¹ ngene agabea la mose, la abea lande mombo: ² begesa bana ba yisalaele, la bobea nde la bo mombo: gee gengohate olaa mungu la olapisama, mongala olapa po dje boto, bo baito bengala nde ba iongiaongia okokana la ogalo angokanesa ge. ³ engala mombo bongala mogelegia nama dje golome dje bilanga betuu bele too betuu liambe, okanesa bwago bongala nde bo bioto betuu tano, okokana la motuya bwa ho; ⁴ mongala mbo moende bogali omoa, loeti loago longala nde falanga betuu besaso. ⁵ bilanga tano la bilanga betuu bele, loetiloago longala nde bioto betuu bele be falanga po dje nama dje bolome, la falanga liu po dje bosea. ⁶ mo nama dje songe emoa la bilanga tano, loeti longala nde lo bioto tano bi falanga po dje nama dje bolome., la bioto bisaso bi falanga po dje nama dje bosea. ⁷ obanda la bilanga betuu liambe la osuluga se, loeti longala nde lo bioto liu la tano po dje nama dje golome, la bioto liu bi falanga po dje nama dje bogali. ⁸ engala mombo aga lape gofaa gea engale boto agati la gea po dje ofaa gea agelape ge, beande laande gongale kanga dje mungu, ge kotinyela ge loeti, lakanga dje mungu ekanisela nde ge okokana la oudja bo ogo boto. ⁹ mongala mobo moende mo nama odjikoke bo ofa libondja li bwasi gongale iongiaongia, nama tubu adjingofaa bo po dje mungu mongala nde biya bielu. ¹⁰ bofakalembesi, la bingoti gea gebe mogesee ge gea gelo too mombo gea gelo mo gesee age gea gebe; mongala mombo bokalambesi nama emoa la nama djasina, bengala nde emoa gombise djasina bia bielu. ¹¹ mongala mbo moende nama dji lilo; aitikoke mo ofa libondja li bwasi gongale mungu, beletsha nde nama gongale kanga dje mungu. ¹² ge ndangolubesa indai mongala nde obe too olo, la belubesa nde ogalo angobea kanga dje mungu. ¹³ engala mombo bendesila osomba ge, betaa nde mbala tano gotie loeti alongobea bo. ¹⁴ engala mombo boto omoa efa mbele djande bwasi po dje iongiaongia, kanga dja mungu elubesa nde indai mongala nde malamu too obe, la galo tondima nde ogalo abee kanga dje mungu. ¹⁵ engala mombo boto agafee mbele djande eemba mo mbo asombe ale lo, eta nde botalia bo mbala tano mo loeti alotinye bo, la mo kongala djande. ¹⁶ engala mo mbo boto efaa gongale mungu gelanga mo huma djaande, loeti loaho loengana nde la olene bo biya abiloge ge, bioto betuu tano bi falanga po dje lisaso li basangu bo ologa. ¹⁷ mongala mbo moende gelanga geabo ge yenga gengofaa bo gelanga, besaela nde mongobea ge. ¹⁸ mongala mobo moende gombise yenga nde bofee ge gelanga geande, kanga dje mungu etonga nde loeti oengana botuya bo gelanga abongotiala tee go yenga, la belesa nde loeti se moke mo loeti alotinye ge age. ¹⁹ engala mombo agafee gelanga geande eemba ale osomba gio, eta mbala tano gotie loeti alofee bo, la gelanga geo kotiala geande. ²⁰ engala mombo atisombe ale gelanga la mombo beendjela boto gasina, afakoke ale osomba. ²¹ la gee gengonenesa ngene gelanga enenesa bwina bo otonga lipati, geo gelanga gengala nde po dje iongiaongia, ogi angala gelanga agesondoge gio; mongala nde gesee ge kanga dje mungu. ²² engala mombo boto omoa efa gongale mungu gelanga gemoa ageudje ge la moti ale moete nele djande, ²³ kanga dje mungu etonga nde loeti oengana la ogangobea age tee mo gelanga ge lipati la ogo boto efuta nde obwaho bwina loeti alotinye bo, ogi angala gelenge agefe bo po dje iongiaongia. ²⁴ mo gelanga geaho, gelanga ge binoga nde gongale ngene la gongale ngene nele. ²⁵ loeti lotubu lotongama nde mo bilanga bokama abife mo lo: bilanga bokama la betuu bele be gelas. ²⁶ boto ata omoa afakoke ofa nama dje felo dje obota mo nama djaande, mo nama adjingale dji mungu mongale ge bona ga felo; too ngombe, too bona ga kondolo, mongale po dje ngene. ²⁷ mongala mombo moende nama dje lilo, besomba nde ge mo loeti alongobee enu, la taa botalia mala tano; engala mbo batisombe ge, besomba nde ge ogalo ango tinya ge loeti. ²⁸ gea getubu agengofea boto otonga gongale ngene, moete bia abingale laande, mofaendje mo, la osombama, la mongala boto, nama too gelanga mo nele djande; odjiti ambo aimidjame lo ifemo nde djo itubu gongale iongiaongia. ²⁹ boto omoa agangotonga mbeo adjifeesame lo afasombame, ogo boto eloama nde. ³⁰ lime litubu li nele, engala mo biya bi nele, too motuna to tosandu, moende mo mungu; moende gea age femo gongale iongiaongia. ³¹ engala mombo boto omoa eemba osomba gea mo dime liande, eta nde botalia mbala tano. ³² dime itubu li nama ndene la nama adjike, la djo itubu adienega lo, mongala nde dime dji mungu. ³³ mofaembe oluba mombo nama engale ndo too mbe, la bofakalambesi ale; engala mombo bobongoli ndi nama emoa la djasina, bengala nde emoa la djasina bima la biya bielu, la bifakoke osombama. ³⁴ mo ndangale bebeko abefee iongiaongia efa la mose po dje bana ba yisalaele, gotie ngolo dje sinai.