¹ Habwecho, chachirikisaba bene tata balikwera, bamwe mukwetwa mwiguru, mutekereze Yesu, omukwenda kandi omuraguzi mukuru w'okuzuna kwetu. ² Akaba omwikirire wa Ruhanga ayamusobwere, nka Musa koyabaga omwikirire munzu yona ya Ruhanga. ³ Habwokuba yesu alikubarwa kuba ayine echitinisa chikuru kulenga echo Musa akaba ayine, hakuba ayahimba enzu abarwaga kuba n'echitinisa chikuru kusumba enzu yoyenka. ⁴ Hakuba buli nzu yihibwagwa n'omuntu lebe, alikwe ahimbaga bulichintu ni Ruhanga. ⁵ Mumazima Musa akaba omwikirire nk'omukazi munzu ya yona ya Ruhanga, alileta obuzuzi habintu byona bilyagambwa mu mubwire bulikwiza. ⁶ Alikwe Kristu n'omutabani mukwemerera enzu ya Ruhanga. Twebwe turenzu kaba turakwasa mu kwikiriza kuhikire mw'izina lyetu. ⁷ Habwecho, nikw'omutima gulikwera gulikugamba; Erizoba waba arahulikirira omulenge gwe, ⁸ Otakora omutima gwawe kuhirimba koko abaisraeli bakolire obugome, mubwire bwe bwokusichwa. ⁹ Obu bwabor'obwire bwo baso bangirire obugome balinkusicha, kandi obwire bw'emyaka makumyane balikuleba ebyombakolere. ¹⁰ Habwecho, tanayisimire echochisenkuru. Nagamba, " bulibwire balikubura mu mitima yabo kandi tabamenyire enzira zange. ¹¹ Nikoko nayirahirire mu burakali bwange " Tabalyataha muchahwere ikonda change." ¹² Mugazure, bene tata, kugira hatalikubaho omutima mubi gw'okutayikiriza kw'omwe wa wa muliwe, omutima gulyaza hale na Ruhanga aliho. ¹³ Hanyuma yaho muhumalizane bilichiro omwe haundi, kugira ko bulizoba mwende kugira ko hatagira n'omwe mulimwe yagira kuhirimba kw'okubehwa mu bibi. ¹⁴ Habwokuba tubere bamwe na Kristu twaba turakwasikanya n'obantu bwetu mumani kuruga muntangiro kuhich'omuheru. ¹⁵ Habweligagambo, chamalire kugambwa, " Erizoba mwaba murahulikiriza omulenge gwe, mutahirimbya emitima yenyu nk'abagome. ¹⁶ Abo ni bande bahulire Ruhanga kandi bayigomeka? talibabandi bona bo Musa yahingulire alikubiha misiri? ¹⁷ Kandi ni bande bo Ruhanga yarakalire mu myaka makumyane? ntanibamwe bakolire ebibui, abo emibiri yabo yanagire efire mu mwangaza? ¹⁸ Kandi ni bande aboyarahirire Ruhanga kotabalyataha muchahwererikonda che? Kaba batalibo batamuhulirire? ¹⁹ Chalebeka ko ntabatahire muchahwerikonda che habwokutamwikiriza.