1 Po dje mwalete ngene djaiso Yesu Kilisito la oudjana bwaiso laa nde toendesembogelenu bagolo a baoli. 2 Ipakoke gotienu goete oegega go ndole dje ndo go mbo botofandogi, goete bagelegi baasina,la baogi baasina la bekanda obe tomele be tomelenu,ogi angala mbo losigo lo mungu loagelana. 3 Ango boto omoa atsho pengwisenu la gelenge ango gemoa ; po dje mbo bokolo bwaho bopadjee lotsha mbo toena onenela bo boto ga basumu la bona ogaasegama, 4 Bonguna agaemala goliolo li yo tshubu litangesu Mungu la moangae bo mo paa loguma, agelenge go nga see goete tepelo ye Mungu, atangemo gea ngene Mungu . 5 Botshi mogelegi mbo ye begishe nde nu gee gembei goa ngae nu? 6 la ogiogi bwende lubi mo abea ge ,mo mboo mokoke gonena o a gee giande . 7 Ago ofia bo yauli bwaenegela ; mongae go mbo oga ngae mobatela gedjaeli giande ge bee atotoge 8 Laa goangonenela obee , mbo Ngene Yesu esegande a lohohe lo bonya bwande,laa ehombande la nguya yaande . 9 Oenegana boobee botongama nde la ofia bo Satana la bilenge bitubu bi tosemo, la bilembo , laa ainena moete bwela . 10 La gelenge ge tubu yo penguisa la ofia goangae oba segalo poembo batshuie olembana bolongene poembo ba uhe . 11 Ago Mungu atomela bo ofia boikola botema po yomelisa bo boela . 12 pombo bo batubu bakbesame abati ndime mbeo iloomene la beowe nde olo goete obe. 13 Mokoke la iso goesela Mungu lifea gee getubu po yaino, po mbo Mungu ebine nde enu tee ogo gebandeli poe mbo bouhei .mondole ye gehoi ,laa osogolama bo boenda laa oimilia mbeo dji lomene . 14 Ate nu liogi gondole ye mboli ndo yaiso la mbo bouyei loguma bo Ngene Yesu kilisito . 15 Galo liemba emalei la bobundei balao ai udjenu go ngale esu imbai mo liogi imbai mo bo kanda . 16 sidjei mbo Ngene yaiso Yesu Kilisito la Mungu Isee gaiso agalembe esu la ope su obondisama po ye longo la bagelegia boletidja mo ndole dje ndo. 17 Elonganesee nde baofi baino la okomienu la mbeo tubu laa baogi batubu baalo.