¹ Kweki, twamalikula ebyotwaiyaa bushana na mwatsi wa yesu Kirisito, tushabirwe eribya nomuhwa erikwamana na bukulu, tutabikaa mabwe kandi soshasi erihuluka omokati ke milihiyo itali neribyaho ne erikiritsa omo Ongo. ² Wala elibwe lye eriiisa lye erilibikwa, neri bikirwa minwe, obushubi bwa bafwiri, nekichiro kye kera. ³ Twandakola ekikyamabya ongo anda tuha enzira. ⁴ Bushana bitanga kochibwa oko aboba banaa kyereretsi, abo ba etsa obukulu bo omo mbingu neri irwano bauma bo omutima akwiri. ⁵ Aboba etsaa obubuya bwe kenwa kya Ongo na omo kaala kendambi ya ndahika. ⁶ Bana toa kitanga kachikana erifulu kyabo omoshashi kandi. Eki ni bushana mwana hanika omwana wa Ongo ngendolya kabiri oko kirimu kyabo, neri muiramo kindu kyeri shatira omo mbuwa. ⁷ Bushana ekitaka ekya habawa envula eyo iwa oboli ndambi holuulu yakyo, ni kyatokya sombuto sitolere oko abobakolaa mulimo omokati kekita, erihabwa muisha eri huluka ewa Ongo. ⁸ Kya mabya kyeri buta emishaki nebiti, kitanga labwako neeri omokati ko lubanza lweritakirwa. Enzikiro n'yeri hishibwa. ⁹ Namo twanga simola tutyo, mwiraye, atushondwa na ebindu bikwirire byo, bibalolirwe nebindu byeri la mya. ¹⁰ Bushana Ongo atali mubesi atinde ibirirwa emiliro enyu nokobuumo bomwakangania bushana nitsina liwe, omokati ke ekimo mwa kolera aba ikiritsaa n'omunabwire mune mukolerabo. ¹¹ Tutsiire kutsibu luti obulimundu mwimwe akochye erikangya omuhwa erihika okanzukitso omo kwanene. ¹² Tutatsiire mukaba baata, hemubye abiya baabo balindiriraa kushana n'ikiritsa nerihanda omutima. ¹³ Bushana Ongo ahi Abrahamu ilindirira, mwalahitsa okomutima uwe, bushana erilahitsa n'okobandi abali nga bakulu okobandi. ¹⁴ Mwaneena, kundu nyandakuhirako eminwe, nyandakuongera lubato lwawe kutsibu. ¹⁵ Oko nzira eyi, Abrahamu mwahabwa ekyo abya nia bikirwe hanyuma yeri lindirira lyeri shikya omutima. ¹⁶ Busha abandu be kihuo abana lahitsa okoyo aliyoluula kubo, na kwibo enzikitso ye mikindano yoshi ni lahitsa oko eribereretsa. ¹⁷ Endambi Ongo mwikiritsa erikangania bushana na abwikalo bwirindinira, ianitsa liwe likwirire elitangabinduka kwilahitsa. ¹⁸ Mwaira atyo bushana bindu bibiri ebitanga binduka, ebyo Ongo atanganeena buberi, itwe twatibitiraa eribikwa tubone erihirwa omutima we eritsimbiritsa kutsibu amaha awembere setu. ¹⁹ Tuite erimana elinge nanga imene ne yeri shemera ye miti etu, eriimana elye eriingira omokiuma kye mwishi wenyuma ya pazia. ²⁰ Yesu mwalola ekiche ngoko mutangulitsi wetu, ama mali eribya muheri mukulu nerihika okonzikitso honyuma ya o obolo bwa Melkisedeki.