¹ mungu ebegise nde mose la alona gombo: ² begisaa baito ba yisalaele gombo: aho angale golome la litanga mo bindo byande, litanga lyande lingale lilo. ³ mwe mongale bobeko mo litina li lilo lyande po dje litanga: engala mbo bindo byandebietanga badje ba litanga lyande too litanga li bindo byande liandana, mongale lilo goete djaande. ⁴ bilalo bitubu obiadjongala boto ga litanga molalela biengala nde la lilo, la biya bitubu obiasulugia ge se bingala nde la lilo. ⁵ engala mbo indi adjobunda mbeto djaande etita nde tulu djande, la epula nde bindo la engala nde la lilo kino liolo. ⁶ engala mbo indi adosulugia se mo gea ogengale boto ga litanga alo etita nde tulu djande la epula nde bindo byande la engala nde la lilo kino liolo. ⁷ la engala ndi adjobunda bindo biande ogangale la litanga, etita nde tulu djande, la epula nde bindo byande la engala nde la lilo kino liolo. ⁸ la engala mbo oga ngale la litanga etambo losoi se gongale boto ga bwelu, andi ge etita nde tulu djande la epula nde bindo byande la engala nde la lilo kino liolo. ⁹ engala mbo boto ga litanga esuluga se go gengaelo ge punda andi mongala nde la lilo. ¹⁰ engala ndi ogadjobunda gea ogengale go se djande, engala nde la lilo kino liolo. ge ogaatola gea ge galo etita nde tulu djande, la epula nde bindo byande la engala nde la lilo kino liolo. ¹¹ engala mbo boto ga litanga ebunda boto indi esogoli te baago bande la badje, andi boto gaho etita nde tulu djande, la epula nde bindo byande la engala nde la lilo kino liolo. ¹² peli odjatongame la nele dji gelongo odjabunda boto ga litanga, mobunega nde, la peli odjatongame la ikoko djisogolama nde la badje. ¹³ aho aaasila ogalitanga goela la litanga lyande, etanga nde bekolo bosambale po djaande geangene po djoela bwande, etita nde tulu djande. la ge epula nde bindo byande la badje boenda la engala nde bwelu. ¹⁴ mo bokolo bo bonaani ge eosa nde bibenga biele too bana ba noli dji bibenga biele la igande gopelo mungu gongale gegwe ge mbele dje koyangana, la epaa nde mo gongale kanga. ¹⁵ kanga ekaba nde mo, momoa po dje boeba bo lisumo la mwasina po dje boeba boohumba. kanga eudjela nde ge goelela mbisa goete oboto gopelo mungu po dje litina li litanga lyande. ¹⁶ engala mbo balome benena mo bindo bi golome andi epula nde bindo byande bitubu la badje la engala nde la lilo kino liolo. ¹⁷ tulu djitubu la ngogo djitubu odjibelege balome djisogolama nde la badje, la mongala nde la lilo kino liolo. ¹⁸ engala mbo golome elala la ogali la ebela ge balome( badje ba bolome) bo baele bepula nde bindo byabo la badje la bengala nde la lilo kino la liolo. ¹⁹ aho angale ogali la litanga li baila, aho aena ge songe, ge engala nde la lilo lyande bekolo bosambale, la engala mbo indi adjobunda ge engala nde la lilo kino la liolo. ²⁰ biya bitubu obilale ge a bio bingala nde la lilo moete gee ge lilo lyande. ²¹ engala ndi ogadjobunda gelalo geande etita nde tulu djande, la epula nde bindo, la engala nde la lilo kino la liolo. ²² engala mbo indi ogadjobunda gea ogengale ge mosalela etita nde tulu djande, la epula nde bindo byande la engala nde la lilo kino liolo. ²³ engala mbo mongale gelalo too geloko inandi gengale ge mosaela alo, aho aabunda ge mo mongala nde la lilo kino la liolo. ²⁴ la engala mbo golome elala laande la lilo li ogali lingale ande, ge engala nde la lilo moete bekolo bosambale, la gelalo getubu ogea djolala golome alo gengala nde la lilo. ²⁵ engala mbo ogali engale la litanga li baila po dje bekolo biye, moete gee ogetiambo aena songe; too gombo ge aatiala la litanga gombise goena songe andi mo bekolo betubu be litanga lyande etiala nde la lilo, gelenge gemoa mo gee ogeena ge songe engala nde la lilo. ²⁶ bilalo bitubu obiadjolala ge moete dje mo mo bekolo betubu obengale ge la litanga lyande mongala nde po djande ambo gelao ge lilo lyande la biya bitubu obiadjongala ge la lo bingala nde la lilo ambo lilo li oena songe djaande. ²⁷ engala mbo indi ogadjobunda biya bie, engala nde la lilo, la etita nde tulu djande, la epula nde bindo, la engala nde la lilo kino liolo. ²⁸ engalambo ogali engala bwelu goete litanga lyande, ge etanga nde bekolo bosambale po djaande ge angene, la gombisa dje ho ge ogwangala ge bwelu. ²⁹ mo bokolo bo bonaani, ge eosa nde noli dji bibenga biele too bana ba bibenga baele, la edja nde lalo gongale kanga gombale dje gegwe ge mbele dje koyangana. ³⁰ kanga ekaba nde omoa po dje boeba bo lisumo la ono gasina po dje boeba boohumba. kanga eosela nde ge po dje oelela mbisa moete oboto gopelo mungu mo litina li litanga lyande li lilo. ³¹ la gelenge ge gai bookaboli ndi baito ba yisalaele la lilo lyabo, gombo batongba la lilo lyabo aho aasegesa bo bokondi boami obongale goete djaabo. ³² mwe mongale bobeko po dje litina li ono angale la litanga la po dje boto ono aanenesa balome ( badje ba bolome) la angala la lilo moete gee gelenge; ³³ la po dje ge ono ogangale la bwale boena songe. po dje mo mo litina li imbai ndi, golome soko ogali, ogangale la litanga, la po dje golome ogaa lala la ogali ogangale la lilo.