¹ Ee muntu , unaba uwe nayi, uwe ukughaya , ntuna kwilwa lukogho; kubuno mu kughaya bango, nti ukw'ighaya uw'inene. Kubuno ukughaya,ukukita ibyo nuwe. ² Tukumana buno,lughayo lwa Ghongo ku babo bekukita ibyo lwatuka mu bulili. ³ Nu ukulenganya buno ,e muntu,olya ukwaya ba bakukita ibyo nu akubikita,ukabembuka lughayo lwa Ghongo? ⁴ Ali,wabenga butumba bwa busogha bwaghe, nkiki saghe nu kwindisha kwaghe, ntukumana buno busogha bwa Ghongo bwakicha mu kwisungula mutima. ⁵ Tondo, mu bubibu bobe nu bwa mutima wobe utashima kughaluka,w'ikunsumanisha mushibu wa Ghongo busi bwa lusungyo lwa bulili lwaghe. ⁶ u kakulukisha muntu insai kutingila mikolo saghe. ⁷ Kubikila kalamo ka milyalya ku babo ,mu kukita bu sogha,bakulonda lwanso,lukumbu nu kutakukwa; ⁸ tondo konganwa kubibu nu kushibukila babo ,ku mutima wa nsaki,beli baghini ku bulili nu bimila bi tatunganana. ⁹ Munubo nu nsusu ku mutima wa muntu ukukita bubi,Bayuda tanga,nu ku Bagilikii. ¹⁰ Lukumbu,lwanso,nu boolo k'olya ukukita busogha,ku Bayuda tanga nu ku Bagiliki! ¹¹ Kubuno kwa Ghongo, takuli bu ntoghole. ¹² Bansayi bakitagha bwaghi ghete mulembe bakakwa gheteli mulembe, nu bansayi bakitagha bwaghi gheli mulembe bakaghibwa na mulembe. ¹³ Ta babo bekwongwilila mulembe u bisanana mu miso ma Ghongo, tondo ba bakukita byeli mu mulembe,ubakamanwa ba bulili. ¹⁴ Bilongo betite mulembe,ndi bikukita bya byatilwa mu mulembe,beli,mulembe bo binene; ¹⁵ Balosha buno nkashi sa mulembe satilwa mu mitima sabo,nu mulenganya wabo musogha,mu kuteneneka,nu milenganya sabo si kutalikilana ali kwitendela umoyi kungo. ¹⁶ Ubukaloleka ko ,anga musaghu wani musogha, Ghongo akaghaya kutingila Yesu Kilishitu bitondo bya biswa bya bantu. ¹⁷ Uwe ukwimana Muyuda,wikalila mulembe, ukwitatila Ghongo, ¹⁸ Uwe ukumana byashima, ukumana kulekanucha bikayi ,wegheshwa na milembe; ¹⁹ uwe windola buno ukutabanja byuku, chengeshi ku babo beli mu bulimaswa, ²⁰ mweghesha wa baghasanga ,mwegheshi wa bikongolo kubuno wite mu mulembe myanya sa bumanililo nu bulili ; ²¹ Uwe, u kweghesha bango, ntukwiyeghesha w'inene! Uwe ukweghesha bango bimbaghe,nu u kwimba! ²² Uwe ukutenda munteshaghe,nu ukuntensha! Uwe wasomba byeko,nu ukwela byeko! ²³ Uwe w'inkita lukumbu lwa mulembe, wabenga Ghongo mu kubela mulembe! ²⁴ Kubuno ishina lya Ghongo lyeneghwa na benywe mu bilongo anga bwatililwe. ²⁵ Kumonywa ku kusogha, ndi wayanga mulembe ; tondo ta kusogha ndi wata mulembe ²⁶ Ndi utamonywile ayanga byatilwa mu mulembe, kwinda kumonywa kwaghe takukakatwa anga kumwonywa? ²⁷ Utamonywile bulili nu ukukita bya mulembe,nta ka kwaghya uwe wata mulembe,nu ukumana byeli mu mulembe nu kumonya ? ²⁸ Muyuda ta ghoso ukulolwa ko; nu kumonywa ta bwa kumoneka ko ku mubili. ²⁹ Tondo Muyuda ,u ghoso weli we mwa mu mutima ;nu kumwonywa,u bubo bwa mu mutima, mu Muusa nu ta mu mutilo.Kughanula kwa ghoso Muyuda ta kwatuka ku bantu,tondo kwa Ghongo.