¹ Sigignela moandje molinginda li EFESE;letaa moabea ogabunda tosweswe sambo modjogo djande igolome,ogaenda goeta tosweswetolene to wolo. ² Djelube bagwa ba besala biago la obito bwago.Botende iandi obabeambo bengae baise ba masego indi bati galo,la beitshende bo baito. ³ Eee,bongae la obito boaena looso po ye lina liai la botshi sidje. ⁴ Kasi motsha djeemba gongae age,mongaembo gelenge getshiage oimilia boago bo pelo. ⁵ Kanisa gonieumeage se,sidja obe la ela besala biago be pelo.Engagalo djee djande ogiogi gongae age la tosweswe tolene mobisee biande,agelenge gembo tobee obebwago. ⁶ Indimbo bongae omoee poodjago;butshi moemba besala beba Nikola,ngelenge gembo emi itshi moemba bo ambwale. ⁷ Sidjaambo ogangawe la batoi ba oowa goabea boenda ba linginda"ogadjo longa djepandenge biabiola ikoko dji bomoi,odjingae gongaego iula dji IONGIAONGIA". ⁸ Ekomela go andjelu bo linginda li similine gai;Letaa moabea ogapelo la ga suka,ogangbwelo,la ogataaliolo; ⁹ Djelube gelenge giaenenu mwena looso la odjanga,ataa bongaa la bomengo.djelube gelenge giaselengabo obe po djino obabeambo bengae Bayuda la batshimo,kasi bengae linginda li Djabulu. ¹⁰ Ingobanga mwadjoenae looso.Letaa djabulu etaande baito bai goeta boloko,podjomekenu,booindi looso mekolo liu. Imidjeleigetee go logo,la djepandeae Ngundu dje bomoi. ¹¹ Sidjeimbo ogengae la batoi beoowa aowe moadjobea bwenda bo banginda;ogadjo longa aenite looso longbwa bo djele. ¹² sigignelaandjelu go linginda ogangaa ilonde ipwelu,mbale djele. ¹³ djelube goni gwangae age,djelube mbo goni angae kiti,dje bokondi bo djabulu.Bobundee lina liai,la botshanginei;la gopelo Atipase,bongae oagai agambeto ga loongene,agatebo mongbwi gongaenu,gongae djabulu atagesee giande. ¹⁴ Kasi jengae agea gemoa gotshe djago,bongae la baitoobangae go boboo bo balaame, ge endemongaa opaa Bala lilau li oumisase baito ba isalaele la loo,la bgelenge gembaage otama bo bale nama epeidjebomakabo ma iongiaongia yebikeko,la benbeela pite. ¹⁵ Laa ambwale goeta djino baina bende molingola bateya ba baito ba Nicola. ¹⁶ Momo Sidjei metema mebepo mbo moatshala djeike idje goa lonisa baito bo la lihamba li bonya bwai. ¹⁷ "Boto oho ogangae la batui beowa aowe lolo mbeodjabea boenda bo ba linginda;"Ogadjo koka,djepa ndege lifeta limameleige,la dje pandege itale ndelu,la go liolo dji itale djo mokomamande lina lisika,lio moto la omoa alubite,Mongaa oho moto augiee. ¹⁸ Sigignela go andjelu bo linginda li THYATIRE:Letaa moabea mona ga IONGIAONGIA ogangae a baiso ambo djimbe la baolo ambo gebede ge botuya buwe. ¹⁹ Djelube mesala miago oemba bwago,oimidja bwago la besala biago bie be ogiogi la be pelo. ²⁰ Kasi motsha djeemba gongae age,bondesidja bogali YEZABELE ogabea mbo engae mosaoli.Po ba paame go pite la balee benugu ebetsha baito beendisabo ola baito babe. ²¹ Djepandege Tango po akokoge,la atshi moemba okokoga mo pite djande. ²² Letaa dje taandege gotshebolao,la otomelage boale bolene gongae obaele a ge pite,mongaambombo bekikoga;besidja besala biabo bebe. ²³ Djeloande bana babo la otoba,la banginda batshubu beluba ndembo djengae oho aleta betata la betema,la besala biande. ²⁴ Po djino batubu,poyeobai atubu BATHYATIRE,obatsha begote angandju goeta zDjaulu,gelenge giatage bo,djende bea aino:Itshi mota goliolo lino bekumba biaina, ²⁵ Ogalo mbo,moengae aino batelei motee goadjo djeemi. ²⁶ Ogadjo longa, la ogadjo batela mesala miai teego suka,Djepaandege bokondi go liolo li toula. ²⁷ Eeendisa ndemo la ohia,ambo gelenge gia pandjambo eli dji nele,Ambo gelenge geugei gongae ise gai bokondi. ²⁸ Ladjepandege tosweswe tonongo. ²⁹ Sidjaa ogangae la batoi beeowa aowe mwabea bwenda bo banginda.