¹ Olya wakatisha buno Yesu u Kilishitu, abutilwe na Ghongo,nu olya washima ghoso wamubutagha,ashima ghoso wabutilwe nawe. ² Tukumana buno twashima bana ba Ghongo;ghakuba twashima Ghongo,nu tukukita nkakisho saghe. ³ Kubuno lutundo lwa Ghongo lwengana na kukita nkakisho saghe.Nu nkakisho saghe nta mbibu, ⁴ kubuno kinsai chabutilwe na Ghongo kikukinda kisi; nu kusingana kukukinda kisi ,u lukatisho lwitu. ⁵ U nai ghoso wakindile kisi,ndi ta ghoso wakatisha buno Yesu eli Mwana wa Ghongo? ⁶ U ghoso Yesu -Kilishitu ,u washwile ghamoyi na masi nu mikilha;ta ghamoyi na masi mo minene,tondo ghamoyi na masi nu ghamoyi na mikilha; u nu Muusa ukuteneneka,kubuno Muusa weli bulili. ⁷ Kubuno kweli basatu bakuteneneka: ⁸ Muusa,masi nu mikilha,nu basatu bimilana. ⁹ Ndi twasekela buteneneki bwa bantu,buteneneki bwa Ghongo bu bunene;kubuno buteneneki bwa Ghongo bweli bubo bwatenenekelagha Mwana waghe. ¹⁰ Olya wakatisha mwana wa Ghongo ite buteteneki mu w'inene;olya utakatisha Ghongo ,nti amughalula mweki wa bwisa,kubuno,ntakatisha buteneneki bwa Ghongo bwakitilagha Mwana waghe. ¹¹ Nu lola buno buteneneki , Ghongo atweleshishe kalamo ka milyalya,nu kako kalamo keli munda na Mwana waghe. ¹² Olya wite Mwana u wite kalamo, olya utite Mwana wa Ghongo ntite kalamo. ¹³ Nabatilinde bino bitondo ,buno mumane buno mwite kalamo ka milyalya benywe bakatisha ishina lya Mwana wa Ghongo. ¹⁴ Twite malelamilo mabibu kweli,ndi tunasegha kikayi kuyangana na bwashima,akutongwa . ¹⁵ Nu ndi tukumana buno akutwongwa,kikayi kitunamusegha,tukumana buno nti tweleshibwa cho. ¹⁶ Ndi muntu umoyi alola mwisakwabo akita bwaghi butanamwicha ku lukwo,aseghe,nu Ghongo akalamya ghoso mwisakwabo,akakelesha babo bakukita bwaghi butanicha ku lukwo. Kweli bwaghi bunicha ku lukwo;ta ku bubo bwaghi u bunababula museghele. ¹⁷ Bubi bunsayi bweli bwaghi,nu bwaghi bweli anga ubo tabunicha ku lukwo. ¹⁸ Tukumana buno olya wabutilwe na Ghongo ntanakita bwaghi;tondo olya wabutilwe na Ghongo akwikunga w'inene,nu musumbu ntakwitubya kuwe. ¹⁹ Tukumana buno tweli ba Ghongo,nu kisi kinsai kikalilwa na musumbu. ²⁰ Tukumana lingo buno Mwana wa Ghongo ashwile,nu atweleshishe mulenganya buno tumane ghoso Wabulili;nu tweli mu Wabulili,kutingila Mwana waghe Yesu- Kilishitu. ²¹ U ghoso Ghongo wa bulili nu kalamo ka milyalya.Bana bato,mwindange na kwela basumbu.