¹ Ghatingagha myaka ikumi n'enayi nabakamagha lingo ku Yelusalema ghamoi na Balanaba nu nendagha na Tito nuwe ; nu nendagha ko mu kushila kuloleshwa. ² Nu nabaloshagha musaghu musogha u nkweghesha munkatighi na ba bilongo, nauloshagha tanga ku babo bimalila bakatisha,kubuno inashwa kukutilwa tughu. ³ Tondo Tito wabagha nine nu abagha mu Yunani, nu ntakakishwagha kw'imonya. ⁴ Nu kubo,nti kuyangana na bisakwitu babi,uchasulagha ,babo biingishagha ku beshwe na menge, buno batitike kushighililwa kutwite mu Yesu Kilishitu,ghamoyi na mulenganya wa kutubika mu bukobe. ⁵ Tatwishighilinde nu kwimila nkakisho sabo,kubushi bwa bulili bwa musaghu musogha bukokomeshe ku mweli. ⁶ Babo bimalila bango bakatisha,anga bu babagha kalayi, ubo tabyambulagha kena : Ghongo ntakunana muntu,_babo bimalila bango bakatisha,tabankakishishe ku kena . ⁷ Bungobungo,mu kulola buno musaghu musogha neleshibwagha gho anga aPetelo ku bamonywilwe, ⁸ kubuno olya wakitile Petelo abe ntumwa sa bamonyishibwe u wambikagha nu ine nibe ntumwa sa batakatisha,_ ⁹ nu mukumana mpang'inene sineleshibwagha,Yakobo , Kefa nu Yoani,u bakughanswa buno maango,bankashagha ine nu Balanaba, kuboko kwa bumoyi , buno beshwe twende kweli batekatisha nubo kweli kubamonyilwe. ¹⁰ .Batukakishagha tughu tukengele bakene, u bunabagha nkukita . ¹¹ Tondo ghabinde Kefa enda ku Antiokia,ta tongwanagha nawe,buno emanagha kukalaghulwa. ¹² Bulili,ghabagha bantu basingwagha na Yakobo tabika, endagha alya ghamoyi na bakatisha ba bingo bilongo; nu mu kwika kwa bamonyilwe ,ongolokagha nu kwintunda,mu kubakwa boba . ¹³ Ghamoyi nawe bango ba Yuda baghalukagha, kubuno Balanaba alutwagha mu myanga sabo mbi. ¹⁴ Mukulola buno tabakutabanga kuyangana na bulili bwa musaghu musogha,na bulagha Kefa,mu miso ma bansayi:Ndi uwe weli muyuda,wise wakita anga batekatisha nu tanga anga baYuda,ki chasula wakakisha batekatisha babe anga baYuda? ¹⁵ Beshwe tweli ba Yuda ba bulili, nu ta bakiti ba bwaghi mu nkatighi na bate katisha. ¹⁶ Tondo,mukamana buno ta kutingila mikolo sa mulembe u chasula muntu asanana, tondo kutingila lukatisho mu Yesu Kilishitu,nu beshwe twakatishishe mu Yesu Kilishitu, kubuno tusanane kutingila lukatisho mu Yesu Kilishitu nu ta kutingila mikolo sa mulembe, kubuno takweli mubili ukasanana kutingila mikolo sa mulembe. ¹⁷ Tondo mukulonda tusanane kutingila Yesu Kilishitu, ndi beshwe nubo twasangwagha bakiti ba bwaghi,Kilishitu anabinde mukiti wa bwaghi?Nu kilo! ¹⁸ Ndi nobaka lingo binasambulagha, nti ninkita mwaghi in'inene, ¹⁹ buno mu kutingila mulembe amunakwile mu mulembe, buno nibe na kalamo mu Ghongo. ²¹ Nshikuta mpang' inene sa Ghongo; kuno ndi bulili bukweleshibwa kutingila mulembe, kashi Kilishitu akwilinde tughu.