¹ Polo,nu Si la nu Timote,kweli Kanisa ka Bisa tesalonika,keli mu Ghongo Tata witu nu mu Mukota Yesu Kilishitu; ² Mweleshibwe mpang'inene nu boolo bikutuka kwa Ghongo Tata witu nu kweli Mukota Yesu Kilishitu ! ³ Bisakwitu,twemana kukasanila Ghongo kubushi bwinu,anga bweli busogha,kubuno lukatisho lwinu lukukita bingi bya koma,nu lutundo lwinu ku bango lweli lwingi. ⁴ Nu tukwitatila benywe mu Tunisa twa Ghongo,kubushi bwa kukokomesha nu bwa lukatisho lwinu mu nkatighi na minubo nu nsusu si mwimila. ⁵ Eso seli nsila sa kulosha kwaghibwa na Ghongo ,buno mughanswe ba bulili mu bukota bwa Ghongo uchasula mwanuba. ⁶ Kubuno bwatunganana kwa Ghongo akulukishe mabi kubabo bekubayungya, ⁷ Nu kubelesha benywe bakuyungwa,komulwa ghamoi na beshwe ,gha kabasila Mukota Yesu mw'ighulu ghamoi na Baghenshi bwangato bwaghe, ⁸ mu lwembe lwa kaya,buno anubye batakumana Ghongo nu babo batakwimila musaghu musogha wa Mukota Yesu . ⁹ Bakaghebwa kwaghibwa kwa kushimila kwa milyalya,kulai na gheli ntende sa Mukota nu sa lukumbu lwa maghala maghe, ¹⁰ ghakashwa busi bubo bwa kakaswa lukumbu na bisanana baghe nu kutatwa na bamukatishishe,kubushi bitwabaghanilagha,mwabikatishishe. ¹¹ Uchasula nu beshwe tukubaseghela bindi binsai ,kubuno Ghongo witu abakate ba bulili bumwamanaghwa,nu kutingila maghala maghe ,milenganya saghe insai sa bwashima si belelele,nu mukolo wa lukatisho lwinu, ¹² kubuno ishina lya Mukota witu Yesu litatwe ku mweli,nu benywe mu we,kutingila mpanga'inene sa Ghongo witu nu sa Mukota witu Yesu Kilishitu.