¹ Honyuma libutwa lya Yesu omo Bethelehemu eyabayahudi omobwami bwa Herode, abobwenge bamathokere munda weyithanga lyuba hali, bamahika eYerusalemu, bamaneena, ² Alihayi yulyabutwa mobwami bwaba Yahudi? Motwalola konyenyetsi yiwe itanga lyuba natwe twamahika muherera. ³ Ndambi Herode onvwaa amabya nobonjo ne yerusalemu yoshi hauma naye. ⁴ Herode amashongya bakuhani na bashaki babandu, amababutsa ati, Kirisito andabutwa hayi? ⁵ Bamamubwira bati, nimomuyi we Bethelehemu lya bayahudi kushangwa kobyahandikawa bitwo nomulautsi, ⁶ ye Bethelehemu mokihuo kya Yuda, kate kake mobusho ndotsi bwa Yuda, omwami anda butwa komundawe Yunda tsinga bandu baye mo Israeli. ⁷ Aho, Herode amabirikira bo bwenge mububisho neri babutsa ati, nikundambiyihi monyenyetsi yabyaa yamalolwako. ⁸ Amatumabo ebethelehemu amanena ati, muyashondye omwana yulyabutwa. Ndambimwa mulolako muniletere omwatsi nangye nimu herere. ⁹ Hombere kwaho, eribya mobathabona omwami, bamaendereya noluendo lwabo, nenyenyetsi yobalola ako yamatangabo embere ihika yohomwana abutawa ali. ¹⁰ Ndambitushalola okonyenyetsi eyi, bama byanolumoo lungi, ¹¹ Bamingira omombimbano, bamalolalomwana na nyinya uwe Mariamu. Bamamuramwa ne muherera. Bama kingula emifalisi, bama muha ebihembo byeri muherera nge uvumba ne manemane. ¹² Ongo amahanabo mobiloto ati, mutashubaa ewa Herode, aho bamaende ishubula ewabo munzira indi honyuma weri enda lyabo omulai wanyinya kuwetu, ¹³ Hombere weri enda lyabo, omulaika wanyinyakuwetu amabutukira Yusufu omobiloto amaneena ati, imana, heka omwana mutibite muyi Misiri, mubyeeyo, kiro nanda babwira kushangwa ye Herode ashonda omwana amwite. ¹⁴ Mokiro ekyo Yusufu amabuka, amaheka omwana na nyinya bama tibitira e Misiri. ¹⁵ Amabya eyo hika kukiro kyerifwa kya Herode. Ekikyamabererera ilabirabyo nyinya kuwetu aneenaa ilabiramulautsi, Mona birikira mwalaye erithoka e Misiri. ¹⁶ Nyumakwaho Herode abilola ngoko basomaa mobamutima amatsibuka kutsibu. Amabwirabo ati, mwite banaboshi kobalimo Bethelehemuna boshi bali omulubu lwa birimo ibiri ne kihya ikwamana kobiro abereretswaa na basomi. ¹⁷ Bama kolangoko kinwa kya neenwaa na mulautsi Yeremia, ¹⁸ Mulenge monvwika e Rama, kiriro na buliye bungi, Raheli akiririra abana buwe, amatinda riongwa kushangwa bana buwe bathaliho. ¹⁹ Herode abereafwa, ngashani wenyinyakuwetu, Yoamubutukiraa Yusufu yomobiloto e Misiri ²⁰ Amaneena athi imana tsimba omwana na nyinya uwe muende mokihuwo kya Isiraheli, bushana babyaa bashonda buyingo bwomwana bamafwa. ²¹ Yusufu amimana ,amatsimba omwana na nyinya, bamaya mokihuo kya Isiraeli. ²² Hewetuwe ,abere monvwangoko Arikelau yabyaa niatabala kihuo kye Yuda, mo muongo wa isheuwe wa Herode abyaa nwubahire eriyayo. Honyuma wa Ongo imuhanaa mubiloto, ama hungukala eriye Galilaya ²³ Na amaya ikala momuyi wobanabirakiramo Nazereti. Eki kyabereretsaya ekyokyabya ikyabiribuwana na balautsi ngoko anda hulwamo Mnazareti.