¹ Ekitabo kya kihanda kya Yesu Kirisito mwana wa dawidi mwana wa iburahimu. ² Iburahimu abaaishe wa Isaka, naye Isaka abaaishe wa Yakobo, na YAkobo abaaishe wa Yuda hauma na baalababo. ³ Yuda abaaishe wa Peresi hauma Sera oko Tamaria, Peresi ishe wa Hizironi, na Hizironi ishe wa Ramu. ⁴ Ramu abaaishe wa Aminadabu, Aminadabu abaaishe wa Nashani, naye Nashani abaaishe wa Salimoni. ⁵ Salimoni abaaishe wa Boazi ako Rahabu, naye Boazi abaaishe wa Obedi oko Ruta, Obedi abaaishe wa Yese, ⁶ Yese nishe wa mwami Dawidi. Dawidi abaaishe wa Sulemani okomukatsi we Uria. ⁷ Sulemani abaaishe wa Rehoboamu, Rehoboamu nishe wa Habiya, Habiya nishe wa Asha. ⁸ Asha nishe wa Yafeti Yafeti nishe wa Yoramu, na Yoramu nishe wa Uzia. ⁹ Uzia abaaishe wa Yothamu, na Yothamu nishe wa Ahazi, Ahazi nishe wa Hezekia. ¹⁰ Hezekia abaaishe wa Manasi, Manasi nishe wa Amoni, naye Amoni nishe wa Yoshia. ¹¹ Yoshia abaaishe wa Yekonia na baalababo ndambi baenda eBabeli. ¹² Honyuma welitwalwa eBabeli, YeKonia abaaaishe wa Shatieli, naye Shatieli nishokulu wa Zerubabeli. ¹³ zerubabeli abaaishe wa Bihudi, naye Bihudi nishe wa Eliakimu, Eliakimu nishe wa Azori. ¹⁴ Azori nishe wa Sadoki, Sadoki nishe wa Akimu, Akimu nishe wa Eliudi. ¹⁵ Eliudi nishe wa Elieza, Elieza nishe wa Natani, Natani nishe wa Yakobo. ¹⁶ Yakobo nishe wa Yusufu iba wa Mariamu nyinya wa Yesu Kirisito. ¹⁷ Bihanda byoshi iwanza ku Iburahimu ihika ku Dawidi byabyaa bihanda ikumi na bine(14), itokaku Dawidi ihika erienda neriya eBabeli bihanda ikumi na bine(14), neritwalwa eBabeli ihikako Kirisito, bihanda ikumi na bine(14). ¹⁸ Eributwa lya Yesu kirisito byabaa bityo. Nyinyauwe, Mariamu mwashabwa na Yusufu, Hewetuwe honyuma werimuminya mubiri mwabyanga mukule wa kirimu kibuirire. ¹⁹ Ibauwe Yusufu, abaamundu wa kwenene, mwatanza erimubwira mombua mwaiteeritsa buraane buwe naye omobubisho. ²⁰ Ndambi abaanianitsa kobindwe byo ngashani ama mutokeramobiloto, amamubwira, Yusufu mwana wa Dawidi utubahaa erimya Mariamu ngamukatsiawe, bushana bukule bwaliko nibwa kirimu kibuirire. ²¹ Andabuta omwana wobutsana wandamuhulamo Yesu, kushangwa anda shabula bandu buwe nebibi byabo. ²² Byoshiebi byabaa bushana nerikola endaane yo mulautsi, aneena athi, ²³ Lola mwishengetsi andaheka abukule, andabuta omwana wobutsana, bandamuhulamo Manueli, Iminyisha, Ongo haumanetwe. ²⁴ Yusufu mwabuka eritokamutulo, neriirangoko nyinya kuwetu atamubwira, nerimwimyamo mu katsiuwe. ²⁵ Aho, mwata otseranaye ihika kukiro kyeributa omwana wobutsana, bamamuhulamo Yesu.