¹ Yengae molapelae go pelo mungu la gopelo Yesu Kilisito,ogaa Yosombisa baito bouhala oba yongba,la alina lioya bu bwande la oenana bwande, laa Bokondi bwande. ² Olaisa liogi, laisa mo agelenge getshubu, la mogolo to mogebe, osaamo, andana, osembiya, la oyelase botshubu la oeluisa. ³ Moete yemo eyande a gee gemoa baito bapalonge Gelenge, go ayoo abo gelaiseli gelo, bepande gsge ba Dokotolo agelenge gea yolemba betema beabo. ⁴ beo ande baogi basina babe mobatui babo labebalukande go mbale ye mabe. ⁵ Mbo age,gaa bohia ambeo yitshubu, itchiya a looso, tongago lolo. ⁶ mpo yai,yengea motongo baenyeli bamowa,la geègeai geoa giyainga bango. ⁷ Yaalona bimo lolo,yaasiya pango yai,yebaleende Oimiya bwai. ⁸ Opanga bwaaina, Bokondi bo Bokumi bokumi bomamame mpe yai, Ngene bokumi boloo ngene,ependei mo moete bekolo beaho,motshi mbo oyei,la obai batshubu obayosepe la a loo loaho. ⁹ Yo sagasaga gwangaai, ¹⁰ Mpo yembo Demasi asiyei, atshi lembealei mpoye be mekolo be bwaina, la geoho aa go Tesalonike; Kelesase oho aago Galatia, Tito go Damaseke. ¹¹ Luka geangene nengae ai. aosa Malako, la yoó ande laàge, mpo yembo mogelane ande go ngaa go Ligwa. ¹² Yende tomelaye Tichike go Efese. ¹³ Geé geanyotae, tolaa koti oyatchiei go Toloasi! gwanganju logogo lo okomela. ¹⁴ Alekisandele, botuli bo bibende, baatongongelei obe anganji. Ngene efutande bo gelenge gemoa a bangoa babo. ¹⁵ Age ambwale bwakebaa olingola bagwa bande,mpo engae mweemaele. ¹⁶ Gete mbala yai yepelo yosamba, boto laà omoa atshimbe gongonge yai, mbo bobatshubu baàsiyeni. mwe motoosega Luuma luabo. ¹⁷ Mbo Ngene aemala gongonge yai la geoho aà püsiei,mbo liogi ligelaneè aila baito obatshia baabatisamo baowe mo. la mweto mo emioho atololama go bonya simba. ¹⁸ Ngene epinolendei la euhisie ndei mpo yembo agotshei goete bongae ande bwina la bwina! amina. ¹⁹ Bopee Pisilika Mote la Akula, la liemba li Onesifolo. ²⁰ Elasata aatshiala go Koliti. layetshi nde tolofima a bwqle go Milete. ²¹ Otaà oyaà pelo ye gege pio. Yubulu, Pidenes, Linusi, Kalaudia la baelo bande batshubu baatomelage mbote. ²² La Ngene ngae ange aboenda bwago!laà Lipea lingae ago.