¹ Ku mwaka w'ikumi n'etano wa bwami bwa Tibele,ghabagha Poso Pilato mukulu wa kisi cha Yudea, Helode mwami wa Galilaya, muto waghe Filipo Mwami wa Itule,nu kibe cha Talakonite ,Lusiani mwami wa Abileni, ² nu mu bindi bya Ana nu Kayafa bisankogha bakulu ,kitondo cha Ghongo chamwikinde Yoani,musikila wa Sakalia,mwa mu kalula. ³ Nu endagha mu kisi mu ntungo insai sa Yolodani, kusansa lupatisho lwa kw'isungula mutima,kutucha bwaghi, ⁴ kuyangana na bwatilwe bitondo bya mulenganya Isaya mu kitabo : U ishuki lya olya u kutenda mu kalula, mulongomanye nsila sa Mukota nu mulingimanye matingilo maghe. ⁵ Mpinga insai sisashwe,ntulungu nu minduko sikumbe ; bya ghombile bi lingimane ,nu nsila s'ikitalo si lambye. ⁶ Nu na wite mubili unsai akalola ku lonio lwa Ghongo. ⁷ Abulagha bansai bashwagha ku patishibwa nawe : Bilongo bya malighi ,nai wabakengesha kutina mushibu si kashwa ? ⁸ Muloshe mikolo sa tunganana na kw'insungula mutima,nu ta mwitendye : Twite Bulaimu tata ! Kubuno nkubatendelela, Ghongo anintukisha bana ba Bulaimu mu mano makoi. ⁹ Isagha lyabikwa kalai ku mashina ma miti : muti unsai utakonamya bighuma bisogha ukakalwa nu kulekelwa mu kaya. ¹⁰ Kikembe cha mubushagha mu kutenda: Tu kite buni lino? ¹¹ Abakulagha: Olya wite nshulu imbili abeghanye n'oso utite kena,nu olya wit'indya akite ubo nuwe. ¹² Bantu ba kisungu nubo bashwagha kupatishwa ,nu kumubusha : Mweghesha,twakita buni ? ¹³ Abakulagha : Tamuseghe byaghimba bimwabulilwe. ¹⁴ Basula nubo bamubushagha :Nu beshwe,tukite ki ? Abakulagha : Tamunaghe muntu ali kwimba,nu mubogheleboghele maligho minu. ¹⁵ Anga bwabagha bantu bakulindila nu kwimbusha buno ndi Yoani nteli Ki lishitu, ¹⁶ abulagha bansai : Ine nkubapatisha mu masi, tondo ashwa wanghimba bwangato,nu nshinakosha ku kandula mishighi sa bilato byaghe.We,ukabapatisha mu Muusa Musogha nu mu kaya. ¹⁷ Ite lweli mu kuboko kwaghe ,akakukula mulungu waghe ,nu akakunsumanya ngano mu kigholo chaghe, tondo akaghisha mpapa mu kaya kataka shima. ¹⁸ Ububo Yoani asambalinde bantu musaghu musogha, mu kwaana mango matenda mengi ma meghisha. ¹⁹ Tondo Helode wa Bwami,asungulwagha na Yoani kubushi bwa Helodia mukashi wa muto waghe ,nu ku bitondo binsai bibi bya kitagha, ²⁰ atalikinde kwibyo bingo bya kukanda Yoani mu kahombo. ²¹ Gha bapatishwagha bantu bansai,Yesu nuwe ik'a patishibwa ; Nu ghabinde akusegha,ighulu liy'ighukagha , ²² Nu Muusa Musogha wamukumbilagha wasusa kilinga.Nu ishuki l'ighulu lyongwibwagha ko na bino bitondo: Uwe u Mwana wani unashima ; muwe u munabika lutundo lwani lunsai. ²³ Ghabinde Yesu akucha anga myaka makumi masatu alingililagha mulimo waghe ,mu kumanililwa buno mwana wa Yosefu,mwana wa Heli, ²⁴ mwana wa Matati, mwana wa Lawi, mwana wa Meleki,mwana wa Yanali,wa Yosefu, ²⁵ mwana wa Matatia,mwana wa Amoshi,mwana wa Nahumu,mwana wa Eshili,mwana wa Nagali, ²⁶ mwana wa Mati,mwana wa Matatia,mwana wa Shimeyi,mwana wa Yosefu,mwana wa Yoda, ²⁷ mwana wa Yoanana,mwana wa Lesha,mwana wa Shelubabeli,mwana wa Shalatieli,mwana wa Neli, ²⁸ mwana wa Meleki,mwana wa Adi,mwana wa Koshamu,mwana wa Elimadamu,mwana wa Eli, ²⁹ mwana wa Yoshe,mwana wa Elieseli,mwana wa Yolimu,mwana wa Matata,mwana wa Lawi. ³⁰ mwana wa Simeoni ,mwana wa Yuda,mwana wa Yosefu,mwana wa Yonanu,Mwana wa Eliyakimu, ³¹ mwana wa Meleya,mwana wa Menana,mwana wa Matata,mwana wa Natani,mwana wa Daudi, ³² mwana wa Yese,mwana wa Obedi,mwana wa Boashi,mwana wa Salomoni,mwana wa Nasoni, ³³ mwana wa Aminadabu,mwana wa Adimuno,mwana wa Ami,mwana wa Eshiloni,mwana wa Faleshi, mwana wa Yuda, ³⁴ mwana wa Yakobo, mwana wa Isaka, mwana wa Bulaimu, mwana wa Tela, mwana wa Naholi, ³⁵ mwana wa Shelugu, mwana wa Leu, mwana wa Falegi, mwana wa Ebeli, mwana wa Sala, ³⁶ mwana wa Kainamu, mwana wa Alufakasadi, mwana wa Semu, mwana wa Noa, mwana wa Lameki, ³⁷ mwana wa Metusela, mwana wa Enoke, mwana wa Yaledi, mwana wa Mahalele, mwana wa Kainana, ³⁸ mwana wa Enoshe, mwana wa Seti, mwana wa Adamu, mwana wa Ghongo.