¹ Imbi byakae mukongoro kuri imbi bhakonderera, muronjeo imbu wa kubhya ngani mu mosoni a ku Galatia ² kingi uma mubhani mu kinza utu rwa utangiro rwa kasembe chawe, na kara kawe watarindi iya rani, mwi ishe mushoko ³ Na nakiayo na meya na rebhekayo hima na bhisasari bheya bhasombonga bhanu ku Yerusalema, ⁴ Nabhe rahunda nenda ani kwisine nti nenda nabho ⁵ Nendayo kuri bhanu nti na,asokere ku Makedonia ⁶ Kuti narikayo ninu ntibho narikayo nini matu a keme kango munkere ke ayo kwandayo ani ⁷ Rero nti nashima ibhusungu mukantambi Ongo wa bhuna ⁸ Narika ya ku Efese itu ke mu Pentemanke ⁹ Wisha rubhi ukiri na muke ngu mukeke warindirwa kuri ani, na matu a bhianikiro mingi ¹⁰ Tomotea wanmeya makiakongo wa tasubhahi munkati nime wisha nawe nkarange hima nani mu murimo wa Ongo ¹¹ Anga mwiya wamunena nkati ninu, mumuhere ku mu bhuhoro, kongo weya kuri ani wisha na murinda hima na bhanakima bhempe ¹² Kuri mitu apolo, namu humisanga humira mbu wendi kuri bhanu hima na bhampe bha,akitu, ina asa nti isase rawe mwikia bho, bumpi na wenda wamashue kantambi ¹³ Mesongo musike nzumya mu irisia rinu, musisiyo ¹⁴ Bhiti bhikora bhanu mukorebho na mutima wi itabherana, ¹⁵ Hotu rimpe ihano rabhurebheka ani bhanakitu, musibhe mbu mumba ya Sitefanu ngi isina ntangiro ku Achaie nangi hi mu lurimo wa bhakonderera ¹⁶ Angi ibhese nabho uneno mu bheya bha na kuri bhati bhakorange mu murimo ¹⁷ Nashima ibhese ra Stefane na Fortinaus imbi bhakorange mu murimo uo uo ¹⁸ Wisha huresumuhucha mutima wani, musibhe ikokerebho ¹⁹ Masoni aku Asia abhukea akilasi na Priseliya bhima na bhusoni, bhuri mu manyumba abho bhabhukea bguru kuri nyerekuritu ²⁰ Banakitu bhati bhabhukea makee ane bhampe mu bhampe mwi iko kerene ²¹ Nabhukea ani lwisine Paulo mu minwe yani, ²² Abhe hari nti washima nyerakuriti nti mukanakona na nti Maranata ²³ Bhuhoro wa nyerekuri tu Yesu bhubhesi ninu ²⁴ Injime yani iri hima nisa bhati kuri Yesu Kirisitu