¹ Aggee, Bweni mbeo, La Sakalia bona ga iddo, Bweni mbeo, Belubesa nde mbeo aingo ya go ba Yuda abambe go Yuda la go Yelusaleme, Molina li iongia-ongia y isalaele. ² Lagalo Zolobabele bona ga Schealthiele, La Yosua, Bona ga Jotsadaka, Beyende liolo la obanda go ofwa mbele ye Iongia-ongia go Yelusaleme. La boola boo bembende baini ba mbeo ayisamelo Y iongia-ongia, Geogo ambe mosunga boo. ³ Go keta gee geao ge moa, Thathinai, Bokondi bombale ye footo, Schethar boznai, La bainga babo, Beyande gongonga yabo la kobebea labo gai: Ndai nda feenu ndole yo ofooa ene mbele la olesa bie bitutu liolo? ⁴ Ko bebea labo mbala yaina: Baina bainandi bangale ba baito aba foa elo mbele? ⁵ Anga falo liso li Iongia-ongia lingale gotse baiso ba boi bo ba Yuda. La mo osiya oesamela besala mogee ge otoma gelubesegelo go Dariusu la tee go geuyelo ge loasi lomoa go tse bokwe boloo loa. ⁶ Gelenge gea ge boasi oto mama gongala bokondi Dariusu lage Thathnai, Bokondi bo mbale yao ye footo. Sshethar Boznai, La bainga babo b apharsac, Bangali see ba mbale yene footo. ⁷ Bo abasi ganyela ge gelubesegelo ge loasi mo bainyeli beo: Go bokondi bolene Dariusu, Oimilia! ⁸ Bokondi alubembo esu tombende mooaa goeta gese ge gehuma ye Yuda, Go mbele ye ndene ye Iongia-ongia. Efoame nde la totale tosebe, La tosandu totame goeta bitutu, Ligwa liendenda lisagasa la olongama moeta baago babo. ⁹ Esu to tudje nde baise ba boi, La esu koto bea(ba tata imboka) labo ogi: Nda fenu ndole y ofwa mbele ene la oesa bitutu liolo? ¹⁰ Esu ko totudja bo ambwale baina babo momo tolube bo lago, La esu ko tota la osiginya baina baito bao abangale go bekwe beabo. ¹¹ Leta geyano gie age fe be fesu: Esu toende besali be Iongia-ongia ye goliolo la nele, La to nde foa mbala yaina mbele ayambe nde ofwama ongala bilanga biye, Bokondi bomoa bolene bo Y isalaele efwande la ko esilesa. ¹² Ango galo gombisa mbo baise baiso gouya osodjesa Iongia-ongia igo liolo liolo, Ko eta bo moketa baago ba Nebukadenetsara bokondi bo agasega elo mbele la oesa baito go boombo go babylona. ¹³ Mbala tubu, Mo gelanga oge felo ge Cyrus, Bokondi bo babylona, bokondi cyrusi ofaa bobeko o ofwa mbala yaina elo mbele ye Iongia-ongia. ¹⁴ La ango ge bokindi cyrusi otola go mbele ye lisomboli li babylona bina bia bi wolo la babende ba lofalata bi mbele ye Iongia-ongia, Elo Nebucadenetsara ayotolege go mbele ye lisomboli li Yelusaleme, La itolame nde goeta mbele ye Iongia-ongia ye babylona ge ko engalende mofaa bo mbala yaina gongale agatabo lina Scheschbatsara; Ge ko esela bondele mboka, ¹⁵ La ge ko ebea lande osaa bina bia bio la mbele, Kea katie bio goete mbele ye Iongia-ongia I yelusaleme, La mbo mbele Y Iongia-ongia angale ofwama mbala yaina gotie ge seeigio ambe loo. ¹⁶ Ge scheschebatsara engale nde moya, La otaa geodjelo ge mbele ge Iongia-ongia ge Yelusaleme, Logologolo tee ogiogio ende fwama, La ongali tee mosila. ¹⁷ La ogiogio, Mongala mbo bokondi eitsa lo oloo, mbo ba ngale moela oemba emba goeta mbele ye geuselo ge bioto bo bokondi go babylona fo moenege indaimbo mouyame nde mombele ye bokondi cyrus. Ge feli gemoa ge ndole ge fame nde mombo ofwa mbele ye Iongia -ongia go yelusaleme. La goale momo bokondi atomele esu olemba bwande gotie litina liao.