¹ Polo mugya wa Kilsitu, kwa kiswa mutema wa Kabesha Mpungu no Timoteo mwanetù, ² Kubana betu balubuluke betabeshe mwi Kilisitube ku mpenga gya Kolosai. Buntù no talalanya byaima kwe Kabesha Mpungu Tata wetù. ³ Twamufwisha Kabesha Mpungu, shage no Kolo lyetù Yesu Kilisitu masigi gonse twakumilombelela; ⁴ no kyaba kya tutegelele lwetabesho lwenyu unda gya Kisitu Yesu, no nkampwa gyamule nagyo kubalumuluke bonse. ⁵ akibalo kya lùkùjagelo lwa mule babekelwe bukusa mwi gulu, no myanda gyege gya mutegeele kalampe mu wanda gwa site, gya myada gilùmbuluke. ⁶ Giikile kwa mule; nte ni nansho mu kanje monse, mukubyala bihya no kùkùla munda gyenyu byonka nansilya bya gile munda gyenyu byonka nasilya, onka sigi lya mutegelele no kumanya buntù bwa Kabesha Mpungu mu site; ⁷ Byonka nansilya bya mulangelelwe no Epafra mpwani gyëtu mukampibwe ge u mwingi mulunda wa Kilisitu; ⁸ noge utulombwele bùampwe bwenyu ku mutema. ⁹ A kibalo kino betwe nobo, kubamba sigi lya tutegelele a tulekeli kulomba no kwi milombelela benywe, kibalo mujusibwe kumanya kiswa mutema kyege mu ngheni gyonse no kùmanya mbatè gya mutema. ¹⁰ mugyate mukiswa mutema kyege Kolo, no kumswagasha sitè, no kubyala bihya bisoga mu mugelo gonse guswagale, no kugelelela mu kumumanyinina Kabesha Mpungu, ¹¹ Benywe kunyonghõnibwa kwa lüsa lonse mungya lüsa lonse, no bukome bwa ntùmbo gyege mumone kùba no kwètùkesha mutèma no ndoge; ¹² kumufwisha Tata ùtuyenenye kutambula kiba kyabuyana bwege bwa balubuluke mu bumunke ¹³ Noge witwiminye mu bukome bwa mujo no kukutundya kibalo e tùtweshe mu bukolo bwa mwanege wa nkampwa gyege. ¹⁴ Munda gyege mwi lùhandelo lwetù, no lulekelelo lwa bue bwetu. ¹⁵ Noge Kinfwa kya Kabesha Mpungu kishakumneka mubel kbahangwe bonse. ¹⁶ A kibalo kyege bintu byonse bihangilwe, bi mwigulu no bi anse, bintu bya kumoneka no bishakumoneka, byo kuba bite bya bùkolo, kubekala, makolo, lüsa; byonse bibyo bilongilwe a njela gyege no a kibalo kyege, ¹⁷ No ge we kugebwa gye bintu yonse no munda mwege bintu bikwatene. ¹⁸ noge ù twe kya mubele ù kyo kiwelo; ge mubambo ge ù mubeli mutangi kusangùka mu bagya kalùngù; kibalo abe mutangi mu byonse. ¹⁹ Mu kibalo kyege kiyenene bùlùmbùlùke bonse bwekane; ²⁰ no kwe ge akumikanye bintu byonse kwelè ge, no ku bija kulonga talalaya ku njela ga masi ga Musalala gwege; kwege ntè bintu bya kanje bu bintu bya mwigulu ²¹ No benywe babele kala bageni no ba mangi ba maninga genyu, mu bilongwa byenyu bibè, ano umikuminkenye. ²² ku mbele ga misamba gwege ku luki lwege, kibalo emibweleshe benywe a meso gege, balumbuluke basi no kitonto, bù nsajè; ²³ ntè mwakugelelela mu lwetabesho, no ntè mwibabekwe mu kisina no kwèmana bùlùlè si, bù kwene kwalabùlwa kùla no lùkùjagèlo lwa mwanda gùlùmbùke lya mutegelele gù sahwelwe mu bianganwa byonse ano anse; no nene Polo nongilwe kuba mwingne wege ²⁴ No ano na ndogelelwa mu masusu gane kibalo kyenyu, no nanganinya ku mubele gwane bilya bisigele ku masùsù ga kilisitu a kibalo kya mubele gwege nokyo ù kiwelo kyege. ²⁵ No nene nanongwa kuba mwingili wege momonka bi kilènge wa Kabesha Mpùngù mpelwe ku kalambù kenyu, ngwanininye mwanda wa Kabesha Mpùngù, ²⁶ Kilya kibisikilwe no kalampe ka muso gonse ù ano kyaùtùlwa ku bege balùmbùlùke. ²⁷ Kwa bale Kabesha Mpungù aswagelwe kubaùtwela buheta bwa butumbe bwa kibisa kino mu bashantaila noge ni Kilisitu munda mwenyu lùkùjagelo lwa ntùmbo ²⁸ Noge twakumusahùla no kumulèngela no kulangya muntù gense mu nghēni gyonse. Kibalo tunonghōne kumusisha mùntù gense kùba mugwaninine munda gya Kilisitu. ²⁹ A Kibalo kino no nene na nkwèsùsùla, n'na kwebùlena no bùkome omwena kwela mugelo gwege kwelè wakwèla mingilo munda mwane kwa bùkome.