¹ Lagalo bokondi Dariusu ofa ndole yoela bi embelo goeta mbele ikasi igologolo ikeso go mbe loo mosela geuselo ge bina bia nolito go Babylona. ² La ko beitsa go Achmeta boi bolene bogese ge gehuma ye medie, Bonganga bomoa gotse yao bombende osonama boinyeli ibee: ³ Mogelanya a fefelo bokondi Cyrosi, Bokondi Cyrusi efande bobeko motie loo lombele ye Iongia-ongia go yelusaleme: mbo mbele angale ofwama, Mombo angale gese igio giofelaa(mbeka), La auye biondjelo bi fia, Uyande bisige betu liambe bi olundu, Bisige bisa betuliambe bi olene, ⁴ Belongo besaso be totale tolene la tosandu to sika. Bioto biao bingale ande ofutama la mbele ye bokondi. ⁵ Go tiemo, Bina bia bielelabo wolo la falata ibioto imbele ye Iongia-ongia, Elo Nabucadenetsara ayotolege go gesege lisomboli Yelusaleme la etolamande go Babylona bingalande oya mbisa, Otolama goge sege lisomboli li Yelusaleme go gese igio agembe bo la osela nde see goeta mbele ye Iongia-ongia. ⁶ Iongia-ongia, Thathanaii bondele mboka bo mbale ye footo, Schethara boznai, La bainga la Aphirsaca. Bo abangala go mbale eumi ye footo, Ngalei ogola la gio ge see. ⁷ Siyei besala belame be ene mbele ye Iongia-ongia, abe bondele mboka bo ba Yuda la bekumi be ba Yuda abe fwamende loomo gengaelo age osege segeao. ⁸ Oleta bobeko abo femi obunda imoe angu yenu oela mobotindo bo bekumi be ba Yuda mogefweli giene mbele ye Iongia-ongia: Bioto, Osaa gotie bina bia bi bokondi abiye go balungu baina bambale ye fotoo, Bengalande moputama mologene go be baito, Mwinongo motio yama lo oubia. ⁹ Binabia bilongene po ye beimeli be Iongia-ongia ye go lola, Taba Ndoli ndoli, Kondolo ndeni la ouke, bonana, Bagana baili baina, Bangalande be ofama, Motie gelengeli geabo, Go bekumi belene be Yelusaleme, Buina la bwina la lotsha boeno, ¹⁰ Mombo boo bafeo bina bia bi teteo bi lifu liloo go Iongia-ongia yi lola la basomboli yao ye geuheli du bikandi la bana bande. ¹¹ La oleta gendelo age femi mobunda noli la noli aga ngokbesa ibe baogi: Be finolande ge gombele yande gese g-isandu, Benande loo po mbo basele obatsa ge mo,La belande go mbele yande latumboli baala. ¹² Ambo Iongia-ongia agela osigalesa see mo igie gesee lina liande aumese. Bokondi botubu to baito batubu abango nanola yogo mombo bakikole liogo liami, Mombo mbele Y-Ingia-ongia a asegame go Yelusaleme! Emi, Daliusu, Ye fende botindo ene mbo mongale moelama ogalogalo. ¹³ Thathaina, bokondi bogesege gehuma. Bombale ye fotoo, Schethar boznai la bainga babo ko betosa gelenge ge moa ogalogalo mo botindo bwao abotome ge bokondi Dariusi. ¹⁴ La bekumi be ba Yuda ko be fwambele la olonga osilesa, Inogelenge ge gaena mbeo la keso ge Agai, boeni mbeo la Sakalia, Bona ga iddo, Ko befwa la osilesaa, Gombisa botindo bo Iongia-ongia y-isalaele, La gombisa botindo bo Cyrusi, Ye Daliusu la bo altax erxese, Bokondi bo Pelese. ¹⁵ Mbele ko engala osila mogesemba nge bisaso mo songe ye Adala, Goeta gelanga age liambee mo ge gebokondji bo Daliusu. ¹⁶ Bana ba yisalaele, baemeli mbio la Leviti, La bana abatsalembisa go boombo, Bembande mosagela mo mengiaelo mbele Yingia-ongia. ¹⁷ kobefa ndee po ye gemengeli bo ene mbele ye Iongia-ongia, Taba kama emoa, Kama yele imeme ibogali, Kama inei ikondolo, La, Oengana la baito aba mbeo iba sumu go Isalaele tubu, Tala liu la yele ibolome, Oengana la betango be balungu to Yisalaele. ¹⁸ Ko besala bekumi be mbeo mogelenge ge sukula yabo la ba Leviti mogelenge ge ganyelo mo bosala bo Iongia-ongia go Yelusaleme, Oga ngale mo osiginyamela goeta buku bo Moise. ¹⁹ bana obabundemelo bepende luuma go geetelo ge bokolo bo songe liu la yinei mosonge yepelo. ²⁰ Mpo yembo ba kanga la Balewi besiiyende gobulisama bobangene gesee gemoa;bo batshubu obabundamelo la mpo ye ba kanga yi basego babo la mpo ye boba ngene. ²¹ Bana ba y-isalaele oya mbisa go boombo belandee Pasika, La baina bayubu aba mbe ogola la mbeo ibasumu igehuma ge boi la ounyana labo gese ge moa inombo baembee agangale longoa, Iongia-ongia y-isalaele. ²² Ko besagela la genanga mogee ge bisa basambale bi lisano be Mafa ngoena tuma ato susesa mo, Ainongo agangale longoo efande bo gesagela mosela po yabo bokondi bo Assilia go asuamese bo goeta ligna li mbele ye Iongia-ongia, Ye iongia-ongia y-isalaele.