¹ Eme Polo Kobe, eme nda Kobe nyenela n'to. M'pa nyenela Yeso Klisto na Akodola epa ende anzuchusi toa ekua. ² Apumoti na bato bami pulana bona eme, iba medindilia a kanisa la galatia. ³ Ngebe abe awenu na bokoea inde atoi awa Akodola Apasu na Epa Yeso Klisto, ⁴ Asami anga eloloi lasu anga asutoise saa nde la buchede, toana na ekondi inda Akodola na Epa. ⁵ Awae abe m'papi esa na esa. ⁶ Amo bangisi kua ba haliani dia ama elehe ato. Amo bangisi kea bende ba ha liani kolaha toa awae iye nde anu koki a ngebe la Klisto. ⁷ Inda na elehe ato, m'pa ana bato bangbo bande ba na kesa ama kololo na konda halia elehe Klisto. ⁸ M'pa na ngebe na nde besu kusa Malaika to na kopa anu ngo dea benu elehe nganga na indo inde belu huu anu, na achumuane. ⁹ Se nda inde be luhuu ke ndo ato,sinda ana n'to anungodea elehe nganga no sinda inde anutondi ne na achumuane. ¹⁰ Anga mbende eme a kaba ngisua bato owa Akodola Emeaka ba eehe lo awa bato''? Abe nake kili kili kenge a kapa echelo awa bo eme nda Mangese nde ma Klisto ¹¹ N'to bami, ekondi benu boupe kea bende elehe ende ilapi inda toani na bato. Inda ngbe toa awa n'to; inda bamongodei. Mbusa li, abi suba huluana la Yeso Klisto awa mi. ¹³ Bokobi n'to oka angausa la mi inde mbusa suba tua la Bayoudi; sinda inde mekane ekali kamsa inda Akodola nyena melo na tindisali. ¹⁴ Abi na ngbenyei suba Dini la Bayaudi nyena bato bami, Bayaudi Emebi na mohuo k'pe suba enze nda baepa. ¹⁵ M'pa Akodola abiakondeli sonda lami toa sula soho ema .Amokoki eme nyenela ngebe ndae. ¹⁶ Pisa la nae sama suba mi, anga mehangise iye angala bato nde nda bamupe Akodola. Anga inda kabi ehano la ngopo na sama. ¹⁷ Na inda kondi ka na yelusalema awa nde babi bakobe musa lami. Metsa lae abinge Ualabini na mbusa siana Damasiki. ¹⁸ Mbusa muaka isalo ikondi ka na Yelusalema na ngwa Kefa, ababoi ka na ye kia moko na itano. ¹⁹ M'pa indaoni bakobe bato nanda maka yakobo, bato bae na Epa. ²⁰ Onda, musa la Akodola, inda luhuu bea inde idindia anu. ²¹ Mbusa inge Mekao la Shemu na Kilikia. ²² Inda upiliani a iso a bakanisa la Uyaudi inde abi suba Klisto. ²³ M'pa babi na baoka maha, iye inde obi asumanisa nyombo ndiende abauichisa. ²⁴ Babi na bambesa Akodola angami.