¹ Bhuri ani bhanakitu nindange kuri bhanu nti wisha kwihora mwi ibha ntibho mu isibha bhingi ngisangwa neya kwabhuture mwasi wa Ongo. ² Wisha asa nti nanikira isibha bhimpe nti rinabho ra Yesu kirisitu washurwanga. ³ Asa nirikuri bhanu na bhutetera na bhobho hima na katenja kakiri ⁴ Na bhinwa byani mu mahano nti bya misanya na bhinwa bya isibha bhiti mu wengi wa bheya ina mwi ishuee ra mutima wakonda na kara. ⁵ Kongo irisia rinu ritabhesi bhiri muwenge wa bhanabheya ina mu mukara ka Ongo. ⁶ Ibho ina wenge bhuturange bhate mu bhakonda,wenge ntiwa kianyiro kinu ntibho hutu nti wa bhakakara wa kiamiro kinu imbi bhatindibhairwayo. ⁷ Tuturange wenge wa Ongo,wa bhishisharo,byabhiswa, ⁸ Wenge imbhu anga na mubhake uma wa chuo wasibhabho,ntibho wasibhangabho kongo nti bhashuranga Ongo wa itwatwa ⁹ Ina imbhu wakomerwabho,bhikayi meso atakochi ikae na mate irukira,na bhitaretaya mu mitima ya bheya bhikayi wakiangabyo mu mbi bhashimawe ¹⁰ Ongo watushee bya mu mutima wisha mutima unzonzomorange bhiti na hotu kumunda na Ongo. ¹¹ Na hotu hotu wosi inye kiri mu mutima wa mweya?na hotu kusira osi kira ku Ongo ntibho ho mutima wa Ongo wisine. ¹² ntibho bhatu nti twareshee mutima wa chuo ina mutima mutima watuka kuri ongo,mbhungi kongo twasibha bhikayi byatuninkangawe na muwenge,na bhuhoro. ¹³ Na twibhenge nti mu bhibhorobhoro bya mahano ya chuo. ¹⁴ Ina ungu wimisa miomba ya karekare nti wachucha bhinwa bya Ongo wisha bhinwabya nti bhuhokohoko kuriwe na watakachi usibha byo wisha bhisiwenge na mitima. ¹⁵ Ina ingu wachucha mutima wosi bhinwa bhiti ina ingu wisine nti wasibweno mwiya. ¹⁶ Wisha inye wose misasire ya nyerekuritu nawe wamuhane?ina bhati turi na isasa ra kirisitu yesu.