¹ Naho emiambo ni chinfunfu chebinwa ebyandahika, syebo ebilabire. Emiambo ye yeneyene itangakocha eriirabo mo bantu bikayibumba oko njira yo buhere eto eto ngabaheretsi bobakalaa butaluha ekirimo kokirimo. ² Ngoko bindi obuhere obo mubwaendelea erilikwa? kubushi abobafukama nerishikya kayibumba neryechibwa, hatangamingire chibi omokati ke mitima yabo. ³ Amokatikati kobuhere obuhalieribuka ebibi ebyo byakolawa kokirimo ne nyuma wekirimo. ⁴ Ngoko bitatokekere kocheema yende negembene okwitokye kibi kobuli kirimo. ⁵ Omondambi Kirisitu mwahika omokihuwo mwaneena momutahira amaene wokobuhere, enyumasiwe, momwateghekan'ya omubiri bushana nangye. ⁶ Mutali muhirire maene omokati kerihulukyalyenyu obweriokeretsa ewo obuhere bushana ne bibi byenyu. ⁷ Naho monaneghena, lola, hano enikola erishondalyawe, kayibumba ngoko kishakire bushana nangyemokati kekitabo. ⁸ Mwaneena ngoko byaneenawa ohobushondotsi: mwatatsomana obuhere, eo erihiraho malirira bushana ne bibi, ngoko mutalalo obuya mevishi siwe obuhere abobuherwa eritsukira okomiambo. ⁹ Mwaneghena, lola nirihano erikola erishonda lyawe amahira emusike eritondeka eryakera erihanganyaho ehakera. ¹⁰ Omokati kebiri kwenene byakabire twamemali hiulwa okokaijibumba okonjiyi yiwe okwitsukira okoayihiraa okomubiri owa Yesu Kirisito engendo nguma kondambi shoshi. ¹¹ Nikwenene obuli muheretsi erimana okwikola kiro kukiro erihulukya obuhere obo oko byoshi byoshi bitangakakya eritokya ebibi. ¹² Hewetuwe engumawa Kirisitu erihiraho obuhere kauma busha okokibi ekera hoshi, mwikala okohunda lwenimwe lya malyo wa kayibumba. ¹³ Eririnda amasishe uwe ahirwe hishira neriiryamo kinfumbi bushana ne bishando biwe. ¹⁴ Kubushi okonjira yobuhere buuma bamatorera kera na kera ngoko bamahiulwa eyo wakaibumba. ¹⁵ Nomutuma mubuya kwitwe nikaliho kwite. Kubushi erimbere mwaneena. ¹⁶ Eyi ni ndaane oyo nandakolamabo okobiro ebi aneena nyinyakuwetu: nyendehira emighambo mwishi wabo namokati k'erianitsa lyabo. ¹⁷ Naha mwaneena, batendi swibuka emikolere yabo mibi ne bibi byabo. ¹⁸ Ngoko hali erishashira hatali buhere byoshi bushana ne bibi. ¹⁹ Kwecho baala betu, tuli nemaene weringira ahali habuya kulenga eshema ya Yesu Akirisitu. ²⁰ Eyo ni njira ama kingulano bushana netwe eyo njira ya mubiri wuwe no butsibu buhya butsukire olukimba. ²¹ Na kubushi tuwite omuhetsi mukulu eyo luulu wenyumba. ²² Tumuhikire n'omutima we kwenene omokati ke kwenene w'ebyo kwenene tuli na mitima mibuya okwitoka ko bubi ne mianitse neribya ne mibiri yetu eyo yetsibawa momechi mabuya. ²³ Twatiritse kushe okomaene omokati keribinduka lyekwenene okomaene wetu, eritindibinduka kubushi kaibumba oyowaneena ni mubuya. ²⁴ Twibukane, okonjira ye buuma nelikola omuli mubuya. ²⁵ Tutamikaa erihinda hauma, ngoko bandi bali bakola ng'abandi. Enyuma w'ebyo, tuhirane mutima obuli muuma kulenga, ngoko mulola ekiro chamahika. ²⁶ Ngoko twangakola okwikolera elikola kibi enyuma kweri angirira erikangitsibwa erye kwenene obuhetse bundi obwe kibi. ²⁷ Naho tutsene kobula olubanja, okwibaha n'obutsibu b'omuchanwa obwamatolera erirya enzimauli wa kaibumba. ²⁸ Obulimundu woshi woshi oyo ametinda emiambo ya Musa andanfwa butsira erisharinwa ebushondotsi bwabo kaliho babiri eo bashatu. ²⁹ Omuanitsa mute munaanikire kunatolere obulimundu oyutamushikitse omwana wa kaibumba, omundu woshi woshi oyowakoleraa esheema ye ndaane ngoko kindu kibuya, nge sheema eyo yahiraa abanfwii kwa kaibumba - obuli mundu oyu hangya mutima weri enyera? ³⁰ Kubushi twechi omundu muuma oyo waneena, eririhishya lili kwingye, nandaliha, na kandi, nyinya kowetu ende shoha abandu buwe. ³¹ Ni kinwa cheriubahya omundu kwitonga mominwe wa kaibu imba oyu liho. ³² Hewetu we mwibuke ebiro byo byatsukaa enyuma werihira kwime ko kiereretsi, bushana naki muhande mitima okwialwa litsibu. ³³ Mwabyaa ni mwana bikwa kushe okonjira yerihangibwa ya kibuanano neri aalwa, mwabaa neribeera obuligho buling'obo. ³⁴ Kubushi mwabyaa ne mitima yeri shashira naho mwabyaa ebandu baminire, momwaangirira okwimogha erishamulwa ebindu byenu mukaminyaa imwe mwabyaa n'omwandu mubuya oweriikala kera na kera. ³⁵ Bushana n'echo mutausha emaene yenyu owaali n'omuangiriro muneene. ³⁶ Kubushi momwahanda omutima ngoko mwangatokya eribona ekyo kaibumba ahulaa eribuha, kubushi mwama kochia elishondo liwe. ³⁷ Enyuma we ndambi nge, omundu oy'uhika, andahika kobinali na atiende berereyo. ³⁸ Omutunga nene andabyaho ekwitunganana oyuama shubula nyuma ndiende tsiirana naye. ³⁹ Itwe tutali nga bandu abo bashuba enyuma okwihera. Ngaho itwe tutali bandu beri shub'eyuma aberiteya emitima etu.