Kikando 22
1
Yesu atendagha lingo nabo mu engo mashumo, nu kubabula:
2
Bukota bw'ighulu bwasusana Mwami moi wakitinde musikila waghe kisaghulo k'isonga.
3
.Asingagha bakiti baghe bakengeshe babo bamanwagha ku kisaghulo k'isonga,tondo tabashimagha kushwa.
4
Asingile lingo bango bakiti nu kubabula: Mubule babo bamanilwe: Lola,nayikile indya ;naketule nkambu nu nama sa nona,binsai byeli gho,mushwe ku kisaghulo.
5
Tondo,mu kwinda mpupumwa sa kumanwa,biyendelagha ,umoyi kw'iswa nu ongo kutimbula.
6
nu bango bakatagha bakiti,kubatuka,nu kubita.
7
Mwami ashibukagha: Asingagha basula baghe kushicha abo bitani ,nu kughisha musumba wabo.
8
Agho ik'abula bakiti baghe: Kisaghulo k'isonga cha kuka,tondo bamanwagha tababagha ba bulili.
9
.Mwende lino ku makano,nu mumane bansai bakutinga bashwe ku kisaghulo k'isonga.
10
Abo bakiti bendagha ku nsila,bakulumanyagha bansai ba basangagha,babibu nu basogha,nu numba sa kisaghulo sisalagha .
11
Mwami ingilagha buno alole ku babo bakulya,nu ikalola muntu umoi ntashwalile nshulu sa kisaghulo k'isonga.
12
.Amubulagha : Mwinda wani,buni buwinginde ghano,nu ntwashwalile nshulu sa kisaghulo k'isonga?Ghoso mulume ik' inda bya kutenda.
13
. Agho ,Mwami abulagha bakiti : Mu mukande maghulu nu maboko,nu mumulekele kumbugha mu bulimaswa uko kukab'indilo nu kukala mino.
14
Kubuno kuli bengi bamanilwe tondo bakeke u basombolilwe.
15
.Agho ,bafalisayo bendagha mpindi sa kubansika Yesu mu bitondo byage.
16
Basingagha kweli begheshibwa babo nu bahelode,nu kumubula: Mukota,tukumana buno uli wa bulili,nu ukweghesha bantu nsila sa Kalagha na bulili,ntukukwa muntu boba kubuno ntukughalamila bantu.
17
Tubule lino byatungana ku weli : Kuligha mpalata sa kisamba ali tobo?
18
.Yesu mu kumana bubibu bwabo,abakulagha : Buni bumukuntegha,bengelele ?
19
Mundoshe kakulo kabakuligha nako mpalata. Bamuloshagha lufalanga lumoi.
20
Ik'ababusha: Cha nai kino chaso nu seno mitilo ?
21
Bamwakulagha:Sa kisamba .Agho ik'ababula : Mweleshe Kisamba bya kisamba,nu bya Ghongo kuli Ghongo.
22
Mu kutanga bibongwagha ko,bamushighagha ikiyendela.
23
.Ubo busi,Basadukayo bakutendagha buno bantu tabatuke ku bakuyi,nubo bashwagha kweli Yesu nu kumubusha :
24
Mukota,Musa atendagha buno ,ndi muntu akwa nu ntabuta bana, muto waghe nt 'ingilisha ghoso musumbakashi, nu kubutila isenlenshi bana.
25
Lola, kwitu kwabagha basikila mutubakamo ba munda emoi. Nkulha asongagha ,nu kukwa ; Nu bwindagha bana wampa,ashighilagha muto waghe ghoso mukashi.
26
Bwabagha ubo ku ghoso wa babili nu wabasatu,nu kwikila ku wa mutubakamo .
27
Kumbusa kwabo bansai,musumbakashi akwagha nuwe.
28
Busi bwa kutuka ku bakuyi, ghoso mukashi akaba wa nayi?Kubuno bansai babagha nawe.
29
Yesu abakulagha: Muli mu mabi,tamukumana byatililwe ,ali maghala ma Ghongo.
30
Kubuno busi bwa kutuka kubakuyi,balume tabakasonga bakashi ali bakashi kuba na balume,tondo bakaba anga baghenshi ba Ghongo mw'ighulu.
31
Ku byakutuka ku bakuyi,tamwasomile bya babulagha Ghongo :
32
Nili Ghongo wa Bulaimu,Ghongo wa Isaka nu Ghongo wa Yakobo ? Ghongo ta Ghongo wa bakwile,tondo wa beli gho.
33
Kikembe kinene chabagha kikumwongwilila, cha ghanaghanagha na meghisha ma Yesu.
34
Bafarisayo mu kongwa buno akobya Basadukayo, bakulumanagha,
35
nu umoi kubo,mweghesha munene wa mulembe amubushagha buno amuteghe:
36
Mukota,lukakisho ki u lunene mu mulembe?
37
Yesu amwakulagha :Ukashima
Mukota,Ghongo wobe na mutima wobe unsai, na kalamo kansai,nu na mulenganya wobe unsayi.
38
Ulo u lukakisho lusoki nu lunene.
39
Nu lola lw'imbili lwasusana na lulo : Ukashima muninu anga buwi'shima uw'inene .
40
Kw'eso nkakisho imbili u mwatuka mulembe unsai nu balenganya.
41
Bwabagha Bafalisayo bakulumanile,Yesu ababushagha mukutenda :
42
Kimwaghanisha ku Kilishitu?Eli mwana wa nayi ?Ik'amwakula: Wa Daudi.
43
Nu Yesu ababulagha: Buni Daudi ghisala na Muusa,akumumana Mukota ,gha kutenda:
44
Mukota abulagha Mukota wani ikala kw'indume lyani kwikila busi bunkabika baghini bobe kunsi kwa binantilo byobe.
45
Nu ndi Daudi akumumana Mukota,buni bwanaba lingo mwana waghe?Takuli wamwakulile kitondo.
46
Nu,kutukila ubo busi,takuli waghelekagha lingo kumubusha.