¹ Gha shilagha kutenda kalai, ngendo ningi nu mu myanga ningi na batata , kutingila balenganya, ² Ghongo, mu bino bindi bishinda, atendile na beshwe kutingila Mwana waghe, wabikile nene mwandula wa binsai,nu kutingila we , abumbagha kisi, ³ nu we mu kuba chengeshi cha lukumbu lwaghe,nu kamanililo kaghe,nu mu kukatilila binsai kutingila kitondo kite bwangato,atukishe bwaghi ,nu kw'ikala kw'indume kwa Mwami munene mu bishiki b'ighulu, ⁴ waghimba baghenshi eleshibwe ishina lisogha kubatinga. ⁵ Buno nai ku baghenshi wabulilwe na Ghongo :Uwe mwana wani, nakubuta lelo? Nu lingo nkaba So nuwe ukaba mwana wani? ⁶ Nu mu kubika lingo mu kisi nkulha saghe,atendagha: Baghenshi bansayi ba Ghongo bamukumbamile! ⁷ Nu lingo,atenda ku mighenshi : Ghoso ukughalula ba baghenshi baghe lumpumpu, nu bakiti baghe lwembe lwa kaya . ⁸ Tondo abula Mwana :Kishumbi chobe cha bukota,e Ghongo cheli cha milyalya; mushumbo wobe wa bukota weli mushumbo wa bulili; ⁹ washimagha bulili nu wasombile bwaghi; uchasula ,e Ghongo, Ghongo wobe akubongishe mwambo wa mboghombogho kughimba baninu. ¹⁰ Nu lingo: Uwe, Mukota,mu ndingililo wabumbagha kisi,nw'ighulu nulo byeli mukolo wa maboko mobe; ¹¹ Bikatinga, tondo uwe weli gho; bikakungugha binsai anga nshulu, ¹² U'kabighonda anga kankaba nu bikaghaluka; tondo uwe, uli bu weli, nu myaka sobe tasikashila. ¹³ Nu nayi ku baghenshi wabulilwe: Ikala mu kw'indume lyani, kwikila gha nkakita baghini bobe babe kinantilo chobe? ¹⁴ Abo bansayi ta myusa sa kukolela Ghongo milimo, basingwagha buno bakite mulimo wa Ghono kubushi bwa babo bemana kweleshibwa lonio.