V 1 Neryo yesu anushwiremo echirimu kibhuyirire mwasubhula okwila oko lusi Yorodani, mwasondolwa n'echirimu omo mbwarara. ² omobhiro makum'yane, n'eyo mwalengwako n'enzighu. n'omo bhiro ebyo mwathalya chindu chosi chosi, n'oko mwisho mwabhya n'enzala. ³ enzighu moyamubwira ' wamabya i'uli mwana wa Kathutshi bhindul'eribwe eri mo Mukathi," ⁴ yesu mwamusubirya athi " lisolengire ambu; " omundu atandabhwaho okwira omukathi musa" ⁵ neryo enzighu moyamuthwala oko chithwa neri mukangya amami wosi wo mo chihuo echo oko Kathambi kake. ⁶ Enzighu yamamubwira ithi " ngandi kuha ubhutochi bwerithabhala amami wosh'ayo haghuma n'ebhindu byosi. nanganathoka erikol'ebhyosi ebyo kusangwa ebyoshi ni hamulirwe erithabhal'abhyo, kandi niwithe obhutoki bweriha omundu oyo namanza. ⁷ Okwecho, wamanikukamira n'eriniramia, ebhindu byosi ebhi byandabya byawe. ⁸ Neryo Yesu mwamubwira athi:" bhisolengire, litholere eriramwa Kathutshi awe niwamukolera iyuwene musa. ⁹ omo ndambi eyo enzighu moyasondolya Yesu ye yerusalema, nerimuhira'oko luhande lulhi kundu lo bhuhimbe bwe kisomo n'erimubwira: " wamabya iuli mwana wa Kathutshi uthwe echika erilwa hano, ¹⁰ kusangwa lisolengire " akandi mwish'abhalaika bhiwe bhakulamwe nerikubhika, ¹¹ na bhandakusumbir'ebhyala byabho omwikuhamba, ebhisando'awe isibyabunika oko libwe" ¹² Yesu mwasubhya akabhuwa athi: " kisolengirwe tsiti isiwalenga ku mukama'we." ¹³ Enzighu yabhere yabhuwa' erilenga ku Yesu, yamayenda nerimushiya okwika oko shindi ndambi. ¹⁴ Neryo Yesu mwasubya'eegalaya omo kaghala k'ekirimu, n'engulu yiwe yamosula'ehosi-hosi, n'erithulalaghanya echihuo chisi. ¹⁵ Mwakangirisya omo mahim'abho n'obhuli mundu mwamusitsya. ¹⁶ Kiro kiyima amaya' e Nazarethi ey'akulira, ngoko yabya mibhere yiwe eringira omo Sinagogi ekiro che sabatho, neryo mwahangana nerisoma amasako. ¹⁷ Neryo kyabhya inikitabho ch'omuminyereri Isaya, amashashul'ekitabho n'eribhana ahasakire hathi: ¹⁸ " akaghala ko mukama kali okwinje, kusangwa nyihakabha' maghutha erithulaghany'engulu mbuya yoko bhahuni; amanyituma'erilola, n'eribhohola abhabhohire. ¹⁹ Erithula omwatsi w'omwaka wo Mukama asya lamya'bhandu bhiwe. ²⁰ Yesu mwalinga'echithabho etcho n'erisubyatso'ko mutheya we Sinagogi, neryo mwikala ahisi. ameso wabhosi abhabhya'omo amamuthungerera. ²¹ Neryo mwakanya nabho neribhuwa'mbu: " munowir'enzakanw'eyi yam'owishibwa omo mathwi wenyu." ²² Obhuli mundu mwayikereshya okobyo Yesu aneghena, naqbhandi mobhasweka; n'ebhinywa byobhukerere ebbhy'abya nyasobhola. bhabya bhakabulya: " oyu si musole wa Yusufu?" ²³ Yesu mwabwira'bho, " oko kundu mwashabuwe o'mwiso oyu'wokwinje; " mulamya yilanaye wo wene. chi-chosi echothowa wakol'ekapernaumu, ukole'echo nomo muyi'awe". ²⁴ Neryo amabhuwa'thi oko kwenene nibhabwire inywe; " sihali omulaghuli oyo wasikibwa omo tchihuo kiwe". alakini enyibhabwira inywe kwenene ngoko habhya abhakwakali bhangi omo Israeli oko mughulu wa Eliya. ²⁵ Alakini enyibhaqbwira inywe kwenene ngoko habya abhakwakali bhangi omo Israeli oko mughulu wa Eliya. omughulu hathabhy'embula omo myaka yisathu, n'esala nene moyahik'omo kihuo kyosi. ²⁶ nibwa Eliya mwathathumwa kwibho, kwono'komukwirwa we Serepatha, hakuhi n'omuyi we Sidoni. ²⁷ kandi habya na bhahagha e israeli oko mughulu wo muminyereri elisha, nikwa mohathabya oyo walamibhawa okwilushako Namani omunya Suria. ²⁸ Abhandu bhosi omo sinagogi mobhithana omughulu bhowa emwatsi eyo. ²⁹ abhosi mobhahangana nerimuthwala ehihya w'omuyi oyo, nerimutwala oko ngwangwa y'echithatha ohomuyi wabho abya inyahimbirwe, bhathi bhakamughusa omo mwanya. ³⁰ nikwa mwalabha omo kathi kabho neriyighendera. ³¹ Neryo mwandaghalira e kapernaumu, omo muyi we galilaya, neyo abhya akakangirisya omo kiro kye sabatho omo sinagogi. ³² Mobhaswekera amakangirisyo wiwe, bhusana ebhinywa bhiwe byabhya nibhihamulirwe. ³³ Neryo ekiro echo omo bhuhima, habya nomundu muyima inyalikw'ebhirimu bhibhi, nyaya lira omomulenge mulhi, ³⁴ thuwithe chi thunawe, iwe yesu we Nazarethi? ulyasa ukusha thuthothya? nyasi nguli ndi! iwe uli mubhuyirire wa Kathutshi." ³⁵ Yesu mwahayira'ebhisimu neribhuwa athi; " hulikirira, ulwe noko mundu'oyu!" echirimu kyo mokyamuhum'ahisi katikati kabho, mokyaleka omundu oyo bhutsira maghali wosiwosi. ³⁶ Abhandu bhosi mobhasweka, na mobhaghenda bhakakanirya obhuli Mundu oko undi, bhanabhua bhathi: " nibhinywa'ki ebhi? amahamula'emithima mibhi oko bhuthoki na kaghala nayo yamaghenda! ³⁷ Neryo emyatsi ya Yesu moya itsatsanga omo chihugho chosi echo. ³⁸ Neryo Yesu mwalwa omo muyi oyo, neri ngira omo nyumba ya Simoni, nyinyi bhyala wa Simoni inyafwire e homa nene, naho mobhamusabha omo mwanya wo mukoni. ³⁹ Neryo yesu mwamueyerera nerihayira e homa'eyo, nayo moya luyalama. naye mwahangana nerimukolera. ⁴⁰ Eryubha lyabhere iyalenga mobhalethera yesu y'abhandu abhafwire amakoni minamina, nahira'ebhyala bhiwe erighulu wabho, nabho mobhalama. ⁴¹ Ebhisimu bhinji mobyalwa kwibho bhikalaka omomulenge muli n'eribhugha: " iwe mwana wa Kathutshi " Yesu mwahayira byo na mwathalhiya athi bhibhughe kundi mobyaminya ko ni kristo. ⁴² Omo thuthuthu, mwaghenda omo tshihero bhandu, echithutho cha bhandu mochamuronda n'erimweya ahabhya. mobhabya bhaka mukakirya erighendahali kubho. ⁴³ Neryo mwabhwirabho athi litholere inakangirisya e'ngulu mbuya yo bhwami bhwa kathutshi omo yindi miyi minji. ⁴⁴ neryo mwandeleya erikangirisya omo sho Sinagogi omo bhuyahudi bhosi.