¹ .Mwikale mu lutundo lwa mubuto. ² .Mwebelelaghe kusekela bagheni;kubuno mu kukita ubo,bamoi basekelagha baghenshi nu tabekumana. ³ .Mukengele babo bakandwa, anga nu benywe mweli bakandwa;Babo bakunuba ,anga nu benywe mwite mu mubili umoyi nabo. ⁴ Isonga lyanswe na bansayi,nu mughu wa basonganile ubaghe na minkoshi,kubuno Ghongo akaghya balimbya nu batensha . ⁵ .Tamwelame bikulo;mubogheleboghele bimwite;kubuno Kalagha w'inene atendile:Nshikakushighilila,nu nshi kitucha kuwe. ⁶ Nti ghamoyi na malemalilo mabibu u mutunakosha kutenda:Mukota u kunkasha mu binsai ,nshikakwa kintu boba,ki kinankita muntu ? ⁷ Mukengele babo babasambalilagha kitindo cha Ghongo,mwa ghenshagha busogha bindi byabo bishinda,nu muyangilile lukatisho lwabo. ⁸ Yesu Kilishitu eli bwe nweli anga mwa mwigholo,anga buno busi nu bindi binsayi. ⁹ .Mubulutwaghe na meghisha mango nu ma kutuka kungo;kubuno bwaswagha mutima ukokomeshe kutingila na mpanga inene,ta kutingila malya matakukita kena ku babo belama mo. ¹⁰ Twite kasasa kamoyi nu babo bekukitila mulimo mu hema,tabanakosha kulila gho. ¹¹ Mikilha sa nama sikwekwa na Sankogha munene mu kishiki cha sanana kubushi bwa bwaghi,eso nama sikwendagha kughishibwa bulayi na mwelo. ¹² Uchasula Yesu Kilishitu nuwe buno asananye bantu kutingila mikilha saghe,akwilagha bulayi na mwelo. ¹³ Tukukuke twende kweli,ku shinda mwelo,mu kweka nsoni saghe. ¹⁴ .Kubuno tatwite lingo ghano ghansi mwelo musogha nu munene,tondo tukulindila u kashwa. ¹⁵ Kutingila we,tutule Ghongo bindi binsayi bisansa bya kumutata,u kutenda buno bitondo bikutuka mu kanywa kitu nu bikughanula ishina lyaghe. ¹⁶ Nu tamwebelelaghe bili bisogha nu bya kwesana,buno bisansa anga ibyo u bikuboghelaboghela Ghongo. ¹⁷ Mwongwililagha busogha beghisha binu nu kwimbotya kubo,kubuno milenganya sabo sili ku mitima sinu anga ba bakabushibwa kwiso;bube ubo, buno bakite ubo na mboghombogho ta mu kulila,nu tabunabakitila kena. ¹⁸ .Mutuseghele;kubuno tukumana buno twite mulenganya musogha,mu bintu binsayi tube na myanya nsogha. ¹⁹ .Nti mu lukakisho u munababula ubo ,nimane kushwa lubilo ku mweli. ²⁰ .Nu Ghongo wa boolo,watuchagha Mungele munene ku bakuyi,kutingila mikilha sa lununsano lwaghe lwa milyalya,Mukota witu Yesu, ²¹ abeleshe maghala ma kukita mulimo washima,nu akite munda ninu byashima,kutingila Yesu Kilishitu,kwaghe kube lukumbu kinko nu nkiko!Amena! ²² .Nabasegha e bisakwitu,mukatilile mano mano,buno nshabatilinde bingi. ²³ Mumane buno mwisakwitu Timote akandulilwe,ndi ashwa ighilighili ku neli,nashwe ghamoyi nawe ku mweli. ²⁴ .Mwankashishagha samba beghisha binu bansayi nu basanana bansayi.Babo ba ku Italia babakasha samba. ²⁵ Nu mpang'inene sibe ghamoyi na benywe bansayi!Amina!