta dje miinda sambo mo,moto omoa ogakokane la mona ga moto,ebaté mokoto mosa,laa mokaba mo wolo go liolo li gegua. ¹⁵ Maolo mande membende opela djiimbe ambo beelande mo agembende ge motuya,la liogi liande limbende onena ambo getombo ge gebale bolene. ¹⁶ Modjogo djande igolome ebundende tosweswe sambo,momonya mwande monenende mbeli dje maino maele.oshobwande bombende ongenga ambo loha lo midi. ¹⁷ Gee geenei ge, eioho aumase go maolo mande ambo moligo.Geoho ata djogo djande goliolo liai:abeambo ingo banga!djengae ga pelo la ga suka. ¹⁸ la djengae la bomoi,djesingende kasi sikagai djaugia luuho lo loongo la loongo. ¹⁹ Ogalo,siginya mbeodjo itshubu djaenage:Odjaeta'ogiogi to odjaodja. ²⁰ Bo tshi moena djebunde tosweswe sambo mo djoogo djai dji golome;bwaena mbwale miinda sambo me wolo,sekele dje mo mongae mbo: tosweswe sambo moenisa mangomba sambo,la miinda sambo maensha ba ekelezia sambo.