¹ Bushana obuli muheri mukulu, oyowashombolawa eritoka omokatikati bandu. Bamashombolwa erihangana enyuma kwaho omo bindu ebitahikenena Ongo, kundi atoke erilusha hauma na luhembo na buhere bushanane bibi. ² Angatoka erishetsa omutima omo bolo na wayinga. Na bobukangabisya kundi iye wenewene naye atimbwereko no buhata. ³ Bushana nebi amashubitsabo abala bye kibo bushana ne kinibi kiwe ngoko akolaabyo omo bibi byetu. ⁴ Hatali omundu ahekana olukengerwa luno bushana naye yowene hewetuwe itokaho, litolere inyaburikirwa na Ongo kwabyaa Haruni. ⁵ Kushangwa kirisito mwataiha ishikya yowene, eriikomwa yowene, ibya kuhani mukulu enyuma kwiye Ongo mwaneena kyiye, iwe ni mwanaye, munowire nyamabia tatawe. ⁶ Ngakwanemuneena kandi ahandi handu, iwe uli muheri, ekera ne kera miani nga Melekisedeki kwabia. ⁷ Endambi kika kiwe momubiri, amashamba na amashambira, amasamba Ongo kwikira, kwiye yowatokaa imushabula mo luholo. Kubushi bweriyolorerya kwiye Ongo, amovwa. ⁸ Kubushi abaamwana, mwaiya ishikya okobindu ebyavatsaa. ⁹ Mwaberetswa enzira eno ikoleke oko bulimundu amukiritse kwibya sababu yo bushabuli bwe kera ne kera. ¹⁰ Erihiulwa na Ongo nda kuhani mukulu honyuma kwaho omulangi wa Melekisedeki. ¹¹ Tuwite bingi ebyerineena bushana na Yesu, hewe tuwe na tsibu erieleza na nemwe bushana mutawite matwi weriovwa. ¹² Kubushi kitsye mwangabya biitsye. Neki hali bitolere wa mundu ariitsabo amaitsho na byakera noko kanuni kebinwa bya Ongo, mwamashabwa mashabu andi katekalyo kasibu. ¹³ Kubushi oshioshi noushoma mata atawite bolo kubushi omwatsi wa kwenene, kushangwa akine mwana. ¹⁴ Koundi munda, kalyo kasibuhire ni kalyo kabandu batsibu abo nabo bushana neribeera kobubi batashoshekene na babuya bamaisibwa eriminya ekibi ne kibuya.