¹ Mbwenu enyikiriza n'enyisige eyomuntu ayine obwire bwalikwitenga ecintu lebe mu bugabe. N'enyisige y'ecintu citakabonekire. ² Habweco, Banswenkuru betu bahikirire habw'enyikiriza yabo. ³ Habw'enyikiriza, turamenya ko ensi yabumbirwe n'ecigambo ca Ruhanga, kugira ko eco cirikurebeka ntacabumbirwe kukuratana n'ebintu byabere birikurebeka. ⁴ Hahali habw'enykiliza ko Abeli yatangire ebitambo ewa Ruhanga bihikire kulenga ko Kaini yakolire. Hahali habwecicintu, ko yasimirwe kuba awamazima. Ruhanga yamusimire habw'ebihembo byoyaletire. Habweco Abeli nabuti alikugamba, nobwoyafire. ⁵ Hahali habw'enyikiriza ko Enoka yatwerwe mwiguru kandi ntayafire. "Ntayalebekire, hakuba Ruhanga ya mutwere" koko chagambirwe haliwe ko ya musimisize Ruhanga, mbere yokutwarwa mwiguru. ⁶ Etar'enyikiriza, ntacibasikene kusimisa Ruhanga, habwokuba ayayiza ewa Ruhanga, cinasabirwe ayikirize ko Ruhanga atwireho kandi aherezaga abalikumuronda ebihembo. ⁷ Hahali habw'enyikiriza ko Nowa yabere yahanirwe na Ruhanga, habikuratene n'amagambo agabere gatarebekene, Habw'ecitinisa ca Ruhanga yahimbire (safina) habw'okusbura ecika ce. Mukukora ebi, yacirire ensi orubanza kandi yab'omuragwa w'amazima gizaga mukurabira enyikiriza. ⁸ Hahali habw'enyikiriza ko Ibrahimu, ko yabere yayetwa yahulirira kandi yaza ahantu ahoyasabirwe kwikiriza k'omuraghe. Yagendire ataramenya ahantu ahalikuza. ⁹ Hahali habw'enyikiriza ko yatwire mw'ihanga ly'omuraghe nk'omugenyi. Yatwire mubisakaro hamu na Isaka kandi na Yakobo, abaragwa bagenzi be weyo ndangu emweza. ¹⁰ Eci, nihabwokuba yayitengire kubona omugi gwo alikugutwara kandi akahimba yasabirwe kuba ali Ruhanga. ¹¹ Hahali habw'enyikiriza ko Burahimu, hamu na Sara we wenka, bayakirire amani gokutwara enda (obukule) naho babari abagurusi kulenga, hakuba bamulebire Ruhanga kuba ahikirire, ayabere abaragire omwana w'obwozo. ¹² Habweco naco, kurugiga hoyumuntu omwe ayabere alihagufi y'okufa bazarwa abana batine omubare. Babali bingi nk'enyenyezi za muciyaga kandi bingi nk'enzumwa z'omusenyi hasi y'engezi. ¹³ Aba bona bafire munyikiriza bata kakirire endagu. kwihaho bazirebire kandi bakaziyagira hale, bayicuza ko babari abagenyi kandi abahinguzi hansi. ¹⁴ Harabo bagambaga amagambo nkaga bine ecisige ko balikuronda ihanag lyabo bo benka. ¹⁵ Mu mazima, kaba bobere balikutekatekera ihanga lyabo lyobarugiremu bagirire ahantu aho kugaruka. ¹⁶ Alikwe, kobiri, balikwitenga ihanga lirungi, lire lya mwiguru. Habweco Ruhanga ntalikuleba esoni z'okwetwa Ruhanga wabo, habwokuba atebekanisize omugi habwabo. ¹⁷ Hahali habwenyikiriza ko Burahimu hanyuma y'okugezwa, yatangire Isaka. Egho, niwe ayayakirire endagu mu byisimo, ya mutangire omwana we wenka, ¹⁸ owo habw'ecagambirwe, "kuruga hali Isaka oruzaro rwawe ndyayetwa". ¹⁹ Burahimu yaramenya ko Ruhanga yayine obubasa bwokumuzora Isaka kuruga mu bafire, kandi mu kukanya mu rulimi rw'emigani, yamwakirire. ²⁰ Hahali habw'enyikiriza ko Isaka yahere Ya Yakobo na Esau emigisa kukuratana nebirikwiza. ²¹ Hahali habw'enyikiriza kobwire bwo Yakobo yabaga alikwenda kufa, yahere emigisa buli mwana wa Yozefu. Yakobo yaramya akwatirize hankoni ye. ²² Hahali habw'enyikiriza kobwire bwe bwa hamu hero Yosefu yagambire habw'okuruga kw'abana baba israeli muli Misiri kandi yabihangiriza kutwara amagufa. ²³ Hahali habw'enyikiriza ko Musa, Koyabere yazarwa yabisizwewa mu myezi isatu n'abaze be hakuba ba mulebire kuba omwana w'orumeke ayabere alimurungi, kandi ntabagirire oruhuha rw'eciragiro c'omwami. ²⁴ Hahali habw'enyikiriza ko Musa yabere yabomuntu muzima yayanga kwetwa omwana wa muhara wa Farao. ²⁵ Hanyuma yaho yayihamu kukwasikanya hamu n'abantu ba Ruhanga emibonabono ahokugira kwisimira ebirungi by'ensi kandi hamu n'ebibi mu bwire buke. ²⁶ Yatekatekire k'esoni z'okumukurata Kristo n'obughega bukuru kulenga obughega bwa Misiri hakuba yategire ameso mu bihembo by'obwire buli kwiza. ²⁷ hahali habw'enyikiriza ko Musa ya rugire Misiri. Ntatinire eciniga c'omwami, hakuba yagumisirize mukuleba atalikulebeka . ²⁸ Hahali habw'enyikiriza ko yayikwasize pasika kandi kutonyeza esagama kugira ko omusisi w'enzarwa ya mbere atabasa kukora hanzarwa za mbere z'eciseza za Israeli. ²⁹ Hahali habw'enyikiriza ko habihingwire mu ngezi ya Shamu nkahantu hari amezi hanyuma obwire bwa abamisiri bagerize kuhingura bamirwa. ³⁰ Hahali habw'enyikiriza ko ecisika ca Yeriko cagwire hasi hanyuma y'okuzunguruka mu biro musanzu. ³¹ Hahali habw'enyikiriza ko Rahabu, owe Maraya ntayahwerekerere hamu nababaga batahulirire, hakuba yabaga yayakirire ababaga balikuneka kandi yabaraza mu businge. ³² Kandi ngambeki cahiguru? Hakuba obwire nibuke bwo kukanya kwa Jideoni, Baraka, Samsoni, Yefta, Daudi, Samweli kandi hamu n'abarangi ³³ abo mukurabira enyikiriza basingire amakama, bakolire amazima, kandi bayakira endagu. Bateganisa eminwa y'ebinyungusi, ³⁴ bazimya amani g'omuliro, bayihungura obugi bw'emisyo, bakizwa kuruga mu ndwara, babaremanzi mu ndwano, kandi batuma amahe g'abaghenyi gayiruka. ³⁵ Abakazi bayakirire abafu babo mu kurabira kuzoka. Abandi babonabonesizwe, hatali habw'okwikiriza kuba mu bwiranda kugira ko babase kubona obumenyizi bw'okuzoka buliburungi kulenga. ³⁶ Abandi banabonesizwe mu kuzumwa kandi n'okuterwa, kutebwa empingu kandi kunagwa mu bihome. ³⁷ Batelirwe amabalhe, batemirwe ebice mu misumeno. Bayitirwe mu misyo bagulisizwe mumpu z'entama hamu n'ezembuzi, babaga abalikwitenga, balikugumizamu n'emibonabono kandi balikukolerwa kubi. ³⁸ Balikucangaramu, mu bibaya, mu misozi, mu mbingo kandi na mu myina y'itaka. ³⁹ Kaba abantu aba bona bayemererwe na Ruhanga habw'enyikiriza yabo, ntabayakirire echoyaragire. ⁴⁰ Ruhanga yamanzize kutuha ecintu cirungi, kugiro ko hatali habwatwebwe ntabobasize kwikirizwa.