¹ Bakengeshe buno bimbotye ku shushi,nu ku bakulu,kwongwa,kukita binsayi bisogha , ² takutenda bubi na muntu,batakushima nsaki,bashima bi bite,bimbotya ku bantu bansayi. ³ Buno nu beshwe nubo,kalayi twindagha mulenganya,betite matuyi ma kongwa,bashimilagha,balhutwagha na nkasa mbi nu sa bingi,mu kuba na butumbitumbi,nu mu kushima bya bene, bemanwa kwaghibwa,nu kusombana. ⁴ Tondo, ghabinde mponga nu lutundo lya Ghongo monia witu byamoneka ko kweli bantu, ⁵ atonyishe, ta ku kabamba ka mikolo sa bulili sitwakitagha, tondo kuyangana na lukogho lwaghe, kutingila lupatisho lwa kubutwa lingo nu kughalulwa na Muusa Musogha, ⁶ u watusansinde na bwingi kutingila Yesu Kilishitu Monia witu, ⁷ kubuno,kuba basanana kutingila , mpanga saghe nene,tube mu malelamilo, bisamwandu ba kalamo ka milyalya. ⁸ Echo kitondo cheli cha bulili,nu nkushima utende bu byeli,kubuno babo bakatisha mu Ghongo, bimbike mu kukita bisogha. ⁹ Lola cheli kisogha nu chatunganana kweli bantu. Tondo, wituche mu myango sa bughasanga,mu mighani sa bibuti, nsaki, lwayo lwa lembana na mulembe;buno tabyaswagha nu bya tughutughu. ¹⁰ Ndi wakengeshwa litangi nu lya ngendo imbili, indekanuche na ghoso ukulisha malekanuko, ¹¹ Mu kumana buno muntu anga uso, akongobana, nu akita bwaghi,mu kwighaya w'inene. ¹² Ghanakusingile Aletemase ali Tikiko, shwa lubilo unsange ku Nikopolishi, kubuno,ukunashima nitinje bindi bya mpegho. ¹³ Ema kukanila Zena,ngatu sa mulembe,nu Apolo, buno bindaghe kena mu lughendo lwabo. ¹⁴ Bwatunganana bisakwitu nubo bamane kukita bisogha mu kukunsumanya bi bite nabyo nkasa, banasula binda kena. ¹⁵ Babo bansayi beli ghamoyi n'ine bakukasha samba .Wankashagha samba ba bansayi batushima mu lukatisho.Mpanga i'nene sibe ghamoyi na benywe bansayi!