¹ Lubambo, la bekolo belio, mongande a geè gemoa ge looso. ² Pwembo baito bengate; beè obadjange ohobo, bombi, ba bioto,bati a oboto, badjangi ba soni, baboni ba mbeo iloó, oba tombokela baise babo, obatcha motondi, obachi mo sambela, ³ Baitobatcha bweli,baito ba mbale, obatcha omemia, obatcha botema bolo; ⁴ baito ba botchwe ohia, obatolane andjombo beembe aloó oèta Mungu. ⁵ Bengae a ndjambo bo oitcha litono,kasi bengae mwangina ohia bo moó. segana gelenge gwaho. ⁶ Mongae abaina basidja ogota gwete mbele,mpe bengaebagali abolimo bo olembu bedjale a masumu, mpe omota mbéo djithubu dji ndjombò, ⁷ Mpe longo iwabo bapaige otangala oluba bolongene. ⁸ Ambo Yoane la abele bimalende Mose, gelenge gemoa baele oba djemola longene, obenditama mpwe djowa, la otama a mwa lete oïmidja. ⁹ La bapaende pedja a gola, pwembo odjanga oluba bwabo bwasila oenega momotchubu, goelame mo a bolome baele ago. ¹⁰ Pwemwe, bolingolende lilakisi, liai, Bopolo bwai, olo bwai, bolende bwai, ¹¹ Owa loso lowai,onyo kwama bwai.looso lwunandi lotiambo djaenisa go Atiokia,pi ga Icome, mpe Lisite? loso lainandji lwe lotia emi dinyicha? pe Iyongiaongia ati ngeneye emi la momotchubu. ¹² Indimbo, baidje beé baembe ouha lolo gwete Yesu Kilisito beudjande looso. ¹³ Kasi baito ba djauli pe baito baobe beande longo pelo gwete obe, olimisa obai mpe dimega bobangene. ¹⁴ Kasi age bwio gwete mbeodjedjimemie age,mpe luba mwasina, pe oalangana beé obaenise age; ¹⁵ Teé godjane djago, bolube bokomi Mosotu, mwe mwagelane otaege la Lingani la uha gwete oimidja Yesu Kilisito. ¹⁶ Baina batchubu bengae a Mungu,pe oelela mpwedjo letcha la oimidjas, pwidjo sembolisa,mp la djemisa gwete olomu. ¹⁷ Alisi limbo boto ga ungu akoke ogelanya besala betchubu be oloò.