¹ Polo,Mukendi( a mukendi wa bantu, bù kùba mukendi wa muntù ko mhm mhm mone kuba mukendi wa Yesu Kilisitu, no Kabesha Mpùngù Tata umusangwèle kihima kù baki). ² No bâlè kwane bonse be amo nane, ku biwelo byonse bya bena Galatia: ³ Kya bùntù no talala lîme kwe Kabesha Mpùngù Tata no kwa Kolo lyetù Yesu Kilisitu, ⁴ ge wïminye gebugima akibalo kya bùbè bwetù, kibalo etuhandye mu kano kanje kabole kahya monka mwetokelele Kabesha Mpùngù Tata, ⁵ abe no bùtùmbè milemba no milembambagala. ⁶ nantwèkelwa kwêne kumona mwa mulekela bùkele gùlya ùmiitile mu kya bùntù kya Kilisitu no kusindamina kù gînge myanga gilùmbùlùke, ⁷ a kwana kwi ginge hala, ano kwe no bantu bakwimisùsùla benywe no bakampwe kwalabùla myanda gilùmbùlùke gya Kilisitu. ⁸ Mone betwe no mikendi-gùlùgya mwigùlù ntè twa misawela benywe myanda gînge gilekenkane no gilya gya tumisawèle benywe, atebwe mulago. ⁹ Monka mwa tumilombwelele atangi no ano nanisamba byonka lùkwe lwa bubèle. Mùntù gegense wekasaùla myanda gilùmbùlùke gisi gilya gya mutambwele lùtangi, atebwe mulago. ¹⁰ kwana ano na kubendya bantù bu kabesha Mpùngù? bu kùswagasha bantù? kwale kwana kùswagasha bantù ahon nkiswele kùba mukendi wa Kilisitu. ¹¹ Kibalo benywe balùnda, bùbo bùsauli bwa misawèle n'na tenteka byonka kwana a bùsauli bwa ki muntù. ¹² kibalo nki mubùtambùle kwa muntù bù kwène kùlangwa bo no muntù ola nene mputwelwe no Yesu Kilisitu. ¹³ Kibalo mwakutegela mubelele lwendo lwane lwa kala kala kiwelo kya ba yuda, kwana nsùswele kwêne kiwèlo kya Kabesha Mpùngù kùtabùka, no kùkyonankanya. ¹⁴ No nene ngelelele mu kiwelo kya bayuda kulemba balya ba lùko lwane no kabèla kane, no nihaninine kùbikelesha ndago gya batata. ¹⁵ Mone Kabesha Mpùngù ù ntentebwele munda gya majù, ungitile mu kya bùntù kyege, ¹⁶ monka mwe mwenene bùlùle kùlangya mwanege munda gyane, kibalo nsaùle mwanda gwege ku bashantaila no ahon si mwikane kalyelye no bantù ba mubelè no masi; bù kùsela Yelusalema kubalya basangenwe mikendi kugebwa kwane, hola nene ngele ku mpenga gwa bwalabu, no kwegalùla byonka Damasiki. ¹⁸ Ahon ghīmba gya myaka gisatù, nselile Yesulema kibalo n'nimonene no Kefa, no gikene kwege masigi kumi no gatano. ¹⁹ Ola nsimwene mukendi gûnge oso genka Yakobo ndùgù gyege no Kolo. ²⁰ Mulolekye bisoga bibyo bya namisetekele kù mpala gya Kabesha Mpùngù, nsha kùbehya ²¹ Nghība gya ahon ngèle Sulia amo no Kilikia. ²² Kùko nki mswilangye lùkebo lwane kù biwèlo bya bayuda bibele munda gya Kilisitu; ²³ babo bategelele sile kwana , gulya ususwele kiwelo ahon amubambo guno anekusahula mwanda gwe futulwile akala, ²⁴ nobo bamutùmbëshe Kabesha Mpùngu akibalo kyane.