¹ Golio,bagolo la baoli , sembogelei po djaiso, la agelenge mbo Liogi Lingene lipandoge la li memiame galo angaele go gaino. ² La ndenge mbo to kakoge goangae baito baili la baito oba segama, po ye mbo bati a oimiliya.v 3 Ngene engae moete loongene la elendese nde esu la ototole esu moete obe. ⁴ Tongae la luma gotie djino goete Ngene mbo bongai motonga mbeo odjitome totomenu. ⁵ Siyaa ngene aendese betema bino ogi angale oboto bo iongiaongia mbaledje omesegilia bo Kilisito. ⁶ Tongae mo laenu, Baelo,molina Lingene Yesu kilisito, mbo bo seganei a Baelo batubu obauha a lomoto, la losala Beendi obe udjenu go angaesu. ⁷ Bolubi enula mene gani akokenu.olingola mwatonge su,pwatoti uhemoete djino aloMoto. ⁸ Toti lee Mokate bo boto bwasi,kasi,goete ligwa la gwete Loóso,tombende Lotigo la Loha goete Ligwa,ambo totongaà a Mokumba gotie boto, ⁹ Toti tonge galo po ye mbo todjangende bokondi, kasi tosile nde oenesenu Gelenge geo lingola. ¹⁰ Galo,geleko gembesu go gaino,tobegisendenu moete baàle;engaa mbo boto atilembe otonga bosala atola ambale. ¹¹ Tolube goete djino, baito bai bengae mouha a Lomoto, bapa lembe otonga ligwa,bengae motonga mbeo itshatina. ¹² Tongae mota bo baito, la obegisa bo alina li ngene Yesu kilisito, ambo Balee bekati byabo bangene, goete otonga ligwa Lihia. ¹³ Poa djino,baelo,ingo sidji otonga olo. ¹⁴ La mongala mbo boto omoa ati tose mwe abesu moete bwe bokanda, letei ge, ingo beani ale ande, agelenge ge mbo asaboge. ¹⁵ Bingo leti ge ambo bonguna, la begisei ge ambo bogolo la boli. otosa mwabesu goete boe bokanda, letege, ingobeani aleande, andenge mbo a udje soni. ¹⁶ Sidja Ngene la Gehoi apee enu ge angene gehoi bie bitubu,la Bilenge bitubu!sidja Ngene angae a enu batubu. ¹⁷ Djaa paà age mbote, emi Paulo.Mo ndangale osiginya boami goete bekanda beai betubu; galo ndasiginyei. ¹⁸ Sidjaa Lipea Li ngene yiso Kilisito lingae laino batubu!