¹ Kashi mushighe mabhi mansayi,kwengelela, bukalange bunsayi, kushima bya bene nu kutenda bubi, ² mube na nkasa sa mabele masogha m'ighulu anga bana bato,kubuno kutingila mo,mukule mu lonio, ³ ndi mwasondile ku busogha bwa Mukota. ⁸ Mube benge,muyamaghe.Mughini winu Kahinga,akutotela anga mbunga si kwama,sikulonda olya walye. ⁹ Mulwane nawe ghamoyi na lukatisho lunene,mu kumana buno eso minubo u sikutinga mo bisakwinu mu kisi. ⁶ Kubuno,Kitondo cha Ghongo chatenda buno:Lola,nabika kuko ku Siyona ikoyi lya kukokomesha numba,lya sombolilwe,lw'imbeyi linene;nu olya walikatisha ntakakwa nsoni. ⁷ Lwanso luli kashi kwinu benywe, mwakatishishe.Tondo ,ku batakatisha,ikoyi lyatebwagha na bobaki u ikoyi linene lya kukokomesha,nu ikoyi likutelela,nu lughangala lwa kukitasha; ⁸ bakitala kulyo mu kwinda kukatisha mu kitondo,ubo u babikindwe. ⁹ Benywe ,ku bungo, mweli kibuti cha sombolilwe,basankogha ,kilongo cha bulili,bantu bakatilwe na Ghongo,kubuno musambale bwikala ghoso wabatuchagha mu bulimaswa nu kubingisha mu chengeshi chaghe kinene , ¹⁰ benywe ba tabagha bantu kalayi,nu lelo mwise bantu ba Ghongo,benywe beteleshibwagha lukogho,nu lelo mweleshibwa lukogho. ¹¹ Nshimwa sani,nkubana anga bagheni nu batingitingi mu kisi ,mwinanie na nkasa sa mubili sikulwana na mutima . ¹² Mube na myanya nsogha mu nkatighi na batekatisha,kubuno,agho gha bakubashingila bitondo anga mweli bakiti ba mabi,balola bisogha bimukukita,nu batate Ghongo,busi bwakindosha ku beli. ¹³ Ku bushi bwa Mukota,mwimbotye ku mukulu unsayi wimikwa mu bantu, kunaba kweli Mwami anga Mukota, ¹⁴ ku naba kweli Bakulu ba Misumba anga babasingilwe nawe,buno banubye ba bakukita bwaghi nu balingike bantu basogha. ¹⁵ Kubuno nti kushima kwa Ghongo,u mubakukobya bantu binda milenganya nu baghasanga, ¹⁶ mu kushighililwa , nu ta kushighililwa kughaluke nshulu sa kubukila mabi,tondo kukita anga bakiti ba Kalagha. ¹⁷ Mwanse bantu bansayi;mushime bisakwitu;mukwe Kalagha boba;mwanse mwami. ¹⁸ Bakiti,mwibotye na boba bunsayi kweli bakota binu,ta ku beli basogha umpanga ali batakutenda bingi,tondo nu ku babo bite myanya mbi. ¹⁹ Kubuno sili mpanga inene kwimila mbabasho mu kulemba mulenganya wa Ghongo,gha kuba mukunuba mu biteli bya bulili. ²⁰ Bulili,lukumbu lunene ki kwimila kukitilwa bubi nu wakitile mabi ?Tondo,ndi mwimila kunuba mu kukita busogha,sili mpanga inene mu miso ma Ghongo . ²¹ Nti ku bibyo u bimwamanindwe,kubuno Kilishitu nuwe abanubilagha,ku balosha nsila,kubuno mu nante mu binantilo byaghe, ²² We,utakitagha bwaghi,nu mu kanywa kaghe tamwatukile kitondo kibi; ²³ we,watukwagha,nu ntakuluchagha bituko,kupundwa nu ntakuluchagha bipundo,tondo imbikile ku ghoso u ku gaghya busogha; ²⁴ we,wekile winene bwaghi bwitu mu mubili waghe ku muti,buno bu twakwagha mu bwaghi,tube ba bulili; we, kutingila bipundo byaghe ,mwalamile. ²⁵ Kubuno mwabagha anga mbuli si kutingatinga.Tondo lelo mwakulukila mungele nu mulangi wa mitima sinu.