¹ Habweco, hakuba tuzigulirwe n'ecicu cihangu c'abazuzi, kandi tunage buli cintu citulemerire hamu n'ecibi cituzigulire mpiri. Tugire zuba mu cigezo caterwe embere zetu. ² Tutunge ameso getu ewa Yesu, aliwe entangiro kandi omuhikirizi w'enyikiriza yetu, iwe habw'ebyisimo ebyaterwe mu meso ge yahikirizwe omusaraba, ali kugaya esoni ze, kandi yayikara hasi ya kulyo kw'ecitunbi c'obukama cha Ruhanga. ³ Habwokuba muteketeke, iwe ayabaga ahenibwe amagambo g'itima kuruga habantu b'ebibi, entego ye wewenka kugira ko mutasuba kuruha nangwa kucika ecirenga mutima. ⁴ Ntamukalembire nangwa kubonabona mulikusingana n'ebibi kulenga kuhwamw'esagama. ⁵ Kandi mwebirwe eyo kusuby'omutima munda kulikubatwara nkabana b'obwozo: Mwana wannge atatwara zuba engaruka ya Mukama, atachik'entege waba alikugezwa nawe." ⁶ Hakuba Mukama agarukiraga wena wayendire kandi ahanaga buli mwana ayamwakira. ⁷ Ninabwokugarukirwa kubahikirize.Ruhanga aili kubakolera kwakoleraga abana, hakuba n'omwana oheya owe Ise hanyuma yaho atogarukira? ⁸ Alikwe haba hataliho kugarukirwa, ako twena tulikukwasa, obwe mwebwe mulenzirondo kandi ntamurabana be. ⁹ Ebyingi halibyona, twatwine batata bensi bokutugarukira, kandi twabahere ecitinisa. Mbwenu ntacitusabire kandi kulenga kuhulirira Tata w'omutima kandi kuturaho? ¹⁰ Mumazima batata batuhere ecihano mu myaka mike ko calebekene halibo, alikwe Ruhanga atuhaga ecihano mu nyungu yetu kugira ko twakwasa obuhikirire bwe. ¹¹ Nta cihano cisimisize mulino bwire, cine obusasi, alikwe habweco nyuma cizaraga itunda ly'obusingye, lyobwirwnda harabo bayegesizwe nacho. ¹² Habweco, mute emikono yenyu higuru eyihinyangene kandi mukore amani genyu gakobire kuba agine amani kandi, ¹³ munanure entambo zenyu, kugira ko buli wena abimbahire atahingulirwa kuligita alikwe abase kukuzwa. ¹⁴ Muronde obusingye n'abantu bona, kandi obuhikirire obwo hatalibwe ntawe alyareba Mukama. 5 Mugazure kugira ko hatazabaho alyacibwa hale n'obulihwengeru bwa Ruhanga, kandi etize kuba encina y'obusalizi elyamera kandi ekabasisa enaku hamu n'okubonabonesa abingi, ¹⁶ cho nimulebe ko hatalibaho omusambanyi nangwa omuntu atisigire nka Esau, ayabere ha byokulya ya guza amazima ge g'obuzarwa. ¹⁷ hakuba muramenya ko nyuma yaho, ko yayitengire kuragwa emigisa, yayangirwe hakuba ntayabwene obwire bw'okwihana hali Ise, naho yorondire mu mizige. ¹⁸ Hakuba nta mwayizire mu musozi gubasizwe kukorwaho, omusozi gulikwaka omuliro, omwirima, kucisa entege hamu n'empungenge. ¹⁹ Ntamwayizire mu rwali rw'enzamba nangwa habw'amagambo galetirwe mwiraka litumire ko buli ahulire atasaba igambo lyona lirikumugambwaho. ²⁰ Hakuba nta babasize kugumisiriza echo cisabirwe "Naho cakaba ecikoko cikolire harogwe musozi citerwe amabare" ²¹ Ebitangezwe kulenga ebyo Musa yalebire yagamba: "Natina kulenga omubalhe gw'okukuza". ²² Hanyuma yaho, mwayiza ha musozi Sayuni kandi mu mugi gwa Ruhanga atwireho, Yerusalemu ya mwiguru kandi hali bamalaika ebihumbi ikumi abali kwiyagara. ²³ mwayiza mu muhindano gw'enzarwa za mbera abayandikirwe mwiguru na Ruhanga omuramuzi w'abantu bona, n'emitima y'abantu bamazima abahikirire, ²⁴ hamu na Yesu Entumwa y'endagano nshasha, hamu n'esagama y'okutonyezwa, eyine ebirungi kulenga eya Abeli. ²⁵ Cho nimulebe mutayanga oyu alikugamba. Hakuba, kaba abamwangire batarokokire, iwe ayabibembere habw'ihanga, obwe tatulyatoroka twebwe twayica haliwe alikutwibembera kuruga mwiguru, ²⁶ owo iraka lye lyakukwize ensi obwe bwire; alikwe mbwenu yaraganisize alikugamba, kandi enchuro emweza ndakukuzisa etarensi kusa alikwe hamu n'iguru. ²⁷ Alikwe elyo gambo, enchuro emweza kandi lirikumenyesa kuligiswa kw'ebintu ebyo bikukuzwagwa, ebi n'ebintu ebyahangirwe, kugira ko ebyo bintu bitakukuzwagwa bisigare. ²⁸ Habweco twakire obukama obutakukuzwagwa, twisime mubyokuramya Ruhanga mu kwisima hamwe hamu n'okwibombeka. ²⁹ Hakuba Ruhanga wetu n'omuliro gulyaga.