¹ Cha chabagha mwindingililo,u kitwongwagha ko,kitwamonagha ko na miso mitu,ukitwaghenshagha nu uchakatwagha ko na maboko mitu,u kitondo cha kalamo, ² kubuno kalamo kamonekile ko,nu twakalolile ko,nu tukukateneneka,nu tukubasambalila kalamo ka milyalya, kabagha kweli Tata,nu kalimbulilwe ku tweli, ³ katwalolagha ko nu kwongwa, twabasambalila ko, nu benywe,kubuno,nu benywe mukomye na beshwe.Tondo,mukomyo weli ghamoyi na Tata nu ghamoyi na mwana waghe Yesu Kilishitu. ⁴ Nu twatila ibyo bitondo,buno mboghombogho situ sibe sa bulili. ⁵ Musaghu watusambalilagha nu ukutukubasambalila,buno Ghongo eli Chengeshi, nu muwe tamu bulimaswa. ⁶ Ndi twatenda buno twakomya ghamoyi nawe ,nu tukutabanga mu bulimaswa, tweka bwisa,nu tatweli mu bulili. ⁷ Tondo ndi tukutabanga mu chengeshi,anga bweli winene mu chengeshi,twakomya gha ntwasambana,nu mikila sa Yesu Mwana waghe satutucha mu bwaghi bunsayi. ⁸ Ndi twatenda buno tatwite bwaghi,nti tukwiyengelela beshwe binene,nu bulili ta buli munda mwitu. ⁹ Ndi twasambala bwasibwasi bwaghi bwitu,we eli wa bulili nu wasanana buno atunyomolele,nu ku twengya. ¹⁰ Ndi twatenda buno tatwite bwaghi, twamukita mweki wa bwisa,nu kitondo chaghe tacheli munda na beshwe.