¹ Bhanakitu nibhusubhikianga mbu mwasi wakia nabhuture, nangi isa shunga bhanu na ngi mwasisimya bhanu ² Wisha nacho, mushukara abhe muchuchacho wavhushishinga ni abhe ntibho nti murerisia mu bhusa bhusa ³ Narebhuhana kubhusondori imbu washoenga ni byo nabhutureo mbu Kirisitu wakwanga usha na bhibhi bhitu imbi wako meruabyo ⁴ Mbu wakiswa wahuhuka uti rwa ashatu webha mitiro ⁵ Wishee kuri Efeso na hotu kuri mukakanda na bhabhi ⁶ Hatu wishoe mu mana asa mu bhonakima mu ntambi ruma na hatu hima bhakiri bhashwere na bhampe bhama kwanga ⁷ Kunuma naha wasaire Yakobho na hatu mu bhanawe bhati ⁸ Kunyma nabho bhati, wansaire hutu ani bhuri nzori ⁹ Wisha ani mukeke mu ntimwa sawe, nti nasusa ibhikirwa bhuni ntumwa wisha na bhishabhishanga kinwa cha Ongo ¹⁰ Mu mukisa wa Ongo niri buri ani na mukisa wawe kuri ani nti wa bhusabhusa, kusuma naha na rekora ringi irengabho bhatu, musunge bhiti bhinu turengi bhate ina mukisa ingu uri hima nani ¹¹ Ibho kai, abhesi ani ibho bhate bhati bhiturange bhate nti imbi bya shoenga bhanu ^{13 12} Ntibho abhe bhaturange mbu Yesu warehuhuka mwikwa wisha nangi bhima mubhenu bhebhange mbu kusira uhuhuko mwikwa? 13 Abhe kusira uhuhuko rikwa nti kai Kirisitu nawe ntinti ware huhuka ¹⁴ Nabhe Kirisitu ntare huhuka kai nti mikonyie yetu nti ya bhusa na mianiri yan hotunti ¹⁵ Rasusa hatu mbu bhakariho bhabhusabhusa kuri Ongo, wisha tware iterao kunuma na Ongo mbu wa rehuhura Kirisitu na nti waremuhuhura de bhakwi watahuhuki angana ¹⁶ Bwisha mbu abha lakwi bhatanga huhuka anga nti nti na Kirisitu nawe nti warehuhuka ¹⁷ Nabhe Kirisitu nti ware huhuka nti irisia rinu nti ra bhusabhusa wanu makiri mu bhibhi bhinu ¹⁸ Nabho hotu inibhi bhakwanga kuri hotu imbi bhakwanga kuri Kirisitu nti bhare rimima ¹⁹ Abhe bwingo bhunu ngi wateere bhate kuri Kirisitu kai ²⁰ Bhunu Kirisitu wahuhuka mwikwa, iwengi musondori mumbi bhakwa ²¹ Wisha ikwa reyanga mu mwiya uma na hatu ihuhuka ma mwiya uma ²² Imbu bhati bhakwa kuri Adamu nabho bhati bhahuhuka tuyo kuri Kirisitu ²³ Ina kanwi uma na nunga yawe Kirisitu bhuri kiteerere, nabho bhana Kirisitu ²⁴ Na ngi leharwaya nsinsiro mu kiranga wakuruchiyo wami kuri Ongo ishe, wakii wa makuta bhukine, bhukakare ²⁵ Wisha kirenga wasima kongo warionga inongo siti mu bhisa ndo byawe ²⁶ Inongo ikwa ngi wabheseyo wa ngendero mwi ibhishabhishiwa ²⁷ Ibho, Ongo wareria bhitu mu bhisando byawe ina webha mbu bhiti, bhiri kumbo nawe ntibho ira mbu ingi wamusubhianwa bhiti kwalehe ²⁸ Bhikayi bhiti byakii bya maningwe ze mu makako nawe, ibho masike we wabhese yo kumbo nangu wama sibhurengabyo, mbu kongo Ongo wabhese mu bhiti hiyo na bhiti ²⁹ Nabho bhalibhanye imbi bhi irubhikange kuri imbi bhakwire, bhakwire bhata rirani angana wishangi kwirubhika kuri bho ³⁰ Na bhate wisha nanki kinwi utambi turi mukera ³¹ Kinzi ntu niri mukere na susaro bhanakitu mu bhuhima imbu bhuri bhanu kuri ani kununda na Yesu Kirisitu nyerekuritu ³² Abhe mwikae rabheya ngisha naro na kwanisha mumu bhihuka bya ku Efeso, ingu mushoko wani? na abhe bhakwi bhatangahuhuka kai turise naturise mase bhurobho wisha mukomi nti twaka ³³ Angi itingwa bhera bhabhi bhahinjanga miendere ³⁴ Kwikuruche bhanu bhisine rahunda na mutikii bhibhi wisha bhima nti bhosi Ongo, nibhuerengi mu nkene sinu ³⁵ Ina uma webhayo: mbu bhune imbi bhakwire bha huhukayo na inye mibhi ³⁶ Kiashaasha: byekanga Ongo bhitanga shuka? ³⁷ Mbeni umeka nti mubhintingi washuka? nti kachuma kakekeka bhuhi kuti ntibho kampeka chuma ka umpe ³⁸ Kanuma naha Ongo umuninka umpe mubhi wasasawe, na mukinwi lituko mubhi wa sasa we ³⁹ Kinzi mubhi nti mubhi rima ina impe nti mubhi wa bhanabhea umpe nti wa bhihuka ntibho nti mubhi wa mironge ntibho wa bhikubho ⁴⁰ Kwa bhasi hotu mibhiya kwiya na mibhi ya chuo, na hatu chaka cha mibhi ya kwiyo na chaka cha mibhi ya kwasizi chuo ⁴¹ Kimbi chaka cha mwishiki mpe chaka cha nkekeni na hotu ike ni situ nti siri na chaka kima chaka korekore ⁴² Nabhongi bhuri ihuhuka mwikwa mubhi wekwa mu bhubhi ina uhuhuke mu Onga bhubhi ⁴³ Wekwa na uneno, wahuhuka na ngoa, wekwa na bhukobhe ina wahuhuka na kara ⁴⁴ Wekwa mabhi ra kihuka ina uhuhuke mubhiwa Ongo, abhe kuri mubhi wa kihuka kuri hotu mubhi wa kihuka kuri hotu mubhi wa kwa Ongo ⁴⁵ Wishangi wakomerwabyo: mwia musondori Adamu asa mwiya wa bhuingo, Adamu wa kunume wabhese mweya wa Ongo ⁴⁶ Mutima wa kwa Ongo ntingi wa nangi ina mutima wa kihuko na mutima wa kwa Ongo wiye kunuma ⁴⁷ Mwiya munsondori wa tikanga moto iwe oto, wamate abhi iwe wa kwiyo ⁴⁸ Bhuri we wa kwanzi nangi bhuribho bhakwanzi na bhuriwe wa kwiyo ngi bhuribho hatu bha kwiyo ⁴⁹ Nambu waresusa bhate kwanzi twasusi hatu kwiyo ⁵⁰ chabhushishani bhanakitu nti mubhi na njama bhitahumi wami wa Ongo na bhibhi bhitakochi ihima byakonda ⁵¹ Musonge na nibhushishinge kishisharo tutangakwe bhate bhati ina twahinji wayo ⁵² Mukantambi kima mwinobha riso, kahanda ka kanuma koreyo, kahanda ka kununuma koreyo, kahando kariyo, na bhakwi ⁵³ Wishabho, mubhio wi bhiha ubhisi si wabhiha na mubhiwikwa ubhisi nti wikwa ⁵⁴ Mu kantambi wabhiha wamabheyo ntingu wabhiha na wikwa umbere nti wikwa, impo ngi hatabhorwayo mutiro ini ikwa raresingwa mu ngoa ⁵⁵ Ewe Ongo ikwe ingaa sabhe siri kuni? Ewe ikwa mushutu nde urikuni? ⁵⁶ Mushoto wikwa nti bhibhi na kara ki ikwa nti miamba ⁵⁷ Ina itatwa ribhesi kwa Ongo ngi watuninka ngoa iitire kuri nyerekuritu Yesu Kirisitu ⁵⁸ Ngibhobhanu bhanakitu marike na nsimiko, Onga itenga tenge mukore shushu mushushu mu murimo wa Ongo ni sibha mbu murimo wenu nti wa bhusa bhusa kuri Ongo