¹ Ingye mukwenda paulo, oyutabirikirawa na n'abandu kutse eritumwa n'abandu, nikwa oyo mwatumawa na yesu kristo na kathutshi tata, oyo mwamulubukaya oko baholi. ² Abalikyetu bosi abali haguma naye tukabakeraya inywe makanisa w'e galatia. ³ Kathotshi tata wetu, n'omukama yesu-kristo, babahe olukogo n'obuholo. ⁴ Kristo mwayiha busana n'ebibi byetu eritubohola oko mugulu mubi ono, ngoko kathotshi tata wetu abya anzire. ⁵ Olukengerwa lubye uku kathotshi kera na kera! Amina. ⁶ Ngabaswerwa! kusangwa mukotoka luba ukw'oyo wabarikiwa omo lukogo lwa kristo, imukakwama eyindi ngulu. ⁷ Nikwa sihali eyindi ngulu, nikwa hali abandi abakatsengatsengaya, ibakasonda eribindula yo nabi engulu yowene ya kristo. ⁸ Nikwa itwe, kutse omūlaika oyuhalwa elubula, amabatūlira engulu eyite eyo twabatulira, atakirawe! ⁹ Ngoko twamabibuhga, na lino ngabuwa kandinyi, omundu amabatulira engulu eyite eyo mwangarira, atakirawe. ¹⁰ Lino ngasonda erisimwa n'abandu, kutse erisimwa na kathutshi? kumbe ngyinasonda eritsemesya abandu, sinangabya omugombe wa kristo. ¹¹ Bhalikyetu, nyanzire imwaminya ndeke ngoko engulu yowene nabatulira siyalwa oko bandu. ¹² Mondangirirayo oko mundu, kandi monda hangiriribwayo na mundu. Nikwa nina yesu kristo yo wanyibisulirayo. ¹³ Mwabiriowa emigendere yage omo myatsi y'abayuda, ngoko nabya ngendererya kutsibu ekanisa ya kathutshi, kandi nabya ngalenga eriheryayo. ¹⁴ Nabya inabirilaba abangi b'omo lulengo lwaye omo myatsi y'abayüda. Iningabya n'omuhwa munene busana n'emitse y'abotata wetu. ¹⁵ Nikwa kathotshi, omo lukogo luwe, mwayisoga ngye inyikine omo nda ya koya, mwanyibirikira erimukolera. ¹⁶ Kusangwa omugulu byatsemesa ya kathotshi erinyibisulira omugala wuwe, inatoka eritûla engulu ya kristo omo katikati k'ebihanda, mundakania n'abandu. ¹⁷ Kandi mondahetukira eyerusalema ukw'abho babya bakwenda embere syage. Nikwa monaya earabia, kandi monasuba edamasiki. ¹⁸ Neryo enyuma w'emyaka isatu monahetukira eyerusalema eriyabana petero, monasiba naye ebiro erikumi n'ebitanu. ¹⁹ Nikwa mongalangira ogundi yoho bakwenda, nina yakobo, ye mugala wabo mukama, ²⁰ Ebyo ngasaka ni kwenene. Ngayisema kwenene omwisi wa kathotshi nyiti sindibiha. ²¹ Neryo monaya omo bihugo by'esuria n'ekilikia. ²² Oko mugulu oyo mondalolwako n'amakanisa wa kristo eyudea. ²³ Nikwa babya bakowa lisa ambu, oyo wabya akatwendererya kristo, eyo abya akatenga eriherya. ²⁴ Nerya babya bakapipa kathutshi busana naye.