¹ Benywe bana bato bani,nabatilila bino bitondo,buno mukitaghe bwaghi lingo.Nu ndi umoi akita bwaghi,twite ntendi kweli Tata, Yesu Kilishitu wa bulili. ² Eli w'inene kinsasa cha bwaghi bwitu,ta bwitu beshwe binene tondo nu babo ba kisi kinsayi. ³ Ndi twikatilisha ku nkakisho saghe,mubo nti twamana buno twamumanile . ⁴ Olya watenda :Namumanile nu nte kukukita nkakisho saghe,nti mweki wa bwisa,nu bulili ta bweli mu we. ⁵ Tondo,walanga kitondo chaghe,lutundo lwa Ghngo luli bulili munda nawe;nu agho,twamana buno tuli munda nawe. ⁶ Olya watenda buno ikala nawe,emana kutabanga anga bwatabangagha . ⁷ Nshimwa sani,ta lukakisho lungo u lunabatilila,tondo lukakisho lulo lwindisha lu mwabagha nalo mu ndingililo;lukakisho lwa.kalai ,u kitondo kimwongwagha ko. ⁸ Naki,lweli lukakisho lungolungo u lunabatilila,lweli bulili kwaghe nu kwinu, kubuno bulimaswa bukutina gha kuba chengeshi chasana. ⁹ Olya watenda buno eli mu chengeshi, nu asomba mwisakwabo ,nti icheli mu bulimaswa. ¹⁰ Olya washima mwisakwabo eli mu chengeshi,nu takweli kinamukitasha . ¹¹ Tondo,olya wasomba mwisakwabo eli mu bulimaswa, akutabanga mu bulimaswa,nu ntakumana kwa kwenda ,kubuno ashibwa miso na bulimaswa . ¹² Nabatilila , bana bato ,kubuno bwaghi bwinu bwashighililwa kubushi bw'ishina lyaghe. ¹³ Na batilila ,batata,kubuno mwamanile ghoso weli kulingila ndingililo.Nabatilila ,basikila, kubuno mwakindile mwenge.Nabatilinde bana bato,kubuno mwamanile Tata. ¹⁴ Nabatilinde batata,kubuno mwamanagha whoso weli kulingila ndingililo.Nabatilinde, basikila, kubuno mwite maghala,nu kitondo cha Ghongo cheli munda ninu,nu mwakindile mwenge. ¹⁵ Mushimaghe kisi,ali bitondo bya kisi .Ndi muntu ashima kisi lutundo lwa Tata talweli munda nawe; ¹⁶ kubuno kinsai cheli mu kisi,nkasa sa mubili,nkasa sa miso,nu bulumelume bwa kalamo ,ta bikutuka kweli Tata,tondo mu kisi. ¹⁷ Nu kisi kikutinga na nkasa saghe nuso;tondo olya wakita byashima Ghongo,ikala milyalya. ¹⁸ Bana bato ,u nkungu nshinda seno,anga bu mwongwagha buno mughini wa Kilishitu ashwa,lelo kwise baghini ba Kilishitu bengi;agho u gha twamana buno u nkungu nshinda seno. ¹⁹ Batukile munkatighi na beshwe ,tondo tababagha ba kwitu ;buno ndi banabinde ba kwitu,banikalile ghamoyi na beshwe,tondo ubo bwabinde buno buloleke ko buno bansai tabeli ba kwitu. ²⁰ Benywe,mwabongishwe mwambo n'oso wa sanana,nu mwite mulenganya benywe bansai. ²¹ Nabatilinde,ta buno tamumanaghe bulili,tondo mukubumana,nu,kubuno mu bulili tamukutuka bwisa. ²² Nayi mweki wa bwisa,ndi ta whoso wanana Yesu buno nteli Kilishitu?Ghoso u mughini wa Kilishitu,ukunana Tata nu Mwana. ²³ Olya wanana Mwana ntite nu Ise;Olya w'itabila Mwana,ite nu Ise. ²⁴ Bi mwongwagha ko mu ndingililo bikale munda na benywe.Nu ndi bimwongwagha ko mu ndingililo byeli munda na benywe,mukikala nu benywe munda na Mwana nu munda n'Ise. ²⁵ Nu indaghi lya tweleshagha u kalamo ka milyalya. ²⁶ Na batilinde ibyo bitondo kubushi bwa babo kubashimisha. ²⁷ Ku benywe mwambo u mwabongishibwagha nawe weli munda na benywe,nu tamwite nkasa buno ;tondo anga bubo mwambo waghe ukubeghesha bitondo binsayi,nu weli wa bulili nu ta wa bwisa,mwikale nawe kuyangana na meghesha mabeleshagha. ²⁸ Nu lelo, bana bato, mwikale munda nawe,kubuno, gha kika,tulelamile bulili,nu mu kumoneka kwaghe, tukaghe nsoni ali kwiala bulayi nawe. ²⁹ Ndi mukumana bweli wa sanana,mwamanilila buno olya wakita bulili nti abutilwe nawe.