¹ Simoni Petelo, mukiti nu ntumwa sa Yesu Kilishitu,ku babo basanginde na beshwe lukatisho lunene,kutingila bulili bwa Ghongo witu,nu Monia Yesu Kilishitu; ² mpanga inene nu boolo bibe kwinu bingi kutingila mulenganya wa Ghongo nu wa Yesu Mukota witu! ³ Anga bu tweleshibwe na bwangato bwaghe,binsayi bya kalamo nu bya busanana,kutingila mulenganya wa ghoso watumanagha kutingila lukumbu lwaghe nu kutingila bwa bweli, ⁴ u byatulosha busogha ku byaghe malaghi masogha mengi nu makeke ; kubuno kutingila mo ,musangile nawe bwa bweli,mu kutina nkasa sa mabi meli mu kisi, ⁵ Uchasula nubo,mukite bunsayi mu kuswanya lukatisho na bwa bweli,na bwa bweli ,ghamoyi na kumana , ⁶ kumana ghamoyi na bya lingimana,byalingimana ghamoyi na bya kulindila bubibu,kulindila bubibu ghamoyi na bya sanana, ⁷ bya sanana ghamoyi na lutundo lwa mubuto ,lutundo lwa mubuto ghamoyi na kushima bango, ⁸ Ndi ibyo u bitondo byeli mu benywe nu, byeli bingi, tabikabashigha tughutughu ali baghumba mu mulenganya wa Mukota witu Yesu Kilishitu. ⁹ Tondo olya utite bino bitondo nti eli kiku, ntekulola bulayi, nu ntakukengela buno bwaghi bwaghe bwa kalayi bwengishibwe. ¹⁰ Uchasula, bisa kwitu,mukite mulimo umwamanindwe nu kusombolwa;buno, mu kukita ubo, tamukakitala. ¹¹ Ububo, bulili ,mukeleshibwa kwingila mu bukota bwa milyalya bwa Mukota witu nu Monya witu Yesu Kilishitu. ¹² Lola,uchasula nkubakengesha busogha ibyo bitondo, kilo munaba mu kubimana nu mwimikwe mu bulili bweli gho. ¹³ Nu nalola anga niche na mulimo gha kuba ni cheli na mubili,ku batalimula mu kubakengesha; ¹⁴ Kubuno nkumana buno nkaushigha bwana tughutughu,u bwandoshishe Mukota witu Yesu Kilishitu. ¹⁵ Tondo nkakita bunsayi buno mu kwenda kwani,mukengele ibyo bitondo . ¹⁶ Bulili,ta mukuyangana na ngano sa tughutughu u mu twabaloshishe bwangato bwa kushwa kwa Mukota witu Yesu Kilishitu, tondo anga mu kulola bukota bwaghe na miso mitu. ¹⁷ Kubuno, eleshibwe na Ghongo Tata,gho ngwile ishuki lyatuka kweli Ghongo nene lukumbu likumubula:Ghono u Mwana wani u nashima,muwe u munabika lutundo lwani lunsayi . ¹⁸ Nu tongwile ilyo ishuki lyatuka kw'ighulu gha twabagha ghamoyi nawe ghantata gha mwindiko wa sanana. ¹⁹ Nu twakatilila busogha icho kitondo cha bulenganya ki mwakita busogha ku teghelesha,anga tala sikubanga mu bulimaswa,kwikila ubo busi buche nu kambalumbalu ka nindunindu kasane mu mitima sinu; ²⁰ mukumana tanga bwenye binene taku kitondo cha bulenganya kinatulwa na bwa bwashima muntu, ²¹ kubuno ta kutingila bwashima muntu ubwatendilwe kitondo cha bulenganya,tondo nti kutingila Muusa Musogha u mwatendile bantu ku bibyo byeli bya Ghongo.