¹ Habwecho, chirikusabwa tutemumeso chane ebyo twahulire, kugira tutabe hale nabyo. ² Habwokuba yaba echagambirwe na malaika chihikire nabuli nsobe n'echi gurubwo bibonaga echihano, tulyabasa kurutarwa ho, twaba tutafire harobu busabuli bukuru? Obusabuli bw'okubanza bukabulirwa na mukama kandi bwahikirizwa halitwe n'ababuhulire. ⁴ Ruhanga nawe yabuhikiriza mubitangeze mu bikorwa bikuru mulingo na mulingo, kandi mu mpano z'omutima olikwera zo yagabire kukuratana n'okwenda kwe wewenka. ⁵ Ruhanga ntayatereho ensi elikwiza, eyotulikulindira enkuru zayo, hasi ya Malaika. ⁶ Nikusubyaho, omuntu ninde, kugira abwibuke? Nangwa omwana w'omuntu kugira amwibuke? ⁷ Omuntu kubamuke kulenga Malaika yamuzwecha engata y'obugabe n'echitinimisa. ⁸ Wabika bulichintu hasi y'ebiribata bye. " Habw'echo, Ruhanga yatere bulichintu hasi y'omuntu. Ntayarekire bulichona chitali hasi ye. Alikwe mwobubwire ntataka lebire buli chintu chiri hasi ye. ⁹ Nahabwecho, tulikuleba ayabere abumbirwe mu bwire bugufi, hasi ya Malaika, Yesu, iwe habwokubonabona kwe n'okufa kwe, akazechwa enganta y'obugaben'echitinisa. Habwecho, mbwenu habulihw'engeru za Ruhanga, Yesu yafirire bulimuntu. ¹⁰ Chachihikire habwa Ruhanga, habwokuba bulichintu chiriho habwe n'okurabira muliwe, yasabirwe kubaleta abana bingi mu bugabe, kandi yasabirwe kumuhindura omwemerekezi mubusabuli bwabo kuba ahikirire mu kurabira kubonabona kwe. ¹¹ Habwokuba bona babiri alikuha obugabe, nabali kuhebwa obugabe, bona balikuletwa mu kale kahangwa emwe, Ruhanga. Habwecho aherwe obugabe ewa Ruhanga ntayine esoni z'okubeta b'ozo babo. ¹² Alikugamba, " Ndyayamuza izina lyawe muli bozo betu, ndyaririmba habwaweho mumuhindano. ¹³ Kandi alikugamba, " Ndyayikiriza muliwe kandi leba hano ndi n'abana bo Ruhanga yampere." ¹⁴ Habwecho, hakuba abana abana bona ba Ruhanga bine omubiri n'esagama, birichimwe, Yesu nawe abine kugira murufu abase kumara amani gowe ayaletire orufu, aliwe Sitani. ¹⁵ Ebi byabere bicho kugira ahe obwiranda abo bona batinire orufu batabaho mu buramu bwabo barabaletwa. 6 Mumazima ntali malaika alikubayamba. Hanyuma yaho, abebechichina ch'Abrahamu. ¹⁷ Habwecho, chachirikusaba iwe abe nka bozo babo munzira zona, kugira abase omuterekezi mukuru ayine obuhanyiri bw'abantu ba Ruhanga, kandi kugira abe n'obubasa bwokuleta obusasizi bw'ebibi, bw'ebibi by'abantu. ¹⁸ Hakuba Yesu wewenka akabonabona, n'okuichwa, ayine obubasa bw'okuyamba abali kusichwa.