1
Mu kulembekela Yelusalema, nu kwika ku Betefage bwighi na mwinduko wa Miseituni, Yesu asingagha begheshibwa babili,
2
mu kubabula : Mwende ku mwelo weli kubusho bwinu; mwasange mpunda sakandilwe kano nu chana ghamoi na nina; mwabakandulagha,nu kun'ekela bo.
3
Ndi muntu ababusha kitondo,mwa mwakulagha : Mukota ite nkasa nabo.Nu mweso nkungu nti abamekulila bo.
4
. Bibyo,bikagha buno bibelelele byatendwagha na mulenganya :
5
Mwabulagha mukinga wa Siona : Lola Mwami wobe ashwa ku weli, isala bubobelelo abakamile gha ntata na mpunda,mpunda nu chana cha mpunda.
6
Begheshibwa bendagha nu kukita bu bwabulaghwa na Yesu.
7
Bashwagha na mpunda nu chana cha mpunda ,babikagha nshulu sabo ghantata nu kumwikasha kuso.
8
Bantu bengi ba kikembe baansagha nshulu sabo mu nsila,bango bakalagha ntabe sa miti, nu kusibika mu nsila .
9
Babo bendagha kubusho nu kuyanga Yesu bakughile: Hosana kwa Mwana wa Daudi ! Akasanilwe ghoso washwa mw'ishina lya Mukota! Hosana mwa mw' ighulu .
10
Mu kwika mu Yelusalema,musumba unsai mwabagha kabilikito,nu batendagha : Unai whono ?
11
Kikembe chakulagha : U Yesu so mulenganya wa ku Nasaleti,mwa mu Galilaya.
12
.Yesu ingilagha mu numba sa ku kumbamila.Atibitagha bansai babagha bakughusha nu bakughula mu numba sa ku kumbamila;Endulagha mesa ma benganyi nu bishumbi bya baghushi ba bilinga.
13
Nw'ing'ababula : bwatililwe numba sani sikamanwa numba sa masegho. Tondo benywe,mwasighalula mukumba wa bimbi.
14
Byuku nu babensekile bighansa bashighelelagha kweli.Nu abalamyagha.
15
Mwa mukumona bitondo bisogha byakitagha,nu bana bekulekela milenge mwa mu numba sa kukumbamila:Hosana kwa Mwana wa Daudi !Tondo Bisankogha banene nu bansashi bonganilwe.
16
Bamubulagha: Ukongwa,bi bakutenda? Yesu abakulagha: Naki. Tamunusomagha ibyo bitondo: Watukishe lwanso mu kanywa ka bana,nu babo ba kumoma ?
17
Nu mu kubashigha,atukagha mu musumbanu kwenda ku Betania ,u kwayamagha.
18
Munindunindu, mu kukuluka mu musumba ing'ongwa nsala.
19
Mu nsila amonagha ku muti moi ashighelela ku weli,tondo ntasangagha ku kena,bisughu umpanga,nu aubulagha: Kighuma champa kikonamaghe kuwe!Nu agho muti wakamagha.
20
Begheshibwa mu kulola kuubo baghanaghanagha, nu kutenda: Buni bwakama uno muti mu kano kaluma?
21
.Yesu abakulagha: Nababula bulili, ndi munabinde na lukatisho nu ta munisikimile ku byatinga ku uso muti ,tondo munabulile whoso mwinduko :Tomoka agho nw'indekele mu kitatenge,bunabind' obo.
22
. Kinsai kimukasegha kutingila lukatisho nu masegho, mukeleshibwa cho.
23
.Yesu endagha mu numba sa kukumbamila,nu ,mu kweghesha,bisankogha banene nu bakungu ba bantu,bashwagha kumubula: Ku bwangato ki u kuukukita eno myanga,nu nai wakweleshishe bubo bwangato ?
24
Yesu abakulagha: Nu ine nkubabusha lubusha lumoi;nu ndi mwanakula nw'ine nti nababule ku bwangato ki bunkukita eno myanga.
25
.Lupatisho lwa Yoani lwatukilagha kuni ? Ndi lwa kw'ighulu ali lwa bantu?Tondo,bimbushagha gha basambana : Ndi twamwakula buno lwa mw'ighulu,nti abula buno buni bumwindagha ku mukatisha,
26
.Nu ndi twamwakula lwa bantu, twakwa bantu boba ,kubuno bansai bekukata Yoani buno mulenganya.
27
Agho ,bamwakulagha Yesu :Tatukumana. Nu we ing'ababula : ninengo nshababule ku bwangato ki buunkita eso myanga.
28
.Buni bumwalola,mulume umoi abagha na basikila babili ing'a babula wa nkulha : Mwana wani,nda ukite mulimo buno busi mw'iswa lyani lya misabibu .
29
Amwakulagha: Nshikushima.Kumbusa kwagho ,inkulukagha mwa mu mutima ,ing'enda.
30
Inga abula woso ngo ubo nubo.Nu whoso mwana amwakulagha:Nashima e mukota.Nu ntendagha.
31
Nai ku babo babili wakitile bwashimagha ise wabo?Bamwakulagha : Wa nkulha. Nu Yesu ing'ababula bulili bantu ba tughutughu nu baluwawa bakabatangila mu bukota bwa Ghongo .
32
Kubuno Yoani ashwagha ku mweli mu nsila sa sanana,nu tamwamukatishishe,tondo bantu ba tughutughu nu baluwawa,bamukatishishe ; Nu benywe balolagha kwibyo,tamwaghalukile nu kumukatisha.
33
.Mwongwilile ungo mushumo: Kwabagha mulume umoi nene numba,ashikagha misabibu. Atimbyagha mukolo mulw'iswa,nu kutima mushinga wa kukandila mo,ing'obaka kalokesho,nu ashighagha balimi nu kutuka mu kisi .
34
Mu kuba bindi bya buuse byenela,asingagha bakiti baghe kweli balimi ba misabibu kubuno amone mbuto s'iswa lyaghe.
35
Balimi ba misabibu ,bakatagha bakiti,inga bapunda umoi nu kwita ungo nu wa basatu bamusundagha makoi.
36
.Asingagha lingo bango bakiti bengi ku ba basoki; nu balimi ba misabibu babakitilagha ubo nubo.
37
Kumbusa,asingagha ku beli musikila waghe,mukutenda:Bakwe boba musikila wani.
38
Tondo,babo balimi ba musabibu,mu kumona ku musikila waghe, batendagha ghabasambana :Lola nene mwandu,mushwe,tumwite,nu twiyangike mwandu waghe.
39
Nu bamukatagha, bamulekelagha kushinda iswa nu kumwita.
40
Nu agho,Busi buk'ika nen'iswa, buni bwakakita abo balimi ba misabibu ?
41
Bamwakulagha : Akabashililisha abo bantu ba tughutughu,nu kwesanil'iswa ku bango balimi ba misabibu bakamwelesha mbuto mu bindi bya buusi.
42
.Yesu ababulagha : Tamwasomagha Mitilo : Ikoyi lyatebwaghana bobaki,u limashishe numba ? Nu kweli Mukota u kwatukila ibyo ,nu cheli kighanaghana ku miso mitu ?
43
.Uchasula nababula,mukanaghwa bukota bwa Ghongo nu bukeleshebwa kingo kilongo kikamwelesha mbuto .
44
.Olya ukawa kwilyo ikoi akabelekela kulyo,nu olya ukendukilwa nalyo,akaghoghwaghoghwa.
45
Mu kushila kwongwa mamo mashumo maghe , bisankogha banene nu bafalisayo bamanagha buno bo'u bakutekulwa na Yesu.
46
Nu balondagha ku mukata 'tondo bakwagha kikembe boba,kubuno bamukatagha buno eli mulenganya.-