¹ Polo ntumwa,ta kutingila bantu,ali kutingila muntu,tondo kutingila Yesu Kilishitu, nu Ghongo Tata wamutuchagha ku bakuyi, ² nu bisakwitu bansayi beli ghamoi n'ine, kuli Tunisa twa ku Galatia; ³ mweleshibwe mpang'inene nu boolo na Kalagha Tata nu Mukota witu Yesu Kilishitu, ⁴ wiyesanagha w'inene ku bwaghi bwitu,buno atutuche mu nkiko kino kibi kuyangana na bwa shima Ghongo nu Tata witu, ⁵ kwaghe kube lukumbu nkiko nu nkiko!Amina! . ⁶ Naghanaghana buno mwashigha ghoso wabamanagha kutingila mpang' inene sa Kilishitu, nu kuyanga ungo musaghu musogha. ⁷ Ta buno kuli ungo musaghu musogha, tondo kuli bantu ba kubakongobanya nu bakulonda kughalula musaghu musogha wa Kilishitu. ⁸ Tondo ,ndi beshwe , ndi mughenshi wa kw'ighulu ndi asambala ungo musaghu musogha kutinga ghoso utwabegheshagha, akulingwe! ⁹ Twabutendagha nu lingo na bikuluka mo mweno nkungu,: ndi umoyi abasansila ungo musaghu musogha kutinga whoso umwongwagha ko , akulingwe ! ¹⁰ Nu lelo,nkushima nitatwe na bantu ali na Ghongo ?Nkulonda niboghyeboghye bantu ? Ndi naboghyaboghya lingo bantu, shinaba mukiti wa Kilishitu. ⁵ Ku beshwe ,mu lukatisho umutukulindila,kutingila Muusa malelamilo ma bulili. ⁶ Kubuno,mu Yesu Kilishitu,nu kumonywa ali kutamonya takwite champa,tondo lukatisho lukukita nkashi kutingila lutundo. ⁷ Mwendagha lubilo busogha; nayi u wabimashagha buno abananye kwimila bulili? ⁸ Uso mulenganya tawatuka ku ghoso ukubamana. ¹³ Mwamanagha ,myanya sinabagha naso kalai munkatighi na Bayuda,bunanubyagha nu kushililisha Kanisa ka Ghongo, ¹⁴ Buni bunabagha mupuka munene ku Bayuda, kutinga bengi ba lughiso lwani nu ba kilongo chani, nu bu nabagha na mpumb'inene mu ntungo sa batata. ¹⁵ Tondo ,gha shimagha ghoso wansombolagha nu kunimana kutingila mpanga saghe inene nu nshibutwa, ¹⁶ mwine mwana waghe amanwe,buno ni musambale kweli bilongo, nshabushishe bantu, ¹⁷ Nu nshabakamile lingo ku Yelusalema ku babo ntumwa sa lingagha,tondo nendagha ku Alabia.Kushila agho nakulukagha lingo ku Damasiki. ¹⁸ Ku myaka isatu, nabakamagha ku Yelusalema kwenda kulolana ko na Kefa, nu nikalagha kwaghe bindi ikumi na bitano . ¹⁹ Tondo nshamonagha kw'engo ntumwa ndi ta Yakobo mwisakwabo na Mukota. ²⁰ Kwibyo binabatilila, lola ,mu miso ma Ghongo nsikweka bwisa. ²¹ Nendagha mu myelo sa bwashwashwa Sulia nu Kilikia. ²² Nu nshamanililwagha na Tunisa twa ku Yudea tweli mu Kilishitu; ²³ Bongwagha tughu bukutendwa: Ulya watunubyagha kalayi lelo akusansa lukatisho lwalondagha kushililisha. ²⁴ Nu kw'oso musaghu baghanulagha Ghongo .