¹ Habwekyo mube abantu b'okukurata Ruhanga, nk'abana-be b'enkundwa. ² Mugende mu mukwano, ngoko Kristu yatukundir'iitwe, yayitangir'iiwe wenka habwetu. Iiwe yabere ekilabu n'ekitambo, kuba ekihumuro kirungi ky'okusimisa Ruhanga. ³ Alikwe obusambani, nangwa oburofa bwena, nagwa obuligira butagambibwa muliimwe, ngoko kiheniibwe mu bikiriza. ⁴ Nangwa akosho, ebigambo vyobusema, nangwa emizano y'okuteega etabonere, huubwe mugire kusiima. ⁵ Muhenibwe kugir'amazima ngoko habagaho obusambani, oburofa,nangwa obuligira, owe n'omufukamizi w'ebisusani, tayin'omwandu gwena mubukama bwa Kristu na Ruhanga. ⁶ Hatagir'omuntu wena arakubeha mumagambo mabi, habwaga magambo ekinigha kya Ruhanga kirikwizira abana batahuliraga. ⁷ Habwekyo, otahindano nabo. ⁸ Habwokub'iimwe muntandiko mwabag'omwirima, alikwe buti mwabere orumuli muli Mukama. obwe mugendage nk'abana b'orumuli. ⁹ Habwokuba amatunda gw'orumuli yalhetaga oburungi bwena, ekihikire n'amazima ¹⁰ Ronda ekintu ky'akasimiisa Ruhanga. ¹¹ Hatabah'obuhindani mu milimo y'omwirima eyitalhetag'amatunda, huubwe mugwerekane butaraga. ¹² Habwokuba, ebyobakoraga mubwibiso bihemuraga n'obwoyakaba kubigarukamu kusa. ¹³ Ebintu byona, abwiire bwo bya bisurwa n'orumuli, bibaga butaraga. ¹⁴ Kabwokuba, bulikintu kyabiswirwe kibaga kiramulika.Okwe n'okumenyesa ngo:'' oyimuke iiwe ohungiire, kandi oyimerere kuruga mu bafu na Kristu arakumulikira''. ¹⁵ Obwe mukenge ngoko mugendaga, mutaba nk'abantu batin'obwenge, huubwa nk'abakengire. ¹⁶ Mutahinguz'obwiire habwokuba ebiro n'ebyebibi. ¹⁷ Mutab'abarindagizi huubwe, mumenyage obwende bwa Mukama ni buhe. ¹⁸ Mutasind'amaarwa, esiindo yisindikaga mu busiisi, huubwe mwizuzwe n'omutima mwikiriire.. ¹⁹ Muganiire na buly'omweza wenyu mu migani n'endekerano, kuhimbisa n'otulimbolimbo tw'okuzugumba. Mulilimbe n'okusiima mu mutima gwa Mukama. ²⁰ Mugume kusiima habwebintu byoona mw'iziina lya Kristu Yesu Mukama wetu owa Ruhanga thaata. ²¹ Mwitangage buly'omweza ha ghundi mu kitinisa kya Kristu. ²² Abakazi, mwitangage ha baseza benyu, nk'owa Mukama. ²³ Habwokuba omuseza niwe omutwe gw'omukazi, ngoko Kristu n'omutwe gw'isabiro. N'omurokozi y'omubiri. ²⁴ Alikwe ngoko isabiri libaga hasi ya Kristu, kuchokukyo abakazi bahenibwe kukorer'abaseza babo kukyoya muli buli kintu. ²⁵ Abaseza, mukunde abakazi benyu ngoko Kristu yakundir'isabiro-lye n'okwitanga iiwe wenka habwaa-lyo. ²⁶ Yokolire kucho kugira ngo lihikirizwe. Yalihikirize mukulyooza n'ameezi mw'igaambo. ²⁷ Yakolire kucho kugira ngw'abase kwitebekanisiza isabiro ly'ogizwe, elitalimo ibara nangw'emifunyo nangw'ekintu kirink'ebyo, huubwe, ekintu kihikire, ekitin'ensobe. ²⁸ Mumuhanda nkogwe, abaseza baheniibwe kukunda'abakazi babo nk'emibiri yabo. Akundire omukazi-we, ayikundire iiwe wenka. ²⁹ Tahin'omuntu nagwa n'omwe ayangaga omubiri-gwe.Huubwe, agubonezaga n'okugukunda, nka Kristu ayakundire isabiro. ³⁰ Habwokuba iitwe tur'abahindani bomubiri-gwe. ³¹ '' Habwekyo, omuseza arasig'ise na nyina, n'okwimatika ha mukazi-we, n'abo babiri barab'omubiri gumu''. ³² ERki kyabaga kyabisizwe. Alikwe ndikugamba kukuratana na Kristu n'isabiro. ³³ Alikwe, kiheniibwe ngo buly'omweza wenyu akunde mukazi-we nk'iwe wenka, n'omukazi ayubahe omuseza-we.