¹ Emiambo y'erimbere yabyaa luhande lwi hemero hao oko kihuo ni shikwe kihemero. ² Bushanda imo hemamwabya kishenge, kishenge kye mbua, lwa bya luhande lwo lukengerwa. Omo kinwa eki habyaa kinara kya tara mesa na mikate. ³ Ne nyuma ye pazwa ya kabhiri habyaa kindi kyumba, hamahulwamo luhande lwo lukengerwa kulengya. ⁴ Mwabyaa kindi aheri herera obuhere itho kyaho eribheho. Kandi momwabyaa erisanduku ilendaeneyo yabyaa ini horo nyishanyisha. Ne mwishi walyo mwabyagha mbale ya horo niineenire, kolubasha lwa haruni, lolw'alashaya ebiti, nesyo mbao syamabwe wendaane. ⁵ Endatha we sanduku ye ndaane emipumbire ya bamaserafi abolukengerwa bashwikwe ebibi byabo embere wa kifumbi kyeri hindan'ya kyomuhindano, munowire luthangatho kikan'ya kukyo ko buli. ⁶ Ebindu ebi byamali thokibwa, musamba wa butyobutyo abaya omo byumba byembua we hema in'ya baya yithondoghola. ⁷ Hewethuwe omusamba mukulu ayingira omokyumba kya kabiri yowene kauma okobuli mwaka, iniathibushe ihana bihembo bushana naye yowene wene, n'okobibi bya bandu bobakolaa ni bathanjire. ⁸ Omuthima abuirire wa liho, enzira yo lukengerwa ithesi ya kingulwa nge hema yerimbere ni ihengene. ⁹ Bino ni binwa byo mwe ono, ebihembo byoshi byobihanwa kunobiro bithangabya by'ikiritsa. ¹⁰ Ni biryo na bishomwa busha, byo bilungire omo ihemero eyi nabya. Ebyo shyebi byabya byowene oko mubiri byo byabyaa ni byama buwa bushana na niambomihya yo ndabikwaho. ¹¹ Kirisito mwahika nga musamba mukulu wa bindu byowene byo byamahika. kwilabhira mobunene no mohema no ithakolwa mobyala bya bandu athe wokokihuo kino kyo kyabumbawa. ¹² Itabyaa katambi kumbene na mbuli, eo ni kusheghema iwe yowene we Kirisito mwingira koluhande lo lukengerwa. ¹³ N'oko sheema y'embene momwanga shomao no wembuli. Sy'ositakwirire si wushirwe na Ongo neriirwa emibiri ya bo yowane kushe. ¹⁴ Kuthe kutsibu kwaho ye Kirisito erilabira momuthima wekera ne kera amayihana yowene butsira mwana mu Ongo, erinabya emithimethu omo mikolere erikolera Ongo yo uliho? ¹⁵ Bushana ekyo Kirisito ni mulairwa we ndaane nyihya. Ekyo kyokyirekire oluholo, ilwabaleka bwiranda aboshi bendaane yerimbere ithoka omo bibi byaho, ngoko aboshi bimayana Ongo bathoke eryo wa omwandu wabo we kera ne kera. ¹⁶ Hamabya ni hali ndaane ya biro, ni wahumbwa biro bingi bushana no luholo lwo mundu oyo oyuthakolakyo. ¹⁷ Kushangwa endaa ikalire einathokamo na luholo kushangwa hathe maala ndambi wo wenewene kyo wangakola niakineho. ¹⁸ Ebyoitye ndaane yerimbere lyolyabyaa libikirwe ni hathemutsungi. ¹⁹ Endambi Musa ahanaa obuli ndaane ye miambo oko bulimundu, mwimya abutsungi bwe syonde ne syombene, hauma na metsi, kitambara kyengula, ne hisopo nerikamutsya syonde na bandu boshi. ²⁰ Amaneena eyinisheema. Yendaane ya Ongo amahabo endaana kwimwe. ²¹ Omo lulinga olo amanyunyerera eshema endatha wa hema no kobimano byoshi byobya koleshibawa mo mulimo oyo wo musamba. ²² Nerikwamana ne miambo, hakuli buli kindu kyesibwe mosheema. Ahathe ishesha sheema hatheshashi. ²³ Esyo rangi sye bindu bye lubula syeribwe ne bihembwebi byesonyama. Nebindwe bo byelubhula byo benebene byangeribwe kushe mo bihembo ebyo byowene kutsibu. ²⁴ Kushangwa Kirisito mwathingira howene kutsibu hohairwaa mu byala, ewo ni ranji ya kindu kikwirire. Oho mwaye lubula yowenewene, endamby'eno ali embere w'obushu bwa Ongo bushana n'ethwe. ²⁵ Mwathingire yo bushana neriyito amobihembo bushana naye kiro ku kiro ngoko musamba mukulu anaira yoningira ahoshi howene kutsibu biri bingi kumwaka auma ne sheema ya undi, ²⁶ nge kyo kyabyaa kwenene, byabya bitholere kwiye aalibwe kangi kangi ithoka kondango ye kihuo. Wethuwe ni kauma mupaka mwisho we miaka aikanganaya kwitho ekibhi mo bihembo biwe yowene. ²⁷ Kobiri kobuli mundi ifwa kauma, ne byo byabilaba ihahika lubanza, ²⁸ ye Kirisito naye yo wahanawa kauma kwithokya ebibi byaye, andashuba huluka kandi kauma, bute bushana nerishubatsomana ekibi, hewethuwe n'isire ya leta abo bamulindire n'omuhwa.