¹ Ani,bhanakitu,tunakanya ninu bhure nakonderera ina bhuremweya mukuritima,bhuri bhana bha kirisitu ² Nabhurishanga mata anga bhiyo bya sumasuma,wishi asa mutakuri mu kochabyo na bhunu mitukochibyo wisha bhanu mukiri wa timatima ³ Munkati ninu mukiri bhunongonongo,na bhuhaka ni mukiri bhahunduhundu nkati ninu ni enda mindere ya mwiya ⁴ Abhe uma wibha mbuwe wa Paulo na umpe mbu wa Apolo,ntinti mumabhe byeya? ⁵ Apolo nginye na paulo nginye bhati ntumwa wisha ibho murisia,ichuchuwa na kinzi uma warebhekwangawe. ⁶ Ani nekenga na Apolo warorako mecha ina Ongo washucha ⁷ Ngi ntingu weka kikikai ntibho ingu warariemo mecha ina bhiti nti Ongo ngu ushuchange. ⁸ Ingu weka nangu warariemo mecha bhati bharengeke,nakinzi uma wa tamburwayo muhango wawe, ⁹ Wisha bhate bhakori bhathigo bhanu ishwa na ndikaro ya Ongo. ¹⁰ Ichuchana na mukisa wanikwani na Ongo narianga intangira bhuri muhimbhi wa umpe wahimba hiyo,inakinzi uma wasibhe wahimbawe hiyo ¹¹ Mwisha kusira mweya wamuhimba ntangiro abhenti Yesu kirisitu. ¹² Ntibho kinzimweya wa mahimba ntangiro ya noro,ya bhehena mumakoyi a bhusi mu mpau,mutukomo,na bhisu,murimo wakinzi uma wasungwayo. ¹³ Wisha uturwa shaishayo byo na byasibyayo mukasha na kasha katurayo murimo wa kinzi mweya ¹⁴ Abhe murimo wahimbwa nanzimiko kinzi mweya wahembwayo. ¹⁵ Abhe murimo wa rebhe wamashire nti wabhe wamariminya uhembho nangu nti washire ntiwasoka. ¹⁶ Nti bhanu mosimbhu bhanu bhusoni wa Ongo ONGO urikire kumunda ninu. ¹⁷ Ingu nkati ninu wamabhuto bhusoni wa Ongo na O ngo wa muhutoyo wisha bhusori wa Ongo wakonderera wa bhanu he? ¹⁸ Kinzi mweya wishishe kinzi uma munkati ninu wamanikira mbuwe,mwenge mu kiranga kini,ntiwe muuruuru;muihese mwenge. ¹⁹ Wisha wenge wa chuo kin ingi ishire kuri Ongo.hotu rakomerwa:utinge bhenge bhenge mu mango abho. ²⁰ Na hotu Ongo wosi mianikiri ya bhenge bhenge nti ya bhusabhusa. ²¹ Kinzi mwiya watarii mwinyihiro wawe mu bheya wisha bhiiti bhiri kuri bhanu. ²² Wabhe Paulo,wabhe,Apolo wabhese Cephas wabhese chuo,wabhese bhuingo,wabhese ikwa,abhese bhikaye bhiriho na byayayo. ²³ Bhiti bhiri kuri bhanu na bhanu muri kuri kirisitu na kirisitu kumunda na Ongo.